इफिसियों 5:5 - सिरमौरी नौवाँ नियम

⁵ जिथुकै तुऐं ऐजौ आछै शै जाणौ कै कुणजाई गौलत सौमबंध बाणणौवाल़ा, या अशुध्द आदमी, औरौ लालची आदमी ऐक मूर्तिपूजक कै जैशणा औसौ, जू लोग इयौं दुनिया कै चीज़ौ कै आराधना कौरौ। ऐशणै काम कौरणौवाल़ै लोग कौलोंई बै मसीह औरौ पौरमेशवर कै राज्य कै औधिकारी ना हौंदै।

Sirmouri

⁵ किन्देंखे के तुँऐं ऐजो बिलकुल जाँणों ऐ, के कोसी च़ूरी-जारी कर्णों वाल़े, के कुँऐं अशुद्ध जंण, के लोभी आदमी, जुण्जा के मुर्ती पुज्णों वाल़े के बुराबर हों; मसीया अरह् पंण्मिश्वर के राज्य दा तेस्का किऐ भे हंक-अधिकार ने हंदी।

इफिसियों 5:5 Iomraidhean Croise

प्रेरितो कै काम 20:32

औरौ ऐबै हांव तुऔं पौरमेशवर कै, औरौ तैसकै अनुग्रह कै वचन खै सौंपै दियु, जू तुऔं बिशवाश दै मोजबूत कौरे सौकौ, औरौ पौरमेशवर तुऔं सैजै विरासत दैंदा जियौं दैणौ का वायदा तैणै तिनु सौबी लोगौ शै कौरे राए जू तैसकै जरिए पवित्र हौए रौवै।

प्रेरितो कै काम 8:21

इयौं सेवा मुंजी ना तैरा हिस्सा औसौ, ना भाग; जिथुकै तैरा मन पौरमेशवर कै सामणै सोही ना आथी।

गलातियौं 5:19

ऐजौ साफ औसौ कै पापी स्‍वभाव का-का कौरौ। यानी गौलत सौमबंध, गौंदै काम, बेशर्मी वाल़ै काम,

गलातियौं 5:21

औरौ ऐकी दुजैआरी ज़लन औरौ शराबीपन औरौ सैजै ऐशणै औकै सौबै बुरै काम कौरौ। मोऐं तुऔं चैतावणी दैय लौए जैशै आगै बै तुऔं चैतावणी दैय राए थै कै ऐशणै-ऐशणै काम कौरणौवाल़ै पौरमेशवर कै राज्य कै संतान ना हौंदै।

इफिसियों 5:3

जैशै पवित्र लोगौ कै लायक औसौ, तैशैखै तुऔं दै व्‍यभिचार, औरौ कोसी भान्त कै अशुध्द काम या लालच कै चौर्चा बै ना हौंव।

कुलुस्सियों 1:13

जिथुकै पौरमेशवरे आमु शैतान की शौकतै शै छुड़ायो आपणै प्यारे बैटै कै राज्य दै आमु लौयौ आए रौआ।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

1 तीमुथियुस 6:10

जिथुकै पौयसै का लोभ सौब भान्त कै बुराई कै बौजैह औसौ। किछै लोगै सुलै-सुलै मसीह की शिक्षाओं पांदी बिशवाश कौरणा बंद कौरे दिया जिथुकै सै धन कै बैजाए चांव थिए, औरौ सै कैई तरह शै दुखी औसौ, ऐक ऐशणै आदमी कै जैशणै जैणै आपी कै ऐकी हथियार लैई नुकसान कौरे राए।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

इब्रानियों 13:4

बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।