यूहन्ना 4:3 - सिरमौरी नौवाँ नियम

³ तोबै सै यहूदिया प्रदेश खै छोडे़बा गलील जिले खै आपणै चैलै कै साथै पाछु हौटै गौआ।

Sirmouri

³ तबे प्रभू यीशू अरह् तिनके चैले यहूदा ईलाका छुड़ियों हजो गलील ईलाके दे हुटे;

यूहन्ना 4:3 Iomraidhean Croise

मत्ती 10:23

जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

मरकुस 3:7

यीशु आपणै चैलै कै साथै गलील झील कै ढौबौ हौटै गौआ: औरौ गलील जिले शै ऐक बैजाए बौड़ी भीड़ तैसकै पौछौड़ियौ हौए गौए।

लूका 17:11

जोबै यीशु औरौ तैसकै चैलै यरूशलेम शहर जांदै बैई सामरिया प्रदेश औरौ गलील जिले कै सैयानै बाटी जांदै लागै रौवै थिए।

यूहन्ना 1:43

ओकी दूसै यीशुए गलील जिले खै जाणौ चोऊ, औरौ फिलिप्‍पुसआरी भैटेयो बौल़ौ, “मुं साथी चाल।”

यूहन्ना 10:40

तोबै यीशु यरदन नोंदी कै पूरब दिशा कै ढौबौ तियौं जौगैह दा हौटै गौआ, जिथै यूहन्ना आगै बपतिस्मा दैया कौरौ थिया, औरौ तिथी रौआ।

यूहन्ना 11:54

इथकारिए यीशु तैसी सौमय शै यहूदी लोगौ मुंजी सौबी कै सामणै ना घूमी, पौरौ तिथैदा शुनशान जौगैह कै नेड़िक कै प्रदेश कै एप्रैम नांव कै ऐकी नोगरो कै हौटै गौआ, औरौ आपणै चैलै कै साथै तिथी रौंदा लागा।

यूहन्ना 2:11

यीशुए गलील जिले कै काना नगर दा आपणा ऐजा आगला चौमत्कार का काम देखाएबा आपणै महिमा प्रगट कौरे औरौ तैसकै चैलै तैसी पांदी बिशवाश कौरा कै सै मसीह औसौ।

यूहन्ना 3:22

तोबै यीशु औरौ तैसकै चैलै यरूशलेम शहर कै छोडे़बा यहूदिया प्रदेश कै हौटै गौवै, औरौ यीशु तिथै तिनकै साथै रौयौ लोगौ कै बपतिस्मा दैंदा लागा।

यूहन्ना 3:32

औरौ जू किछै तैणै दैखौ, औरौ शौणै राए, तिथकै गवाही दैंव पौरौ बौहुत कम लोग यीशु कै गवाही कै औपनांव।

यूहन्ना 4:47

सै ऐजौ शौणैबा कै यीशु यहूदिया प्रदेश पौरौशा गलील जिले खै आए रौआ, तैसकै धोरे हौटा, औरौ तैसी कैईंदै बिन्ती कौरदा लागा कै, “चाल मैरा बैटा ठीक कौरे दै: जिथुकै सै मौरणौवाल़ा औसौ।”

यूहन्ना 7:1

इनु बातौ कै बाद यीशु गलील जिले दा जांदा रौआ जिथुखै यहूदी नेता तैसीखै मार दैणौ कै कौचिश कौरे लोए थी, इथकारिए सै यहूदिया प्रदेश दो जाणौ नी चांव थिया।