इफिसियों 4:7 - सिरमौरी नौवाँ नियम

⁷ पौरौ मसीहे आमु मुंजीदै हरेक आदमी कै तैसकै काम कौरणौ कारिए जौई-जौई खास वरदान दैय राए। औरौ ऐजौ जैसी हिसाब शै तैणै दैणौ चोऊ, तैसी हिसाब शै दैय दियु।

Sirmouri

⁷ परह् आँमों मुँझ़ी ऐकी नाँमों खे मसीया के दाँण के मुँताबिक ही कृपा भेटी रंऐ।

इफिसियों 4:7 Iomraidhean Croise

मत्ती 25:15

तैणै ऐकी खै सूनै कै पाँच झोल़े दिए, जिथका दाम बीश सालो कै धियाड़ी कै बोराबर औसौ। औरौ दूजै कै दो सूनै कै झोल़े दिए, औरौ तिजै खै ऐक सूनै का झोल़ा दिया, औरौ सौबी खै तिनकी काबलियत कै हिसाब शै दियु, औरौ तोबै प्रदेश खै हौटा।

यूहन्ना 3:34

जैसी पौरमेशवरे छाड़ै राए, सै पौरमेशवर की बातौ बौलदा: जिथुकै पौरमेशवरे तैसी पवित्र आत्मा भरपूरी शै दैय राए।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

इफिसियों 3:2

निशोंक हौयौ तुऐं जाणौए कै, मुखै तुऔं कै सुसमाचार प्रचार कौरणौ कै जुमैवारै पौरमेशवर कै अनुग्रह शै भैटी रौए।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।