फिलिप्पियों 3:17 - सिरमौरी नौवाँ नियम

¹⁷ ओए रै भाईटु तुऐं सौबै मैरै बर्ताव कै नकल कौरौ, औरौ तिनु लोगौ पांदी ध्यान दैंव जू मैरै बर्ताव कै नकल कौरौ, औरौ तिनकै नकल कौरौ। जिथका उदारण तुऐं आमु बर्ताव कौरदै बैई दैखौ जोबै आमु तोंवारै साथै थिए।

Sirmouri

¹⁷ हे भाऐ-बईणों तुँऐं बादे मीलियों मेरी जेष्णी चाल-चालो, अरह् तिनकी मिशो करह्, जू ऐसी ढंग शे चालो; जिन्दे का उदारण तुँऐ आँमों दा पाँव,

फिलिप्पियों 3:17 Iomraidhean Croise

रोमियों 16:17

ऐबै ओए रै बिशवाशी भाईयों, हांव तुऔं कैईंदै बिन्ती कौरु, कै सैजै लोग जिनकै बौजैह शै ओकी लोगौ कै बिशवाश खत्म हौए जांव, सै ऐशणै काम कौरौ जू बटंवारै कै बौजैह बौणौ कै तुऐं तिनु लोगौ शै चौकश औरौ दूर रौव।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 11:1

जैशैखै हांव मसीह कै जैशणी चाल चालु, तुऐं बै मैरी जैशणी चाल चालैया।

1 कुरिन्थियों 4:16

इथकारिए हांव तुऔं कैईंदै बिन्ती कौरु, कै तुऐं मुं जैशणा मसीह दा आपणा जीवन जियौ।

फिलिप्पियों 4:9

जू बातौ तुऐं मुंवादी शैखै रैई, औरौ पाए रैई औरौ शौणै रैई, औरौ मुं दी दैखै रैई, तिनका पालन कौरेया कौरौ, तोबै शान्तै का पौरमेशवर तोंवारै लोगौ कै साथै रौन्दा।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

2 थिस्सलुनीकियों 3:14

जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

2 थिस्सलुनीकियों 3:7

जिथुकै तुऐं आपी बै आछै शै जाणौए कै तुऔं तैशैखैई जीणु चैंई जैशै आमु जियुं थिए। जौल़ौ आमै तोंवारै बीच रोऊं थिए, तौ आमै आलसी नी थी, पौरौ काम कौरु थिए।

2 थिस्सलुनीकियों 3:9

आमुवा औधिकार थिया कै तुऔं शै आपी कारिए खाणौ खियाणौ कै बौल़ै सौकु थिए पौरौ तोबै बै आमुए कड़ी मैहनत कौरे। ताकि आपी खै तुऔं कारिए नमूना बौणु।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।

1 पतरस 5:3

औरौ तिनु लोगौ पांदी ऐक शासक जैशणै ना बौणौ जिनु कारिए तुऐं जुमैवार औसौ, पौरौ तिनु कारिए ऐक आछा उदारण बौणौ।