इफिसियों 2:5 - सिरमौरी नौवाँ नियम

⁵ जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

Sirmouri

⁵ अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

इफिसियों 2:5 Iomraidhean Croise

लूका 15:24

जिथुकै मोऐं ऐजौ सोंचै राए थियु, कै मैरा नानड़ा बैटा मौरे गौआ, पौरौ ऐबै जियुंदा औसौ ऐजा हाँईची रौआ थिया, औरौ ऐबै भैटी गौआ।’ औरौ सै सौबै जोणे जोश्न मोनादै लागै।

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।

यूहन्ना 6:63

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

प्रेरितो कै काम 15:11

ऐशै कौरणौ ठीक ना आथी, पौरौ अमारा बिशवाश तौ ऐजा औसौ कै जैशणै ढंग शै सैजै प्रभु यीशु कै अनुग्रह शै उध्दार पांदै, तैशैखैई आमु बै पांदै, ना कै मूसा कै कानून का पालन कौरेयौ।

रोमियों 16:20

शान्तै का पौरमेशवर शैतान कै नाश कौरे दैला औरौ तैसी तोंवारै अधीन कौरे दैला। अमारै प्रभु यीशु मसीह का अनुग्रह तुऔं पांदी हौंदा रौंव।

रोमियों 3:24

पौरौ पौरमेशवर कै अनुग्रह शै तैणै आमु यीशु मसीह कै दवारा पाप कै सौजा शै छुटकारा दिया जू कै यीशु मसीह दा औसौ, पौरमेशवरे आमु बिना किछै कौरे ही धरमी साबित कौरे राए।

रोमियों 4:16

इथकारिए लोगै बिशवाश कै दवारा अनुग्रह ही शै पौरमेशवर का वादा पौऊवा। इयौं बौजैह शै अब्राहम कै सौबी संतानो कै ऐजा वादा भैटी सौकौ। जू सिरफ मूसा कै कानून मानणोवाल़ै कै ना आथी, पौरौ ऐजा सौबी आदमी कै औसौ जू अमारै पुराणिया अब्राहम कै जैशणा बिशवाश शै जीवन जियौं।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

रोमियों 5:6

जिथुकै जोबै आमै कमजोर ही थिए, तौ पौरमेशवर दवारा ठौहरायौंदे सौमय पांदी मसीह आमु अधरमी लोगौ कारिए मौरा।

रोमियों 5:8

पौरौ पौरमेशवर आमु पांदी आपणै प्यार कै भोलाए इयौं तरीकै लैई प्रगट कौरौ, कै जोबै आमु पापी ही थिए तौलोंई मसीह आमु कारिए मौरा।

रोमियों 8:2

जिथुकै पवित्र आत्मा जू मसीह यीशु कै ढौबौशा आंव तुऔं जीवन दैला औरौ पाप औरौ मौत शै आज़ाद कौरदा।

2 कुरिन्थियों 13:14

प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

इफिसियों 2:1

आगै तुऔं कैई पौरमेशवर कै ढौबौशा नौवाँ जीवन नी थी; आपणै बुरै काम औरौ पापौ की बौजैह शै तुऐं मौरेयौंदे लोगौ कै जैशणै थिए।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

इफिसियों 5:14

इयौं बौजैह शै लोग बौल़ौए, “ओए रै सुतणोवाल़ै बिज़ो औरौ मौरेयौंदे मुंजीदै जियुंदी हौव; तौ मसीह आपणौ पेयाशो तुऔं पांदी चोमकांदा।”

कुलुस्सियों 2:13

औरौ पौरमेशवरे तुऔं बै, जू आपणै पापौ औरौ खतना कै जैशणै बुरै स्‍वभाव दै पौड़ेयौंदे थिए, तैणै तुऔं मसीह कै साथै जियुंदी कौरे औरौ तोंवारै सौबै पापौ कै माफ कौरे।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

तीतुस 3:5

तैणै आमु अमारै पापौ कै सौजा शै बौचौऊवै, औरौ ऐजौ धार्मिक कामौ की बौजैह शै नी, जू आमुए आपी कौरे, पौरौ बौजैह शै जू तैणै आमु पांदी दया कौरे राए। पौरमेशवरे आमु नौवाँ जीवन दैय राए। तैणै अमारै पापौ कै आमुवा दै दूर कौरे दिए औरौ आमु इथ लायक बाणै कै आमै ऐक नौवें तरीकै शै बर्ताव कौरणा शुरु कौरु। तैणै आपणै पवित्र आत्मा कै अमारै भीतरै राखैयौ ऐशै कौरे राए।

प्रकाशितवाक्य 22:21

हांव प्रार्थना कौरु कै प्रभु यीशु का अनुग्रह पवित्र लोगौ कै साथै रौंव। आमीन!