फिलिप्पियों 4:5 - सिरमौरी नौवाँ नियम

⁵ सौबै लोग तोंवारै कोमल स्‍वभाव कै जाणै पांव। प्रभु झट ही आणौवाल़ा औसौ।

Sirmouri

⁵ तुँवारी नरमाँऐं बादे आदमी गाशी पर्गट हों, प्रभू नंजीक असो।

फिलिप्पियों 4:5 Iomraidhean Croise

मत्ती 6:25

इथकारिए हांव तुऔं खै साचौ बुलू, कै आपणै जिन्दगी कारिए चिन्‍ता नै कौरेया, कै आमै का खांदै औरौ का पींदै; औरौ ना आपणै शोरीर कारिए कै का बाम्बदै, का जिन्दगी खाणै शै, औरौ शोरीर खोटणो शै बौड़ैबा ना आथी।

मत्ती 6:34

इथकारिए दोतियो कै बारै मुंजी परवाह नै कौरेया, जिथु दोतियो आपणै परवाह आपी कौरदा, ऐलो कारिए ऐलो कै दुख लैखा औसौ।”

लूका 21:34

“इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

1 कुरिन्थियों 16:22

ओए रै अमारै प्रभु, आए जा!

1 कुरिन्थियों 6:7

हकीकत ऐजै औसौ कै तोंवारै बीच मुकदमे औसौ इथका मतलब औसौ कै तुऐं मसीह कै जैशणा बिल्कुल बै बर्ताव ना कौरे लैई इथकै जौगैह तुऔं कै ऐजौ कौरणौ चैंई थियु कै ओकी कै बुराई कै सैहन कौरदै औरौ आपणा नुकसान हौणौ दैंदै।

1 कुरिन्थियों 8:13

इथकारिए, जै आमै मूर्ति खै चौढ़ाएयौंदो खाणौं खाणौ शै ओकी बिशवाशी कै बिशवाश खै खोए दैणौ कै बौजैह बौणौ, तौ हांव तैशणौ खाणौ कौलोंई ना खांदा जिथलैई हांव ओकी बिशवाशी कै बिशवाश कै खौणौ कै बौजैह बौणु।

1 कुरिन्थियों 9:25

जू लोग दौड़ दा हिस्सा लोणा चांव, सै आगै भ्यास कौरौ औरौ आपणी अभिलाषाओं दै ना डुबौ, पौरौ धीरज राखौ सै जीतणौ औरौ आदर पाणौ कारिए ऐशै कौरौ तिनका आदर फूलो लैई बौणैयौंदे माल़ा शै हौंव जू जादा सौमय तौड़ी ना रौंव पौरौ आमै जू मसीह यीशु दा भोरोशा कौरु, आदर औरौ आशीष पांदै जू सौदा तौड़ी बौणैयौंदे रौंदी।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 थिस्सलुनीकियों 2:2

जै तुऐं शुणौए कै प्रभु यीशु कै औटेयौ पाछु आणौ कु दूस आगै शै ही आए गौ तौ आपणै विचारो दै काल़ैयौ घबराए नी जाया। जै कुणिए ऐजी हौणौवाल़ी बातौ कै रुप दै या शिक्षा या ऐशणै चिट्ठी जू मानौ कै अमारी तरफ शै तिनु भैटी रोए, तौ तिनका बिशवाश ना कौरेया।

तीतुस 3:2

कोसी कै बदनाम नी कौर, औरौ शान्त स्‍वभाव कै हौंव औरौ सौबी आदमी कै साथै बौड़ै शराफत कै साथै रौव।

इब्रानियों 10:25

आव आमै पौरमेशवर कै आराधना कौरणौ कारिए कौठा हौणा बंद ना कौरौ जैशै किछै लोगै कौरे लो। जैशैकै कैतरै कै भोवार औसौ, पौरौ आमु ऐकी दूजै खै हिम्मत औरौ चैतावणी दैणी चैंई, खास कौरेयौ ऐबै कै जोबै कै प्रभु कै औटेयौ पाछु आणौ कौ दूस नेड़िक आन्दौ लागै रौ।

इब्रानियों 10:37

जैशैखै पवित्र शास्त्र दो लैखै राए: पौरमेशवर बौल़ौ, “ऐबै बैजाए दैणिक सौमय रौए गौआ जोबै कै आणौवाल़ा आन्‍दा औरौ देर ना कौरदा।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

प्रकाशितवाक्य 22:20

यीशु इनु सौबी वचनो कै गवाही दैंव, औरौ सै बौल़ौ, “हां, हांव तावल़ा आणौवाल़ा औसौ।” मोऐं यूहन्नाए जोवाब दिया, आमीन। ओए रै प्रभु यीशु आ।

प्रकाशितवाक्य 22:7

“औरौ दैख, हांव तावल़ा ही आणौवाल़ा औसौ; धन्‍य औसौ सैजै, जू इयौं किताबो दी लिखैयौंदी हौणौवाल़ी बातौ का पालन कौरौ।”