फिलिप्पियों 3:6 - सिरमौरी नौवाँ नियम

⁶ जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।

Sirmouri

⁶ यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

फिलिप्पियों 3:6 Iomraidhean Croise

मत्ती 23:25

“ओए रै कपटी यहूदी शास्त्रीयों, औरौ फरीसी लोगौ, तुऔं पांदी हाय! तुऐं आपी कै धरमी बौणौ पौरौ तोंवारै मन लालच औरौ मतलब शै भोरेयोंदे औसौ।

मत्ती 5:20

जिथुकै हांव तुऔं खै बुलू, कै तुऐं स्वर्ग कै राज्य दै तोबै प्रवेश कौरे पांदै जोबै तुऐं यहूदी शास्त्री औरौ फरीसी लोगौ कै तुलना दै जादा भरोशै कै लायक हौलै जू पौरमेशवर कै बातौ खै पूरी कौरौ।”

लूका 1:6

औरौ सै दुईनै पौरमेशवर कै सामणै धरमी थिए, औरौ प्रभु की सौबी आज्ञाओं औरौ नियमौ पांदी निर्दोष चालणौ वाल़ै थिए।

प्रेरितो कै काम 21:20

तिनुऐ ऐजौ शोणेयो पौरमेशवर कै महिमा कौरे, तोबै तैसीखै बौल़ौ, “ओए रै भाई, तू जाणै, कै यहूदी लोगौ मुंजीदै कैईंयौं हजार लोगै बिशवाश कौरा; औरौ सौबवे मूसा कै कानून खै मानौए।

प्रेरितो कै काम 22:5

इयौं बातौ कारिए महायहूदी पुरोहित औरौ सौबै बुड़ेईको कै सभा गवाह औसौ, कै तिनुमुंजी दै हांव यहूदी भाईयों कारिए चिट्ठी नियौ खै दमिश्क शहर खै चालै रौआ थिया, कै जू तिथै हौं तिनु सौजा दियाणौ कारिए बांनैयौ खै यरूशलेम शहर दै नियुं।

प्रेरितो कै काम 26:5

सैजै लोग मुखै मैरी जवानी शै उंडा जाणौ औरौ जै चांव, तौ गवाही बै दैय सौकौ, हांव फरीसियों का ऐकै सदस्य रोए रौआ, जू की अमारै धरम का सौबिदा सख्त गुट औसौ।

प्रेरितो कै काम 8:3

पौरौ शाऊले कलीसिया कै लोगौ खै सोताए लौवै थिए, औरौ घोरे-घोरे घोसेयो मर्दो औरौ बैटमाणिशौ कै घोसिटै घोसिटैयौ कोयदखाने दै पाए दैंव थिया।

रोमियों 7:9

आगै तौ हांव मूसा कै कानून कै बिना जाणै जियुंदी थिया, पौरौ जोबै मोऐं मूसा कै कानून जाणै पाए, तौ पाप कौरणौ कै शौकतै मुं दै बौढ़दै लागै, औरौ पापै मुखै पौरमेशवर शै जौई कौरे दिया।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 15:9

जिथुकै हांव चोणेयौंदे चैलो मुंजीदा सौबिदा कम खास औसौ, सौथी कै चोणेयौंदा चैला बोल़णो कै लायक बै ना आथी, जिथुकै मोऐं पौरमेशवर कै कलीसिया दै बिशवाशियौं खै सोताए राए थिए।

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

फिलिप्पियों 3:9

औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।