फिलिप्पियों 2:30 - सिरमौरी नौवाँ नियम

³⁰ तैणै मसीह कै काम कारिए आपणै प्राणो खै खतरै दै पाए राए थिए औरौ मौरणौ ही वाल़ा थिया, ताकि सै मैरै मौदद कौरे सौकौ जू तुऐं ना कौरे सौकौ जिथुकै तुऐं बैजाए दूर औसौ।

Sirmouri

³⁰ किन्देंखे के से मसीया की काँम-काज़ खे आप्णे पराँण भे जोख्मि दे पाँऐयों मऊँत्ती के नंजीक आऐ गुआ थिया जू कंम्मीं तुवाँरे ढबे शी मेरी सेवा दे रऐ रंऐ थी, से तियों कंम्मीं पुरी करह्।

फिलिप्पियों 2:30 Iomraidhean Croise

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

रोमियों 16:4

तिनुऐ मैरै जान कै खातिर आपणै जान खतरै दै पाए राए थी, औरौ सिरफ हांव ही नी, पौरौ बैगानै यहूदी लोगौ कै सौबै कलीसियाएं बै तिनका धन्यवाद कौरा।

1 कुरिन्थियों 15:53

जोबै अमारा ऐजा शोरीर जू आसानी शै मौरे जांव औरौ शोड़े जांव, “तैसी ऐक ऐशणै शोरीर दो बौदल़णौ चैंई जू ना कौलोंई मौरौ औरौ ना कौलोंई शौड़ौ।

1 कुरिन्थियों 16:10

जै तीमुथियुस तोंवारै धोरे कुरिन्थुस शहर दा आंव तौ तैसका आपी मुंजी स्वागत कौरेया, जिथुकै सै मैरै जैशणा प्रभु का काम कौरौ।

1 कुरिन्थियों 16:17

औरौ हांव स्तिफनास औरौ फूरतूनातुस औरौ अखइकुस कै आणौ शै खुशी औसौ, जिथुकै तिनुऐ सैजी मौदद कोरी लौए जू मौदद तुऐं दूर शै इबी ना कोरी सौकौ।

2 कुरिन्थियों 12:15

हांव तोंवारै खातिर बैजाए खुशी शै आपणौ सौबै ठुँ तुऔं दैय दैंदा, यानी कै आपणै जिन्दगी बै दैय दैंदा। जिथुकै हांव तुऔंआरी बैजाए प्यार कौरु, पौरौ मैरै ऐशै जाणियौ कै तुऐं मुं आरी कम प्यार कौरौ।

2 कुरिन्थियों 4:12

तौ इथका मतलब ऐजा औसौ कै आमै लगातार मौत का सामणा कौरे लौआ पौरौ इथका नतीजा ऐजा औसौ कै तुऔं सौदा कै जिन्दगी भैटदै।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

फिलिप्पियों 2:27

पाका सै बीमार तौ थिया इथै तौड़ी कै सै मौरणौ पांदी थिया, पौरौ पौरमेशवरे तैसी पांदी दया कौरेयौ तैसी ठीक कौरा। पौरमेशवरे सिरफ तैसी पांदी ही नै पौरौ मुं पांदी बै दया कौरे ताकि हांव तिथैशै जादा दुख सैहन ना कौरु जैतरा मोऐं आगै दुख सौयन कौरे राए थिया।

फिलिप्पियों 4:10

हांव प्रभु दा बौहिता खुशी औसौ, कै ऐबै ऐतरै दूसौ कै बाद तुऐं ऐजा विचार कौरा औरौ मैरै मौदद कौरणौ कारिए मुखै पौयसै भैजै; पाका तुऔं शुरु दा ऐजा विचार थिया, पौरौ तुऔं मौका ना भैटी।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

फिलेमोन 1:13

हांव तैसी आपणै मौदद कारिए इथी राखणा चोऊं थिया जौबेकै हांव यीशु मसीह कै बारै मुंजी सुसमाचार प्रचार कौरणौ कै बौजैह शै कोयदखाने दा औसौ। सै इथै मैरै मौदद कौरणौ कारिए तैरै जौगैह लोए सौकौ थिया जिथुकै हांव जाणुए कै तू मैरै मौदद कौरणा चांए।

प्रकाशितवाक्य 12:11

अमारै बिश‍वाशीयै शैतान कै हराए राए। तिनुऐ तैसी मेम्ने कै लोऊ कै शौकतै शै हराए राए, जू तिनु तिनकै पापौ शै छुड़ाणो कारिए मौरे गौआ। तिनुऐ तैसी हराए दिया जिथुकै तिनुऐ ऐजा बिशवाश बौणायौ राखा कै मेम्‍ना तिनका पौरमेशवर थिया। हालांकि तिनु सताए गौवै या इथै तौड़ी कै मारै दियै गौवै, पौरौ सै तैसी मानणौ शै पाछु ना फिरी।