इफिसियों 4:12 - सिरमौरी नौवाँ नियम

¹² तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

Sirmouri

¹² जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:12 Iomraidhean Croise

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

प्रेरितो कै काम 1:17

जिथुकै सै आमु लोगौ मुंजीदा ऐक थिया, औरौ इयौं सेवा कै काम मुंजी मिलैयौंदा थिया।

प्रेरितो कै काम 1:25

कै सै इयौं सेवकाई का काम औरौ चोणेयौंदे चैलै का ठाँव लो, जिथुकै यहूदा इस्‍करियोती मौरे गौआ औरौ तैसी ठाँव कै छोड़ेयौ तैसी जौगैह पांदी हौटै गौआ, जिथै तैसी हौणौ चैंई।”

प्रेरितो कै काम 11:23

बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव।

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

प्रेरितो कै काम 9:31

ऐशैकैई सारै यहूदिया प्रदेश औरौ गलील जिले औरौ सामरिया प्रदेश दा कलीसिया कै लोगौ कै चैन भैटा औरौ तिनकी बोढ़ोतरी हौंदै लागै; औरौ सै प्रभु कै डौर औरौ पवित्र आत्मा कै मौदद लैई बौहितै लोगै प्रभु यीशु पांदी बिशवाश कौरा।

रोमियों 12:5

ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

रोमियों 12:7

जै ओकी कै सेवा कौरणौ का वरदान भैटी रौआ, तौ सेवा दै लागैयौंदा रौंव, जै कुणिए शिखाणौ वाल़ा हौंव, तौ शिखणौ दा लागैयौंदा रौंव;

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 15:14

ओए रै मैरै बिशवाशी भाईयों; हांव आपी बै तोंवारै बारै मुंजी निशोंक हौयौ जाणु, कै तुऐं आपी बै भले लोग औसौ औरौ तुऐं पूरी तरह शै जाणौ कै तुऔं का कौरणौ चैंई औरौ ऐकी दूजै कै शिखांदै रौव।

रोमियों 15:2

आमु मुंजीदै हरेक आपणै साथी बिशवाशी कै साथै ऐशै कौरणौ चैंई जू तैसकै मनो कै खुशी कौरौ तैसकै बिशवाश कै मोजबूत कौरणौ दै मौदद कौरौ।

रोमियों 15:29

औरौ हांव जाणुए कै जोबै हांव तोंवारै धोरे आन्दा, तौ मसीह तुऔं पूरै तरह शै आशीष दैंदा।

1 कुरिन्थियों 12:27

ऐशैखैई तुऐं सौबै मिलैयौ मसीह कै शोरीर औसौ, औरौ तुऔं मुंजीदै हरेक तैसकै शोरीर कै अंगो कै जैशणै औसौ।

1 कुरिन्थियों 12:7

पौरमेशवर हरेक बिशवाशियौं कै मौदद कौरणौ कारिए पवित्र आत्मा कै हौणौ का सबूत दैंव।

1 कुरिन्थियों 14:12

इथकारिए जिथुकै ऐजै तोंवारै इछा औसौ, कै तुऔं कै पवित्र आत्मा दवारा दैय जाणौवाल़ै काबलियत कै दैय जांव, इथकारिए जू तुऐं मांगोए ऐजौ ऐशै हौणौ चैंई जिथलैई तुऐं सौबी बिशवाशी कै बिशवाश खै मोजबूत कौरे सौकौ। वरदानो कै धुन दै रौव, औरौ ऐशणै कौचिश कौरौ कै तोंवारै वरदानो कै बोढ़ोतरी शै कलीसिया कै बोढ़ोतरी बै हौं।

1 कुरिन्थियों 14:14

इथकारिए जोबै हांव जौई-जौई भाषा दै प्रार्थना कौरु तौ मैरै अन्तरआत्मा प्रार्थना कौरौ, पौरौ मैरी बुध्दि काम कौरणा बंद कौरे दैंव,

1 कुरिन्थियों 14:26

इथकारिए ओए रै बिशवाशी भाईयों, शुणौ कै कामौ खै कैशै कौरणै चैंई? जोबै तुऐं आराधना कौरणौ कारिए कौठै हौंव तौ तुऔं मुंजीदै कुणिए तौ गीत गाओ, कुणिए उपदैश दौ, कुणिए प्रभु कै दवारा दैययौंदे वचन कै प्रकट कौरौ, कुणिए जौई-जौई भाषा दी बातौ कौरेयौ तिथका मतलब सोमझाव। तुऐं जू किछै कौरौ सैजौ कलीसिया कै तरककी कारिए हौंव।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

2 कुरिन्थियों 13:11

इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।

2 कुरिन्थियों 13:9

जोबै आमै कमजोर औसौ, औरौ तुऐं बिशवाश दै औसौ, तौ आमै खुशी रोऊं, औरौ ऐजी प्रार्थना बै कौरु, कै तुऐं बिशवाश दै मोजबूत हौए जांव।

2 कुरिन्थियों 4:1

इथकारिए जोबै आमु पांदी ऐशणै दया हौए, कै पौरमेशवर कै सौंदेश कै प्रचार कौरणौ कै सेवकाई भैटी, तौ आमु हिम्मत ना छुडु़।

2 कुरिन्थियों 5:18

औरौ सौबै बातौ पौरमेशवर कै ढौबौशी औसौ, जैणै मसीह कै दवारा आमु आपणै धोरे पाछु लाए राए, औरौ तैणै आमु तैसकै औरौ ओकी कै बीच शान्तै कायम राखणौ का काम दैय राए।

2 कुरिन्थियों 6:3

पौरमेशवर दै शामिल हौयौ, आमै कियौंई बातौ दै ठोकर खाणौ का कुणजाई बै मौका ना दियु, कै अमारै सेवा पांदी कुणजाई दोष ना आंव।

2 कुरिन्थियों 7:1

ओए रै प्यारो, जोबै पौरमेशवरे आमुआरी नानड़िया जैशणा अपनाणौ का वादा कौरे राए, तौ आव, आमै आपणै शोरीरो औरौ आत्मा कै सौबै गंदगी कै बुरी चीज़ौ कै कौरणी बंद कौरौ, औरौ पौरमेशवर कै डौर मानैयौ औरौ आदर कौरेयौ आमु पूरी तरह शै शुध्द जीवन जिणौ कारिए मैहनत कौरौ।

इफिसियों 1:23

कलीसिया मसीह का शोरीर औसौ, मसीह अमारै बीच आपणै पूरै शौकतै का इस्तैमाल तैशैखै कौरौ जैशै सै आपणै शौकतै का इस्तैमाल सारै ब्रह्मांड दा कौरौ।

इफिसियों 4:16

जैशैखै ऐकी आदमी का शोरीर तैसकै जोड़ो कै दवारा ऐक साथी जोड़ेयौंदा रौंव, तैशैखैई मसीह आमु सौबी कै जू तैसी पांदी बिशवाश कौरो, आपणै शोरीर कै अंगो कै जैशणै जोड़ो। औरौ जोबै शोरीर कै सौबै अंग ठीक तरह शै काम कौरौ तौ शोरीर बौढ़ौ औरौ मोजबूत हौंव; तैशैखैई, जोबै आमु मुंजीदै सौबै तैसी काम कै कौरो जू मसीहे आमु दैय राए तौ आमै मोजबूत बोणदै औरौ पाकै हौंदै औरौ ऐकी दूजै शै हौजौ जादा प्यार कौरदै।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 4:4

आमै सौबै बिशवाशी ऐक शोरीर कै अंगो कै जैशणै औसौ, औरौ आमु सौबी कै ऐकैई पवित्र आत्मा भैटी रौआ। ऐशैखैई तुऔं ऐकैई आशा दैय राए थै, जोबै तुऐं पौरमेशवर कै लोग हौणौ कारिए बौएदै राए थिए।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

कुलुस्सियों 1:28

आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

कुलुस्सियों 4:17

औरौ अरखिप्पुस खै बौलेया, “कै जू सेवा प्रभु दै ताखै सौंपै राए सैजै कामकै पूरै कौरेयौ खत्म कौरेया।”

1 तीमुथियुस 1:12

अमारै प्रभु यीशु मसीह का हांव धन्यवाद कौरु, जैणै मुखै शौकतै दैय राए। तैणै मुखै वफादार सौमझेयौ आपणै सेवा कारिए राखै राए।

2 तीमुथियुस 4:11

सिरफ लूका मैरै साथै औसौ जोबै तू मुं भैटिंदा दा आईला तौ मरकुस कै बै आपी साथै लाया; जिथुकै सै इथै मैरै काम कौरणौ कारिए मैरा मौददगार हौंदा।

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

इब्रानियों 13:17

आपणै अगुवो कै आज्ञा मानौ; औरौ तिनकै अधीन रौव, तुंआरी आत्माओं कै रोखवाल़ी कौरणै तिनका काम औसौ। तिनु तोंवारै बारै मुंजी पौरमेशवर खै लैखा दैणा पौड़दा कै सै ऐजा काम खुशी लैई कौरौ, औरौ ऐसी काम कै उदासी शै ना कौरौ, तोबै तुऔं कुणजाई फायदा ना भैटदा।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।