लूका 1:2 - सिरमौरी नौवाँ नियम

² तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

Sirmouri

² जेष्णों के तिन्ऐं जुण्जे आगे ही शुभे ईनू बातो के दे:ख्णों वाल़े, अरह् बचन के सेवक थिऐ, तिन्ऐं ही आँमों तड़ी पईचाल़ी।

लूका 1:2 Iomraidhean Croise

मरकुस 1:1

पौरमेशवर का बैटा यीशु मसीह कै बारै मुंजी सुसमाचार कै शुरुआत ऐशैखै औसौ।

मरकुस 16:20

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

मरकुस 4:14

पौरमेशवर का वचन बौताणौवाल़ा ऐशणा औसौ जैशैकै कुणिए किसान बिज़ बौंव।

लूका 24:48

तुऐं इनु सौबी बातौ कै गवाह औसौ।

यूहन्ना 15:27

औरौ तुऐं बै गवाह औसौ जिथुकै तुऐं शुरु दै ऊबै मैरै साथै रौए रौवै।”

यूहन्ना 16:4

पौरौ मोऐं तुऔं ऐजी बातौ इथकारिए बुली, कै जोबै इनु बातौ का पूरै हौणौ का सौमय आला, तौ तुऔं याद आए जांदो, कै मोऐं तुऔं आगैई बौताए दियु थियु। मोऐं शुरुआत शै ऐजी बातौ इथकारिए ना बुली जिथुकै हांव तोंवारै साथै ही थिया।”

प्रेरितो कै काम 1:3

औरौ यीशु खै दुख उठाणौ औरौ मौरणौ कै बाद भौरिशै पाकै निशानो लैई आपी खै तिनु जियुंदी दिखांदा रौआ, औरौ चाल़ीश दूसौ तौड़ी सै चोणेयौंदे चैलै खै दैखिंदा रौआ, औरौ पौरमेशवर कै राज्य की बातौ कौरदा रौआ।

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 14:25

औरौ सै पंफूलिया जिले कै पिरगा शहर दै पौरमेशवर का वचन शुणायौ अत्तलिया शहर दै ओऊवे।

प्रेरितो कै काम 16:6

औरौ सै फ्रूगिया प्रदेश औरौ गलातिया प्रदेशो दै हौयौ कै हौटै, जिथुकै तिनु पवित्र आत्माए एशिया प्रदेश दा वचन शुणाणौ शै मोना कौरा।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 26:16

पौरौ तू ऊबा बिज़, आपणै लातो पांदी खौड़ा हौ; जिथुकै मोऐं ताखै इथकारिए दर्शन दैय राए कै ताखै इनु बातौ का बै सेवक औरौ गवाह ठैहरोऊं, जू तुऐं दैख रैई, औरौ तिनका बै जिनु कारिए हांव ताखै दर्शन दैन्दा।

प्रेरितो कै काम 4:20

जिथुखै ऐजौ तौ आमु शै हौए ना सौकौ, कै जू आमुए दैखै औरौ शौणै राए, सैजौ ना बुलू।”

प्रेरितो कै काम 8:4

पौरौ जू बिशवाशी बैखरै रौवै थिए सै सुसमाचार शुणादै रौवै।

रोमियों 15:16

कै हांव बैगानै यहूदी लोगौ कारिए मसीह यीशु का सेवक हौयौ ऐक यहूदी पुरोहित कै जैशणा पौरमेशवर शै भैटेयौंदा सुसमाचार कै सेवा कौरु; ताकि बैगानै यहूदी लोगौ कै पौरमेशवर कै खातिर ऐक भैंट कै रुप दै दियै जांव जिथलैई सै खुशी औसौ, औरौ जिनु पवित्र आत्माए पवित्र बौणणौ कारिए जौई कौरे राए।

1 कुरिन्थियों 4:1

ठीक तौ ऐजौ हौन्दौ कै लोग आमु यीशु मसीह कै सेवक औरौ पौरमेशवर कै भण्‍डारी सौमझौ, जिनु सुसमाचार कै छिपैयौंदे सौचाई खै सौमझणौ का काम सौंपै राए।

इब्रानियों 2:3

इथकारिए निशोंक हौयौ आमु बै सौजा भैटदै जै आमै इयौं महान मोक्ति कै नी मानु। सौबीदु आगै प्रभु यीशु मसीहे आपी ऐसी उध्दार कै बारै मुंजी बौतौऊ, औरौ जिनु चैलै तैसी शौणै राए थिया, तिनुऐ आमु पांदी प्रकट कौरौ कै ऐजौ साचौ औसौ।

1 पतरस 5:1

किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

2 पतरस 1:16

जिथुकै जोबै आमै चोणेयौंदे चैलै तुऔं अमारै प्रभु यीशु मसीह कै अनौखी शौकतै औरौ पाछु आणौ कै बारै मुंजी बौतौऊं, तौ आमै तुऔं चलाकी शै किछै बाणैयौंदी कहाणी ना बौताए रैई। पौरौ, आमुए मसीह कै महिमा आपणै आखी लैई दैख राए थै।