फिलिप्पियों 3:15 - सिरमौरी नौवाँ नियम

¹⁵ आमै सौबै जू मोजबूती शै मसीह दै भोरोशा कौरु, ऐकैई तरह शै सुंचणौ वाल़ै हौंव, औरौ जै कोसी बातौ दा तोंवारा ओका ही विचार हौंव तौ पौरमेशवर तैसी बै तुऔं पांदी प्रगट कौरे दैन्‍दा।

Sirmouri

¹⁵ आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्।

फिलिप्पियों 3:15 Iomraidhean Croise

मत्ती 5:48

तुऔं तिनु लोगौ शै प्यार कौरणौ कै जौरुरत औसौ जू तुऔंआरी प्यार ना कौरौ औरौ ऐशैखैई पौरमेशवर तुऔं सिद्ध बाणौ, जैशणा कै तोंवारा पिता स्वर्ग दा सिद्ध औसौ।”

लूका 11:13

जोबै तुऐं बुरै हौयौ आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू तैसी कैईंदी पवित्र आत्मा मांगोए।”

यूहन्ना 6:45

पौरमेशवर कै बातौ बौताणौवाल़ै पवित्र शास्त्र दो ऐजौ लैखै राए, ‘सै सौबै पौरमेशवर कै ढौबौशै शिखाएयौंदे हौन्दै।’ जैसी कोसीए पिता पौरमेशवर कै शुणा औरौ तैसीयांदो शिखै राए, सैजाई मैरै धोरे आन्दा।

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

1 कुरिन्थियों 2:6

तोबै बै जोबै हांव आत्मिक रुप शै मोजबूत बिशवाशियौं कै बीच मुंजी रोऊं, तोबै हांव ज्ञान कै शब्दो कै साथै बुलू। पौरौ ऐजा ज्ञान संसारिक औरौ इयौं दुनिया कै हाकिमो का ना आथी; जिनका नाश हौणौवाल़ा औसौ।

गलातियौं 5:10

पौरौ हांव पौरमेशवर पांदी बिशवाश कौरु कै तुऐं ओकी लोगौ कै बातौ खै ना अपनांदै, पौरौ मैरी बातौ का पालन कौरदै। पौरौ जू तोंवारै दिमाक खै बैचैन कौरौ, सै कुणिए बै किथु ना हौंव पौरमेशवर कै दवारा सौजा पांदै।

इफिसियों 1:17

हांव प्रार्थना कौरु कै पौरमेशवर अमारै प्रभु यीशु मसीह का महिमामय पिता तुऔं बुध्दि, आत्मा औरौ ज्ञान दैंव ताकि तुऐं तैसी जाणै सौकौ।

कुलुस्सियों 1:28

आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

2 तीमुथियुस 3:17

ताकि पौरमेशवर कै सेवा कौरणौवाल़ा आदमी सिध्द बौणौ औरौ सौब भान्त कै भले काम कौरणौ कारिए तैयार औरौ काबिल हौं।

इब्रानियों 5:14

बढ़िया नाज़ सिरफ तिनु लोगौ कै खातिर औसौ जू मोजबूत औसौ, औरौ पौरमेशवर कै नज़र दै सोही जीवन जियौं औरौ शिक्षा कै दवारा शैखै गौवै कै का आछौ औसौ औरौ का बुरु औसौ।

1 यूहन्ना 2:5

पौरौ जू कुणिए पौरमेशवर कै वचन खै मानौए, तैसदा साची पौरमेशवर का प्यार सिध्द हौए रौआ। ऐशैखै ही आमु पौता चालौ कै आमै पौरमेशवर कै साथै बौणैयौंदे रौंव।