फिलिप्पियों 3:20 - सिरमौरी नौवाँ नियम

²⁰ पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

Sirmouri

²⁰ परह् अमाँरा आप्णा देश स्वर्गो दा असो, अरह् आँमें ऐक मुँक्त्ति देणों वाल़े प्रभू यीशू मसीया की तेथै शी आँणो के बाट जूई लऐ।

फिलिप्पियों 3:20 Iomraidhean Croise

मत्ती 19:21

यीशुए तैसीखै बौल़ौ, “जै तू सिध्द हौणौ चांए; तौ जा, औरौ सौब ठुँ बिकैयो आपणा धन गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 12:21

ऐशैखैई तैसी आदमी कै साथै हौंदौ जू सौबै ठुँ आपी कारिए कौठौ कौरौ, पौरौ पौरमेशवर कै सेवा कौरणौ कारिए आपणै धन का इस्तैमाल ना कौरौ।”

लूका 14:14

तोबै तू धन्‍य हौंदा, जिथुकै तिनुवागे ताखै बौदला चुकाणो कारिए किछै ना आथी, पौरौ जौल़ौ धरमी लोग मौरेयौंदे मुंजीदै जियुंदी हौंदै, तौ पौरमेशवर तुऔं इनाम दैंदा।”

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

1 कुरिन्थियों 15:48

आदम कै पीढ़ी बै माटी लैई बौणैयौंदे औसौ, जैशै सै थिया। पौरौ सैजै लोग जू स्वर्ग कै आदमी यीशु मसीह का पालन कौरौ, सैजै तैसकै जैशणै औसौ।

2 कुरिन्थियों 4:18

औरौ आमै तौ दैखैयोंदी चीज़ौ खै नी पौरौ अनदैखी चीज़ौ खै दैखदै रोऊं, जिथुकै दैखैयोंदी चीज़ौ दैणिक ही दूसौ की औसौ, पौरौ अनदैखी चीज़ौ सौदा बौणेयौंदी रौंव।

2 कुरिन्थियों 5:8

इथकारिए आमु निशोंक रोऊं, औरौ जोबै अमारै मौत हौंदै तौ प्रभु कै साथै रौणौ हौजौ बै बौढ़ेयौ सौमझदै।

गलातियौं 4:26

पौरौ सारा यरूशलेम शहर कै दरशांव, जू स्वर्ग दौ औसौ। सै आज़ाद बैटमाणिश औसौ औरौ तियौंकै नानड़िया बै आज़ाद औसौ। सैजै नानड़िया आमै सौबै बिशवाशी औसौ, जिनकै माँ सारा औसौ।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

इफिसियों 2:6

जिथुकै तैणै आमु मसीह यीशु कै साथै मौरेयौंदे मुंजीदै जियुंदी कौरे राए, तैणै मसीह कै साथै अमारै सौमबंध की बौजैह शै स्‍वर्ग दा आमु मसीह कै साथै ऐक ठाँव दैय राए।

फिलिप्पियों 1:10

इथकारिए कै तुऐं जू बातौ भली औसौ तिथका चुनाव कौरणौ कै लायक बौणै जांव ताकि मसीह खै औटेयौ पाछु आणौ कै दूसौ तौड़ी शुध्द औरौ बैकसूर बौणैयौंदे रौंव।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

1 थिस्सलुनीकियों 1:10

औरौ सै बौल़ौए कै तुऐं कैशै पौरमेशवर कै बैटै कै औटेयौ पाछु आणौ कै ठोल़नाए कौरे लोए, जैसीखै पौरमेशवरे मौरेयौंदे मुंजीदा जियुंदी कौरा, यानी यीशु कै जू आमु कै पौरमेशवर कै आणौवाल़ै क्रोध शै बौचांव।

1 थिस्सलुनीकियों 4:16

जिथुकै प्रभु यीशु आपी ही स्वर्ग पौरैशा उतरदा; सै जोराल़े धाव कै साथै आदैश दैंदा, औरौ ऐक प्रधान स्‍वर्गदूत ऊंची धाव शै बौलदा औरौ पौरमेशवर कै तुरही बौजांदा, तोबै सौबीदै आगै सै, जू मसीह पांदी बिशवाश कौरदै बैई मौरे गौवै, औगौड़ियौ जियुंदी हौंदै।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

इब्रानियों 12:22

पौरौ तुऐं सिय्योन धारो कै धोरे आए रौवै, जिथै स्वर्गीय यरूशलेम शहर औसौ, जू जियुंदी पौरमेशवर का शहर औसौ औरौ लाखों स्‍वर्गदूत आनन्द कौ तैयार मौनांव।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।