याकूब 1:3 - सिरमौरी नौवाँ नियम

³ जिथुकै तुऐं जाणौए कै जोबै तोंवारा बिशवाश पोरखा जांव तोबै तुऐं साबित कौरौ कै तुऐं ऐबै बै पौरमेशवर पांदी भोरोशा राखौ, तौ तुऐं सब्र शै मुसीबतौ कै सैहन कौरे सौकौ।

Sirmouri

³ ऐजो जाँणियों के तुवाँरे बिश्वाष के पर्खणों के जाँणें ढेठ-हिम्मत बड़ाणों खे सहारा भेंटो।”

याकूब 1:3 Iomraidhean Croise

लूका 21:19

आपणै भोरोशे कौरणौ शै तुऐं आपणै जिन्दगी कै बौचायौ राखदै।”

रोमियों 15:4

जैतरी बातौ आगै पवित्र शास्त्र दी लैखै रैई, सैजी अमारी ही शि‍क्षा खातिर लैखै राए, कै पवित्र शास्त्र शै जू आमु धीरज औरौ हिम्मत भैटौ ताकि आमु तिंदै आशा राखै सौकु कै पौरमेशवरे जू वादा कौरे राए थिया, सै पूरा कौरदा।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 8:25

पौरौ आमु किछै ऐशणौ भैटणौ कै उमीद औसौ, जू आमुकैंई इबी तौड़ी ना आथी, इथकारिए आमु सब्र कै साथै तांव तौड़ी ठोल़ु जांव तौड़ी कै आमु सैजी चीज़ भैटी नी जांव।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

कुलुस्सियों 1:11

आमै प्रार्थना कौरु कै पौरमेशवर आपणी अनौखी शौकतै कै हिसाब शै तुऔं जादा ताकतवर बौणादा रौंव ताकि तुऐं सब्र औरौ खुशी शै आपणै दुखो कै सैहन कौरे सौकौ।

2 थिस्सलुनीकियों 1:4

इथकारिए आमै पौरमेशवर कै कलीसिया दै तोंवारै बारै मुंजी घमण्‍ड कौरु, भलैई, तुऐं परीक्षाओं शै हौयौ जांव, तोबै बै धीरज कै साथै सैहन कौरौ औरौ तुऐं ऐबै बै यीशु मसीह पांदी बिशवाश कौरौ।

2 थिस्सलुनीकियों 3:5

आमै प्रार्थना कौरु कै प्रभु यीशु मसीह तुऔं दिखांव कै पौरमेशवर तुऔंआरी कैतरा प्यार कौरौ, औरौ सताव खै तैशैखैई सैहन कौरेया जैशैखै मसीहे सैहन कौरे राए।

इब्रानियों 10:36

ऐबै तुऔं सब्र कै साथै सैहन कौरणौ कै जौरुरत औसौ, तोबैई तुऐं पौरमेशवर कै इछा कै पूरै कौरदै औरौ तुऔं सैजी सौबै चीज़ौ भैटदी जिथका वादा पौरमेशवरे कौरे राए।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

2 पतरस 1:6

औरौ तुऔं ना सिरफ ऐजौ जाणणौ चैंई कै सौमझदारी शै कैशै बर्ताव कौरणा, पौरौ तुऔं आपी खै बै तिनु बुरै कामौ खै ना कौरौ जू तुऐं कौरणा चांव औरौ तुऔं ना सिरफ आपी खै काबू दै राखणै चैंई, पौरौ तुऔं मुसीबत दै बै सब्र राखणा चैंई औरौ तुऔं ना सिरफ सब्र राखणा चैंई, पौरौ तुऔं ऐशणै तरीकै शै बै जीणु चैंई जू पौरमेशवर खै खुश कौरौ।