इफिसियों 4:5 - सिरमौरी नौवाँ नियम

⁵ सिरफ ऐकैई प्रभु औसौ, यानी यीशु मसीह। आमै सौबै ऐकैई शिक्षा पांदी बिशवाश कौरु औरौ आमु सौबी कै ऐकैई बपतिस्मा भैटी रौआ।

Sirmouri

⁵ ऐक ही प्रभू असो, ऐक ही बिश्वाष असो; ऐक ही नहाँण असो,

इफिसियों 4:5 Iomraidhean Croise

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

रोमियों 3:30

जिथुकै ऐकैई पौरमेशवर औसौ, जू खतनावाल़ौ कै बिशवाश लैई औरौ बिना खतनावाल़ौ कै बै बिशवाश लैई धरमी साबित कौरौ।

1 कुरिन्थियों 1:13

ऐजै बात आछै ना आथी, जिथुकै मसीह गुटो दा बौंटेयौंदा ना आथी। शायद तुऐं गौलती सै ऐजौ सुंचौए कै हांव पौलुस तुऔं आज़ाद कौरवाणौ कारिए क्रूसो पांदी चौढ़ा थिया औरौ शायद तुऐं गौलती शै ऐजौ बै सोंचै लौ कै तुऔं इथकारिए बपतिस्मा दैय राए ताकि तुऐं मैरै चैलै बौणै सौकौ।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

1 कुरिन्थियों 12:13

जिथुकै आमै सौबीए का यहूदी, का बैगानै यहूदी लोग, का गुलाम, का आज़ाद ऐकैई आत्मा कै दवारा ऐकैई शोरीर हौणौ कारिए बपतिस्मा लौआ, औरौ आमु सौबी कै ऐकैई आत्मा भैटी रौए।

1 कुरिन्थियों 12:5

जोई-जोई भांत कै काम औसौ जू आमु प्रभु कै खातिर कौरु पौरौ आमै सौबै ऐकैई प्रभु कै सेवा कौरु।

2 कुरिन्थियों 11:4

जै कुणिए तोंवारै धोरे आऐबा ओकी यीशु कै बारै दौ बौतांव तौ तुऐं तैसी नौवें आदमी कै अपनाणौ कारिए बैजाए बैताब रौंव सै तौ सैजा यीशु ना आथी जैसकै बारै दौ आमुए बौतौऊ थियु। जोबै तुऔं कै ऐशणा आत्मा औरौ सौंदेश भैटौ जू तैसी आत्मा औरौ सौंदेश साए ना हौं जू आमुए बौताए राय थिया। तौ तुऐं तिनु शिक्षा कै मानणौ दै गौलत औसौ।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 4:13

ऐजौ तांव तौड़ी जारी रौंदौ जांव तौड़ी कै आमै आपणै बिशवाश औरौ पौरमेशवर कै बैटै कै बारै मुंजी आपणी सौमझ दै एकजुट ना हौए जोऊं। तांव तौड़ी आमै मोजबूत हौए जांदै, जैशैकै मसीह औसौ, औरौ आमु पूरी तरह शै तैसकै जैशणै हौए जांदै।

फिलिप्पियों 2:11

औरौ पौरमेशवर पिता कै महिमा कारिए सौबै लोग अंगीकार कौरे पाव कै यीशु मसीह ही प्रभु औसौ।

फिलिप्पियों 3:8

जिथुकै हांव मसीह यीशु प्रभु कै जाणणा चोऊं जू बाकी सौबी चीज़ौ शै कीमती औसौ औरौ हांव सौबी चीज़ौ कै बैकार सौमझु। जिथकै बौजैह शै मोऐं सौबी चीज़ौ कै छोड़े दी औरौ तिनु साट कोबाड़ सौमझु ताकि हांव मसीह कै जादा जाणै पोऊँ।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

तीतुस 1:4

मोऐं ऐजै चिट्ठी तीतुस कै लैखै लोए। तू मैरै बैटै कै जैशणा औसौ जिथुकै तू बै मसीह दा बिशवाश कौरे जैशै हांव कौरु: हांव प्रार्थना कौरु कै पिता पौरमेशवर औरौ अमारै उध्दारकर्ता मसीह यीशु तुऔं अनुग्रह औरौ शान्तै दैंदा रौंव।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।

इब्रानियों 6:6

तिनुखै औटेयौ पाछु लाणौ कै कुणजै बाट ना आथी जिथुकै सै पौरमेशवर कै बैटै खै औटेयौ क्रूसो पांदी चौढ़ांव औरौ ओकी कै मसीह का मजाक कौरणौ कै बौजैह बौणौ।

याकूब 2:18

जै कुणिए बौल़ौए, “मुखै बिशवाश औसौ, औरौ हांव भले काम कौरु।” पौरौ हांव बुलू तू आपणा बिशवाश मुखै भले काम कै बिना साबित कौर; औरौ हांव आपणा बिशवाश ताखै आपणै भले कामौ कै दवारा साबित कौरदा।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

यहूदा 1:20

पौरौ ओए रै मैरै साथी बिशवाशियौं तुऔं ऐकी-दूजै कै मौदद कौरणै औरौ पवित्र शिक्षाओं पांदी मोजबूती शै भोरोशा राखणा चैंई, जिथपांदी तुऐं बिशवाश कौरौ औरौ पवित्र आत्मा कै मौदद लैई प्रार्थना कौरणै चैंई।

यहूदा 1:3

ओए रै मैरै साथी बिशवाशियौं, भलैई हांव तुऔं पौरमेशवर कै मोक्ति कै बारै मुंजी बैजाए लिखणु चोऊं थिया, जिथमुंजी आमै सौबै शामिल औसौ, हांव जरुरत महसूस कौरु कै हांव तुऔं कै हिम्मत दैणौ कारिए लिखु कै जैसी सौचाई पांदी आमै बिशवाश कौरु। पौरमेशवरे आपणै पवित्र लोगौ खै ऐजै सौचाई ऐक बैई हमैशा कारिए दैय राए जू कौलोंई ना बौदलौ।