फिलिप्पियों 4:14 - सिरमौरी नौवाँ नियम

¹⁴ तोबै तुऐं भला कौरा कै मैरै कौल़ेश दै मुखै पौयसै दैणौ कै दवारा मैरै सहयोगी हुवे।

Sirmouri

¹⁴ तबे भे तुँऐं भलो कोरो, के मेरी कल़ेश-दु:ख्ह दे मेरे साथी बणें।

फिलिप्पियों 4:14 Iomraidhean Croise

मत्ती 25:21

तैसकै मालिकै तैसी बौल़ौ, ‘बौहुत बोड़िया, ओए रै आछै औरौ बिशवाश लायक नोकर तू थोड़ै पौयसै सभाल़णो दा बै बिशवाश लायक रौआ, हांव ताखै बौहितै चीज़ौ का औधिकारी बौणान्‍दा। आपणै मालिक कै खुशी दा शामिल हौव।’

रोमियों 15:27

तिनुऐ ऐजौ खुशी शै कौरौ सै यरूशलेम शहर कै रौणौवाल़ै लोगौ कै कर्जदार औसौ, जिथुकै बैगानै यहूदी लोगै यरूशलेम शहर कै रौणौवाल़ै बिशवाशियौं शै सुसमाचार कै आत्मिक आशीषै पैई, इथकारिए तिनकै जाणियुं कै इथकै बौदलै सै कम शै कम तिनुकै धन कै मौदद कौरे सौकौ।

गलातियौं 6:6

सैजै लोग जिनु पौरमेशवर कै वचन मुंजी दु शिखाए राए, तिनु जू किछै बै तिनुकैईं औसौ तिनु लोगौ कै साथै साझौ कौरणौ चैंई जू तिनु शिखांव।

फिलिप्पियों 1:7

तुऔं सौबी कै बारै मुंजी ऐशणा विचार कौरणा मुं कारिए ठीक औसौ, जिथुकै हांव तुऔंआरी बैजाए प्यार कौरु। जौबेकै हांव इबी ज़ेलो दा औसौ तोबै बै हांव सुसमाचार का बौचाव कौरु औरौ ऐजौ साबित कौरु कै सुसमाचार साचा औसौ। इनु सौबी बातौ मुंजी तुऐं सौबै मैरै साथै पौरमेशवर कै अनुग्रह दै शामिल औसौ।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

इब्रानियों 10:33

कौलोंई-कौलोंई तौ ऐशै हौं, कै तुऐं नेंदैया औरौ कौल़ेश सौंयदै बैई तमाशा बौणै, औरौ कैई बार तुऐं आपणी इछा शै तिनु लोगौ मुंजी शामिल हौए गौवै जिनकै बैज्जती हौंव थी औरौ जिनुवारी बुरा बर्ताव हौंव थिया।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 13:16

पौरौ भोलाए कौरणै औरौ जू किछै तुंवागै औसौ तिथु जौरुरतमंद कै दैणौ चैंई। जिथुकै पौरमेशवर ऐशणै बलिदानों लैई खुश हौंव।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।