फिलिप्पियों 2:17 - सिरमौरी नौवाँ नियम

¹⁷ प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

Sirmouri

¹⁷ तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

फिलिप्पियों 2:17 Iomraidhean Croise

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

प्रेरितो कै काम 21:13

पौरौ पौलुसे जोवाब दिया, “तुऐं ऐजौ का कौरौ, कै रुए-रुयो मैरा मन तौड़ौ? हांव तौ प्रभु यीशु कै नांव कारिए यरूशलेम शहर दा सिरफ बानणो कारिए ही नी पौरौ मोरणो कारिए बै तैयार औसौ।”

रोमियों 12:1

इथकारिए ओए रै बिशवाशी भाईयों, हांव तुऔं पौरमेशवर कै दया याद दियायौ बिन्ती कौरु, कै आपणै जीवनो कै जियुंदी, औरौ पवित्र औरौ पौरमेशवर खै भायो बलिदान कौरेयौ चौढ़ाव; ऐजा तोंवारै पौरमेशवर कै सेवा कौरणौ का साचा तरीका औसौ।

रोमियों 15:16

कै हांव बैगानै यहूदी लोगौ कारिए मसीह यीशु का सेवक हौयौ ऐक यहूदी पुरोहित कै जैशणा पौरमेशवर शै भैटेयौंदा सुसमाचार कै सेवा कौरु; ताकि बैगानै यहूदी लोगौ कै पौरमेशवर कै खातिर ऐक भैंट कै रुप दै दियै जांव जिथलैई सै खुशी औसौ, औरौ जिनु पवित्र आत्माए पवित्र बौणणौ कारिए जौई कौरे राए।

2 कुरिन्थियों 12:15

हांव तोंवारै खातिर बैजाए खुशी शै आपणौ सौबै ठुँ तुऔं दैय दैंदा, यानी कै आपणै जिन्दगी बै दैय दैंदा। जिथुकै हांव तुऔंआरी बैजाए प्यार कौरु, पौरौ मैरै ऐशै जाणियौ कै तुऐं मुं आरी कम प्यार कौरौ।

2 कुरिन्थियों 4:12

तौ इथका मतलब ऐजा औसौ कै आमै लगातार मौत का सामणा कौरे लौआ पौरौ इथका नतीजा ऐजा औसौ कै तुऔं सौदा कै जिन्दगी भैटदै।

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

2 कुरिन्थियों 7:4

मोऐं तुऔं कैंई बैजाए भोरोशे कै साथै बौल़ै लौ, मुखै तुऔं पांदी गर्व औसौ: मुखै बैजाए तसल्ली औसौ; औरौ आपणै सौबै कौल़ेशौ दा हांव खुशी शै बैजाए भौरेयौंदा रोऊं।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

फिलिप्पियों 2:18

ऐशैखैई तुऐं बै खुश हौंव औरौ मैरै साथै खुशी मौनांव।

फिलिप्पियों 2:30

तैणै मसीह कै काम कारिए आपणै प्राणो खै खतरै दै पाए राए थिए औरौ मौरणौ ही वाल़ा थिया, ताकि सै मैरै मौदद कौरे सौकौ जू तुऐं ना कौरे सौकौ जिथुकै तुऐं बैजाए दूर औसौ।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 थिस्सलुनीकियों 2:8

आमै तुऔंआरी ऐतरा प्यार कौरु कै सिरफ पौरमेशवर का सुसमाचार शुणाणौ कारिए ही नी पौरौ तोंवारै खातिर आपणा प्राण बै दैणौ कारिए तैयार थिए। इथकारिए कै आमै तुऔंआरी बैजाए प्यार कौरु थिए।

2 तीमुथियुस 4:6

हांव ताखै ऐजी आज्ञा दियु जिथुकै पौरमेशवर कारिए मैरै सेवा औरौ जीवन खत्म हौंदा लागै रौआ। जिथुकै हांव जाणुए कै हांव तावल़ा ही मौरणौवाल़ा औसौ।

1 यूहन्ना 3:16

आमुए प्यार इथलैई जाणा कै यीशु मसीहे आमु कारिए आपणै प्राण दैय दियै, इथकारिए आमु बै भाईटु कारिए प्राण दैणै चैंई।