फिलिप्पियों 4:9 - सिरमौरी नौवाँ नियम

⁹ जू बातौ तुऐं मुंवादी शैखै रैई, औरौ पाए रैई औरौ शौणै रैई, औरौ मुं दी दैखै रैई, तिनका पालन कौरेया कौरौ, तोबै शान्तै का पौरमेशवर तोंवारै लोगौ कै साथै रौन्दा।

Sirmouri

⁹ जुण्जी बातो तुँऐं मुँह कैई शी शिखी अरह् तुऐ माँनी, अरह् शुँणीं अरह् मुँदी देखी, तिन्दी का पाल़्ण करिया करह्, तबे पंण्मिश्वर जू शाँण्त्ति का दाता असो, से तुँवारी गईलो रह्दा।

फिलिप्पियों 4:9 Iomraidhean Croise

मत्ती 1:23

“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

लूका 6:46

“जोबै तुऐं मैरौ बौलेयौंदो ना मानौ तौ काए मुखै, ‘ओए रै प्रभु, ओए रै प्रभु,’ बौल़ौ?

लूका 8:21

यीशुए तिनुकै जवाब देएबा बौल़ौ, “मैरै माँ औरौ मैरै भाए ऐजै औसौ, जू पौरमेशवर का वचन शुणौ औरौ मानौए।”

यूहन्ना 13:17

तुऐं ऐबै इनु बातौ कै जाणौए, औरौ जै तुऐं तिनु पांदी चालौ, तौ धन्‍य औसौ।

यूहन्ना 15:14

जै तुऐं मैरी आज्ञा कै मानौ तौ तुऐं मैरै दोस्त औसौ।

यूहन्ना 2:5

पौरौ तैसकी माँए सेवको खै बौल़ौ, “जू किछै सै तुऔं खै बौल़ौ सैजौई कौरेया।”

प्रेरितो कै काम 9:6

पौरौ ऐबै बिज़यो नगर दा जा, औरौ जू ताखै कौरणौ औसौ, सै ताखै बौताए जालो।”

रोमियों 15:33

हांव प्रार्थना कौरु कै पौरमेशवर, जू शान्तै दैंव, तुऔं सौबी कै साथै रौंव। आमीन।

रोमियों 16:20

शान्तै का पौरमेशवर शैतान कै नाश कौरे दैला औरौ तैसी तोंवारै अधीन कौरे दैला। अमारै प्रभु यीशु मसीह का अनुग्रह तुऔं पांदी हौंदा रौंव।

1 कुरिन्थियों 10:31

आखरी दौ, हांव तुऔं खै ऐजौ बोताणौ चोऊं, कै इथकारिए जै तुऐं चाहै खांव, चाहै पियौं, चाहै जू किछै कौरौ, सौबै ठुँ पौरमेशवर कै महिमा कै खातिर कौरौ।

1 कुरिन्थियों 14:33

पौरमेशवर गड़बड़ी का नी, पौरौ शान्तै का पौरमेशवर औसौ। ऐजाई नियम पौरमेशवर कै लोगौ कै सौबै कलीसियाओं दा पालन हौणा चैंई।

1 कुरिन्थियों 4:16

इथकारिए हांव तुऔं कैईंदै बिन्ती कौरु, कै तुऐं मुं जैशणा मसीह दा आपणा जीवन जियौ।

2 कुरिन्थियों 13:11

इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।

फिलिप्पियों 3:17

ओए रै भाईटु तुऐं सौबै मैरै बर्ताव कै नकल कौरौ, औरौ तिनु लोगौ पांदी ध्यान दैंव जू मैरै बर्ताव कै नकल कौरौ, औरौ तिनकै नकल कौरौ। जिथका उदारण तुऐं आमु बर्ताव कौरदै बैई दैखौ जोबै आमु तोंवारै साथै थिए।

फिलिप्पियों 4:7

तोबै पौरमेशवर तुऔं शान्तै दैंदा। जू शान्तै आदमी कै सौमझ शै बायरै औसौ, मसीह यीशु मुंजी तोंवारै मनो औरौ तोंवारै विचारो कै रक्षा कौरदै।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

1 थिस्सलुनीकियों 2:14

इथकारिए, ओए रै बिशवाशी भाईयों, तुऐं तैशैखैई सताव झैला जैशै पौरमेशवर कै कलीसियाएं झैला जू यहूदिया प्रदेश दी मसीह यीशु दी औसौ जिथुकै तुऐं बै आपणै लोगौ शै तैशणाई दुख पौऊवा, जैशै तिनुऐ यहूदियों कैईंदा पाए राए थिया।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

2 थिस्सलुनीकियों 3:4

औरौ आमु प्रभु दा तुऔं पांदी भोरोशा औसौ, औरौ आमुए तुऔं जू किछै कौरणौ कै बौल़ै राए, तुऐं तैशैखैई कौरे लो औरौ कौरदै बै रौया।

2 तीमुथियुस 4:22

हांव प्रार्थना कौरु कै पौरमेशवर औरौ तैसकै दया तोंवारै साथ रौंव।

याकूब 1:22

सिरफ तैसकै वचन कै शोणेयो आपी खै धौखा ना दैव; तुऔं सैजौई कौरणौ चैंई जू सै बौल़ौए।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

1 यूहन्ना 3:22

औरौ जू किछै आमै पौरमेशवर शै मांगुए, सैजौ आमु तैसी कैईंदु भैटौए; जिथुकै आमै पौरमेशवर की आज्ञाओं खै मानुए; औरौ जू पौरमेशवर कै भाँवए आमै सैजौई कौरु।