फिलिप्पियों 3:18 - सिरमौरी नौवाँ नियम

¹⁸ जिथुकै ऐशणै बौहितै लोग औसौ जिनकै बारै मुंजी मोऐं तुऔं कै बार बार बौल़ै राए औरौ ऐबै बै रुए-रूएयो बुलू कै जू ऐशैकै बर्ताव कौरौ औरौ दिखांव कै जैसी बौजैह शै मसीह क्रूस पांदी मौरा, सै तैसकै खिलाफ औसौ।

Sirmouri

¹⁸ किन्देंखे के कऐयों ऐशी चाल-चालो, जिनकी चर्चा मुँऐ तुँओं कैई बार-बार करी थऐ, अरह् ऐबे भे रूई-रूईयों बुलू; के कुछ़ लोग आप्णी चाल-चलण लंई यीशू मसीया की शुँल़ी-फ़ाँषी की कुरूबाँणीं के बऐरी असो।

फिलिप्पियों 3:18 Iomraidhean Croise

लूका 19:41

जोबै यीशु यरूशलेम शहर खै नेड़िक ओऊवा तौ नोगरो कै दैखैबा सै रुवा।

प्रेरितो कै काम 20:19

औरौ बौड़ी दीनता शै औरौ आशु बोवाय-बोवायो, औरौ तिनु परीक्षाओं मुंजी जू यहूदी नेता कै चालबाजी कै बौजैह शै मुं पांदी आए गोई; हांव प्रभु कै सेवा कौरदा ही रौआ।

1 कुरिन्थियों 1:18

जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

1 कुरिन्थियों 6:9

तुऐं जौरुर जाणौ, कै अन्यायी लोग पौरमेशवर कै राज्य कै वारिस ना हौंदै? कुणिए तुऔं धौखै लैई ऐजौ सुंचणौ पांदी मोजबूर नी कौरौ कै तुऐं बुरै कामौ खै कौरे सौकौ औरौ तोबै बै पौरमेशवर कै लोग औसौ। ना वेश्यगामी, ना मूर्तिपूजा कौरणौवाल़ै, ना सैजी बैटमाणिशौ जू आपी मुंजी नाजायज रिशतै राखौ, ना लुचै, ना सैजै मर्द जू आपी मुंजी नाजायज रिशतै राखौ।

2 कुरिन्थियों 11:13

जिथुकै ऐशणै लोग झूठै चोणेयौंदे चैलै, औरौ छल लैई काम कौरणौवाल़ै, औरौ सै मसीह कै चोणेयौंदे चैलै हौणौ का दावा कौरौ।

2 कुरिन्थियों 11:29

जोबै कुणिए कमजोर हौंव तौ हांव बै कमजोरी महसूस कौरु, जोबै बै कुणिए पाप दै पौड़ै जांव तौ हांव पौरैशान हौए जोऊं।

2 कुरिन्थियों 2:4

बौड़ै कौल़ेशौ, औरौ मन कै कोष्ट लैई, मोऐं बैजाए आशु बौवाएयौ तुऔं चिट्ठी लैखै राए, इथकारिए नी, कै तुऐं उदास हौंव पौरौ इथकारिए कै तुऐं तैसी बौड़ै प्यार खै जाणै सौकौ, जू मुखै तुऔंआरी औसौ।

गलातियौं 1:7

सिरफ ऐकैई साचा सुसमाचार औसौ पौरौ किछै लोग मसीह कै बारै मुंजी सुसमाचार कै बिगाड़णा चांव औरौ तिनु लोगै तुऔं बैहकाए राए।

गलातियौं 2:14

पौरौ जोबै मोऐं दैखौ, कै सैजै सौथीखै तियौं सौचाई का पालन ना कौरौ जू सुसमाचार बौतांव, तौ मोऐं जौल़ौ ऐकी दूसै पतरस अन्‍ताकिया शहर खै ओऊवा, तौ लोगौ कै सामणै तैसी फिटका, कै तू ऐक यहूदी हौयौ बै, बैगानै यहूदी लोगौ खै भोवार का पालन कौरे औरौ यहूदियों कै भोवार का पालन ना कौरे।

गलातियौं 2:21

हांव इयौं बातौ शै भाजै ना सौकु कै पौरमेशवर आपणै अनुग्रह कै बौजैह शै आमु बौचांवे। जिथुकै जै मूसा कै कानून कै दवारा कोसी आदमी का धरमी बौणणा आसान हौंदा, तौ मसीह खै मौरणौ नी पौड़दौ थियु।

गलातियौं 5:21

औरौ ऐकी दुजैआरी ज़लन औरौ शराबीपन औरौ सैजै ऐशणै औकै सौबै बुरै काम कौरौ। मोऐं तुऔं चैतावणी दैय लौए जैशै आगै बै तुऔं चैतावणी दैय राए थै कै ऐशणै-ऐशणै काम कौरणौवाल़ै पौरमेशवर कै राज्य कै संतान ना हौंदै।

गलातियौं 6:12

जू लोग ओकी यहूदी लोगौ कै खुश कौरणा चांव, सैजैई तुऔं खतना कौरवाणौ कारिए जोर लांव। सै ऐजौ सिरफ इथकारिए कौरौ ताकि लोग तिनु ऐजा प्रचार कौरणौ कै बौजैह शै ना सतांव कै मसीह क्रूसो पांदी मौरा।

गलातियौं 6:14

जै हांव घमण्‍ड कौरु, तौ हांव सिरफ इयौं बातौ पांदी घमण्‍ड कौरदा कै अमारा प्रभु यीशु मसीह अमारै खातिर क्रूसो पांदी मौरा। जैसकै दवारा दुनिया मैरी नज़र दी औरौ हांव दुनिया कै नज़र दा क्रूसो पांदी चौढ़ाए गौआ।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

फिलिप्पियों 1:4

औरौ हांव खुशी कै साथै आपणी हरेक प्रार्थना दै तुऔं सौबी कारिए सौदा पौरमेशवर कैईंदै मौदद कै बिन्ती कौरु।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

2 थिस्सलुनीकियों 3:11

आमै शुणौए, कै किछै लोग तुऔं मुंजी आलसी औसौ; औरौ किछै काम ना कौरौ, पौरौ सै लगातार ओकी लोगौ कै कामौ दै दखलबाजी कौरौ।

2 पतरस 2:10

पौरमेशवर सौबै दुष्ट लोगौ खै सौजा दैंदा जू आपणै बुरी, औरौ गौंदी इछाओं कै हिसाब शै काम कौरौ औरौ जू आपी पांदी पौरमेशवर कै औधिकार खै ना मानौ। सैजै घमण्डी लोग औसौ। सैजै महिमामय स्वर्गीय प्राणीयों कै बारै मुंजी बैज्जती कौरेयौ बुरु बौलणौ शै ना डौरौ।

यहूदा 1:13

जैशै समुन्द्र की खतरनाक लैहरो जू गौंदै झाक बाणौ, तैशैखैई ऐजै लोग शर्मनाक काम कौरौ। ऐजै किछै तारै कै जैशणै औसौ जू ऐकी सीधै बाटौ पुंडे ना हांडो, सैजै सोही बाट ना दिखांव। प्रभुए तिनु कारिए ऐक ठाँव राखै राए जू पूरी तरह शै इनारौ औसौ जिथै तिनु हमैशा कारिए रौणौ पौड़दौ।