इफिसियों 5:8 - सिरमौरी नौवाँ नियम

⁸ जिथुकै आगै तुऐं आपी इनारै दै रौंव थिए, पौरौ जौल़ौ दै ऊबै तुऐं प्रभु कै लोग बौणै रौवै, तुऐं पेयाशै दै औसौ। इथकारिए पेयाशै दै रौणौवाल़ै लोगौ कै जैशणै हांडो।

Sirmouri

⁸ किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

इफिसियों 5:8 Iomraidhean Croise

मत्ती 3:8

आपी खै साबित कौरौ कै तुऐं आपणै पापौ कै छोडे़बा पौरमेशवर कै ढौबौ फैरै गौवै।

मत्ती 4:16

तुऐं बैगानै यहूदी लोग जू पौरमेशवर कै जाणै बिना इनारै दै ज़ी रौवै चोमकैयौंदे पेयाशै कै दैखलै, औरौ सैजौ पेयाशो तुऔं कै उध्दार कै बाट दिखालो जू लोग पौरमेशवर कै जाणै बिना ज़ी रौवै औरौ जू सौदा कै जिन्दगी कारिए मौत कै बाटो दै औसौ।”

लूका 1:79

कै जू लोग इनारै दै औरौ सौदा कै मौत कै खतरै दै औसौ तिनुकै पेयाशो भैटी सौकौ। औरौ ऐजौ पेयाशो आमु जीवन की बाटो पांदी लोए जांदो जू आमु पौरमेशवर कै साथै शान्तै दैलौ।”

लूका 16:8

“मालिकै तैसी अधरमी भण्‍डारी कै तारीफ कौरे, कै तैणै चलाकी शै काम कौरे राए; जिथुकै ऐशैखैई दुनिया कै लोग आपणै सौमय कै लोगौ कै साथै बर्ताव कै मामलै दै पेयाशै कै लोगौ शै जादा चालाक औसौ।

यूहन्ना 1:9

सैजौ जू साचौ पेयाशो औसौ जू हरेक आदमी खै पेयाशो दैंव, सै दुनिया दो आणौवाल़ौ थियु।

यूहन्ना 12:35

यीशुए बौल़ौ, कै पेयाशो (यीशु) ऐबै दैणिक ही सौमय तौड़ी तोंवारै बीच मुंजी औसौ, जांव तौड़ी पेयाशो तोंवारै साथै औसौ तांव तौड़ी हांडदै रौव; ऐशै नी हौंव कै इनारौ तुऔं खै हिशोए दैंव; जू इनारै दा हांडो सै ना जाणौ कै कुकै हांडै रौआ।

यूहन्ना 12:36

जांव तौड़ी पेयाशो तोंवारै साथै औसौ, पेयाशै पांदी भोरोशा राखौ कै तुऐं पेयाशै कै सन्‍तान बौणौ।” ऐजी बातौ बौलेयौ कै यीशु तिथैदा आगु हौटा औरौ तिनुवांदा दूर रौआ।

यूहन्ना 12:46

हांव दुनिया कै लोगौ कारिए पेयाशै कै जैशणा आए रौआ, ताकि जू कुणिए मुं पांदी बिशवाश कौरौ, सै इनारै दै नी रौंव।

यूहन्ना 8:12

तोबै यीशुए हौजौ लोगौ खै बौल़ौ, “दुनिया को पेयाशो हांव औसौ; जू कुणिए मैरै पाछैदा हांडला, सै इनारै दा ना हांडदा, पौरौ तिथु पेयाशै कै पाला जू सौदा कै जिन्दगी दैंव।”

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 1:21

इयौं बौजैह शै कै पौरमेशवर कै जाणणौ पांदी बै तिनुऐ पौरमेशवर कै सैजा आदर ना दी जू तैसका औसौ औरौ धन्यवाद ना कौरी, पौरौ सै बैकार कै बातौ सुंचौए, इथै तौड़ी कै तिनकै मूर्ख विचार सौब गौलत औसौ।

रोमियों 13:12

इयौं बुरै दुनिया दा रौणौ का अमारा सौमय ऐकी राती कै खत्म हौए जाणौ कै जैशणा लमसम खत्म हौए गौआ, औरौ सैजा सौमय बै नेड़िक औसौ जोबै मसीह पाछु आन्दा। आमु तिनु बुरी चीज़ौ कै बंद कौरे दैणै चैंई जू लोग इनारै दै कौरौ। आमु तिनु हथियारों कै इस्तैमाल कौरणै चैंई जू इनारै दै इस्तैमाल कौरे जांव।

रोमियों 2:19

तुऔं यकीन औसौ कै तुऐं ऐशणै लोग औसौ, जू आन्धै कै सोही बाट दिखांव, इनारै दै रौणौवाल़ै कारिए पेयाशो औसौ,

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

2 कुरिन्थियों 6:14

अबिशवाशी कै साथै शामिल ना हौंव जिथुकै धार्मिकता औरौ अधरम का, का मैल औसौ? या पेयाशो औरौ इनारै कै का संगति?

गलातियौं 5:25

जिथुकै पवित्र आत्माए आमु ऐक नौवाँ जीवन दैय राए, इथकारिए ऐबै आमु आपणै जीवन कै हरेक बातौ दै पवित्र आत्मा का कैहणा मानणा चैंई।

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

इफिसियों 4:18

जिथुकै सै ना समझ औरौ अज्ञानी औसौ औरौ जू जीवन पौरमेशवर दैंव सै तैसी जीवन कै ना अपनांव औरौ पौरमेशवर कै बारै दो शुणणौ शै इन्कार कौरणौ कै बौजैह शै सैजा जीवन जू पौरमेशवर दैंव, तिनुमुंजी ना आथी।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

कुलुस्सियों 1:13

जिथुकै पौरमेशवरे आमु शैतान की शौकतै शै छुड़ायो आपणै प्यारे बैटै कै राज्य दै आमु लौयौ आए रौआ।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।