फिलिप्पियों 2:8 - सिरमौरी नौवाँ नियम

⁸ औरौ आदमी कै रुपो दा प्रगट हौयौ आपी खै दीन कौरे दिया, औरौ पौरमेशवर कै आज्ञा कै पालन कौरेयौ मौरणौ कै तैयार थिया ऐक अपराधी कै जैशणी क्रूस कै मौत बै सैय पाए।

Sirmouri

⁸ आपु आप्खे दीन-गंरीब करियों मँऊत्त, होर, शुँल़ी-फ़ाँशी की मँऊत्ती तोड़ी आज्ञाँ कारी रंऐयों, आपु खे किऐ नें जाँणीं,

फिलिप्पियों 2:8 Iomraidhean Croise

मत्ती 17:2

औरौ तिनकै सामणै तैसका भैष बौदलै गौआ, औरौ तैसकौ मुँह सुरज कै जैशणौ चौमकौ औरौ तैसकै खोटणो पेयाशै कै जैशणै उजल़े हौए गौवै।

मत्ती 26:39

तोबै सै दैणिक औगौड़ियौ हौटा औरौ आपणा मुँह जोमीनो कै ढौबौ कौरेयौ प्रार्थना कौरदा लागा, “ओए रै मैरै पिता जै हौए सौकौ तौ ऐजा दुख का छाना मुं कैईंदा टोल़े जांव, तौ बै जैशै हांव चोऊं तैशैखै नी, पौरौ जू तू चांए तैशैखैई हौंव।”

मत्ती 26:42

तोबै तैणै दुजाल़ियो जायौ खै ऐजै प्रार्थना कौरे, “ओए रै मैरै पिता, जै ऐजा दुख का छाना मैरै पियै बगैर ना टोल़ सौकौ तौ तैरी मोरजी पूरी हौंव।”

लूका 9:29

जोबै तैणै प्रार्थना कौरे लोए थी, तौ तैसकै मुँह का भैष बौदलै गौआ, औरौ तैसकै खोटणो चिटै हौयौ चौमकौन्दै लागै।

यूहन्ना 10:18

कुणिए बै मैरै जिन्दगी मुंआदे छिणै ना सौकौ, पौरौ हांव तियौं आपी ही दियु। मुखै तियौं दैणौ का औधिकार औसौ औरौ तियौं लोणो का बै औधिकार औसौ। जिथुकै ऐजै आज्ञा मुखै मैरै पिता पौरमेशवर कैईंदै भैटी रौए।”

यूहन्ना 14:31

हांव तैशैकैई कौरु जैशैकै मैरै पिता पौरमेशवरे मुखै आज्ञा दै, ताकि दुनिया कै लोगौ खै पौता चालौ कै हांव पिता पौरमेशवर आरी प्यार कौरु। बीजौ, इथै दै आमु ऐबै हांडुबै।

यूहन्ना 15:10

जै तुऐं मैरी आज्ञा कै मानलै, तौ मैरै प्यार दै बौणैयौंदे रौलै, जैशैकै मोऐं आपणै पिता पौरमेशवर की आज्ञा का पालन कौरे राए, औरौ तैसकै प्यार दा बोणेयोंदा रौंऊ।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

प्रेरितो कै काम 8:33

तैसकै बैज्जती कौरे औरौ तैसी न्याय ना भैटी, शायद कुणिए बै तैसकै वंशो कै बारै मुंजी ना बौताए सौकौ, जिथुकै इदा आगै कै धरती पांदी तैसका वंश हौंदा, लोगै तैसी मारै दिया।”

रोमियों 5:19

जिथुकै जैशै ऐक आदमी कै आज्ञा ना मानणौ लैई बौहितै लोग पापी ठौहरौ, तैशैखैई ऐक आदमी कै आज्ञा मानणौ लैई बौहितै लोग धरमी साबित कौरे जांदै।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 12:4

इबी तौड़ी बुराई कै ताकतो कै खिलाफ तोंवारा संघर्ष इशैक हद तौड़ी ना सैहणौ पौड़ी जिथै लोग तुऔं मारै दैंव।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।