याकूब 1:1 - सिरमौरी नौवाँ नियम

¹ मोऐं याकूबे ऐजै चिट्ठी लैखै लोए। हांव पौरमेशवर औरौ प्रभु यीशु मसीह का सेवक औसौ। मोऐं ऐजै चिट्ठी इस्राएल देश कै बारौ गोत्रो कै लोगौ कारिए लैखै लोए, जू दुनिया दै बिखरे रौवै, तुऔं सौबी लोगौ कै मैरा नमशकार।

Sirmouri

¹ पंणमिश्वर का अरह् प्रभू यीशू मसीया का दास संत्त-याकूब कि ढबे शी बहारी गोह्त्र खे जू खिदर-भिदर हऐयों रंह्, तिनखे नमंष्कार पऊँची चेंई।

याकूब 1:1 Iomraidhean Croise

मत्ती 10:3

फिलिप्‍पुस औरौ बरतुल्मै थोमा औरौ मामला लोणो वाल़ा मत्ती, हलफईस का बैटा याकूब औरौ तद्दै,

मत्ती 13:55

का ऐजा बाढ़ोई का बैटा ना आथी? औरौ ऐसकै माँ को नांव मरियम औरौ ऐसकै भाई को नांव याकूब औरौ यूसुफ औरौ शमौन औरौ यहूदा ना आथी?

मत्ती 19:28

यीशुए तिनुखै बौल़ौ, “हांव तुऔं खै साचौ बुलू, की नोऐं दुनिया दा जोबै आदमी का बैटा आपणै महिमा कै सिंहासन पांदी बोठला, तौ तुऐं बै जू मैरै चैलै औसौ, बारौ सिंहासन पांदी बोठेयो इस्राएल देश कै बारौ गोत्रो का न्याय कौरदै।

मरकुस 3:18

औरौ अन्द्रियास, औरौ फिलिप्‍पुस, औरौ बरतुल्मै, औरौ मत्ती, औरौ थोमा, औरौ हलफईस का बैटा याकूब; औरौ तद्दै, औरौ शमौन कनानी जिथका मतलब औसौ खिजकुटा।

लूका 22:30

ताकि तुऐं मैरै राज्य दै मैरी मेजो पांदी खांव पीयों, पौरौ सिंहासन पांदी औरौ बोठेयो इस्राएल देश कै बारौ गोत्रो का न्याय कौरौ।”

लूका 6:15

औरौ मत्ती औरौ थोमा औरौ हलफईस का बैटा याकूब औरौ शमौन जैसी जेलोतेस बुलो थिए,

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

यूहन्ना 7:35

इथपांदी यहूदी नेताए आपी मुंजी चौर्चा कौरेयौ बौल़ौ, “ऐजा कुकै जांदा कै आमै ऐसी जौए ना सौकदै? शायद सै तिनु यहूदी लोगौ कै धोरे जाला जू यूनानी शहरो दै इस्राएल देश शै बायरै बिखरेयोंदे रौंव, औरौ तिनुकै शिक्षा दैणा चांव।

प्रेरितो कै काम 1:13

औरौ जोबै सै शहर दै पौऊंचै तौ सै तैसी उपले वाल़ै घोरो दै हौटै जिथै चोणेयौंदे चैलै पतरस, यूहन्ना, याकूब, अन्द्रियास, फिलिप्‍पुस, थोमा, बरतुल्मै, मत्ती, हलफईस का बैटा याकूब, शमौन जेलोतेस औरौ याकूब का बैटा यहूदा रौंव थिए।

प्रेरितो कै काम 12:17

तोबै तैणै तिनु हाथौ लैई इशारा कौरा कै चुपी रो; औरौ तिनु बौतौऊ कै प्रभुए कैशैकै मुखै कोयदै पौरैशा निकाल़ैयो लाए राए। हौजौ बौल़ौ, “याकूब औरौ तैसकै भाईयों खै ऐजै बात बौताए दैया।” तोबै निकल़ैयो सै ओकी जौगैह दा हौटै गौआ।

प्रेरितो कै काम 15:13

जोबै पौलुस औरौ बरनबास बौल़ै पोऊँ, तौ याकूब बौलदा लागा, “ओए रै बिशवाशी भाईयों, मैरी शुणौ।

प्रेरितो कै काम 15:21

जिथुकै मूसा कै ऐसी कानून का प्रचार पुराणै सौमय शै नोगर-नोगर दा हौंदा आए रौआ, औरौ सै हर विशांव कै दूसै यहूदी सभा-घोरो दै पौढ़ै जांव।”

प्रेरितो कै काम 15:23

औरौ तिनुऐ इयौं चिट्ठी खै तिनुआरी भैजै, “अन्‍ताकिया शहर औरौ सीरिया प्रदेश औरौ किलिकिया प्रदेश कै रौणौवाल़ै जू बैगानै यहूदी बिशवाशियौं मुंजीदै औसौ तिनकै चोणेयौंदे चैलै औरौ अगुवो भाईयों का नमशकार।

प्रेरितो कै काम 2:5

तैसी सौमय पौरमेशवर का डौर मानणोवाल़ै कैई यहूदी लोग थिए जू दुनिया कै हर देश शै तैयार मौनांदै आए रौवै थिए, औरौ यरूशलेम शहर दै रोए रौवै थिए।

प्रेरितो कै काम 21:18

दूजै दूसै पौलुस आमु नियौ याकूब कै धोरे हौटा, जिथै सौबै अगुवे कौठै थिए।

प्रेरितो कै काम 23:26

“महाप्रतापी फेलिक्स राज्यपाल खै क्‍लौदियुस लुसियास की औरौ शा नमशकार।

प्रेरितो कै काम 26:7

तैसी वादै कै पूरै हौणै खै आशा लायौ अमारै बारौ गोत्र आपणै सारै मन शै रात दूस पौरमेशवर कै आराधना कौरदै आए रौवै। ओए रै राजा, पौरमेशवर सैजौई कौरदा जू तैणै वायदा कौरे राए औरौ इयौं आशा कै बौजैह शै ऐजै यहूदी लोग मुं पांदी दोष लांव।

प्रेरितो कै काम 8:1

शाऊल तैसकी मौत कै साथै पूरी तरह शै शामिल थिया। तैसी दूसै यरूशलेम शहर कै कलीसिया पांदी बौड़ा अत्याचार हौंदा लागा औरौ चोणेयौंदे चैलै कै छोड़ेयौ सौबै कै सौबै यहूदिया प्रदेश औरौ सामरिया प्रदेशो दै बैखरै गौवै।

रोमियों 1:1

हांव पौलुस ऐजै चिट्ठी लिखु, जू यीशु मसीह का सेवक औसौ, पौरमेशवरे मुखै चोणेयौंदा चैला हौणौ कारिए चोणे राए औरौ पौरमेशवर कै ढौबौशा तैसी सुसमाचार का प्रचार कौरणौ कारिए जौई कौरे राए।

गलातियौं 1:19

तैसी सौमय हांव सिरफ यीशु मसीह कै भाई याकूब आरी भैटिया जू ऐक चोणेयौंदा चैला थिया।

गलातियौं 2:12

पतरस बैगानै यहूदी लोगौ कै साथै खाणौ खाया कौरौ थिया कै जांव तौड़ी कै यरूशलेम शहर दै याकूब कै भैजैयौंदे किछै बिशवाशी अन्‍ताकिया शहर दै ना आई। तैणै तिनु लोगौ खै डौर शै ऐशै कौरौ जू चांव थिए कै बैगानै यहूदी लोगौ का बै खतना हौणा चैंई।

गलातियौं 2:9

जू आदमी कलीसिया कै अगुवे सौमझै जांव थिए याकूब, पतरस (कैफा) औरौ यूहन्ना तिनुऐ दया का सैजा वरदान पौछेयाणा जू मुखै भैटी रौआ। तिनुऐ मुखै औरौ बरनबास खै आपणै साथी सौमझेयौ आमु संगति का सोंवा हाथ दिया। सै इयौं बातौ दै शामिल होवे कै आमु बैगानै यहूदी लोगौ कै धोरे जोऊं औरौ सै यहूदी लोगौ कै धोरे।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

2 तीमुथियुस 4:21

तू जाड़ै दा औगौड़ियौ आणौ कै कौचिश कौर। यूबूलुस, औरौ पूदेंस औरौ लीनुस औरौ क्‍लौदिया, औरौ औकै सौबी बिशवाशी भाईयों का ताखै नमशकार।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

1 पतरस 1:1

हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

यहूदा 1:1

हांव, यहूदा तुऔं ऐजी चिट्ठी लिखु। हांव यीशु मसीह का सेवक औरौ याकूब का नानड़ा भाए औसौ। मोऐं तुऔं लोगौ खै लिख लौ, जिनु पौरमेशवरे आपी पांदी बिशवाश कौरणौ कारिए बौएदै राए। अमारा पौरमेशवर पिता तुऔंआरी प्यार कौरौ औरौ तुऐं यीशु मसीह दै ठीक ठाक औसौ।

प्रकाशितवाक्य 7:4

जोबै स्‍वर्गदूतै निशान लाणा पूरा कौरे दिया, तोबै कुणिए मुखै बौतौऊ कै सैजै लोग जिनकै माथै पांदी स्‍वर्गदूतै पौरमेशवर कै मुहर शै निशान लोऊवा, तिनकै गिनती 144,000 थी। ऐजै सौबै लोग इस्राएल देश कै बारौ गोत्रो मुंजीदै थिए।