लूका 1:1 - सिरमौरी नौवाँ नियम

¹ मानै गिणियोंदा थियुफिलुस बौहितै लोगै आमु मुंजी हौए रोई घोटणांव कै बारै मुंजी ऐकी कागजात दी लिखणौ कै कौचिश कौरे राए।

Sirmouri

¹ श्रीमान् थियुफिलुस जी, नमंष्कार! बैजाऐ भहिते आदमी ऐ ईनू बातो का जुण्जी अमाँरे बीच दी बिती, ईन्दे का इतिहास लिख्णों का काँम-काज़ करी,

लूका 1:1 Iomraidhean Croise

मरकुस 16:20

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

रोमियों 14:5

तैशैखैई ऐकी दूसौ कै ओकी शै बौड़ैयो मानौ, औरौ कुणिए सौबी दूसौ कै ऐक जैशणै मानौ: सौबी कै यकीन हौणा चैंई कै सै का सुंचौ? का सै सोही औसौ?

रोमियों 4:21

औरौ निशोंक हौयौ जाणौ कै जियौं बातौ कै पौरमेशवरे प्रतिज्ञा कौरे राए, सै तियौं पूरा कौरणौ दा शौकतीशाली औसौ।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

2 तीमुथियुस 4:17

पौरौ प्रभु मैरा मौददगार रौआ, औरौ मुखै शौकतै दै; ताकि हांव इथ लायक बौणै सौकु कै यीशु मसीह कै सुसमाचार तिनु लोगौ खै साफ-साफ शुणाए सौकु जू बैगानै यहूदी लोग अदालत दै मौजूद थिए। औरौ प्रभुए मुखै मौत शै बौचौऊंवा ठीक तैशैखै जैशै भूखै शेर कै मुँह शै बौचाया जांव।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।