इफिसियों 2:4 - सिरमौरी नौवाँ नियम

⁴ पौरौ पौरमेशवर बैजाए दयालु औसौ; आपणै तैसी बौड़ै प्यार की बौजैह शै तैणै आमुआरी प्यार कौरा,

Sirmouri

⁴ परह् पंण्मिश्वर की दया-रंय्म जुण्जी अप्रमंपार असो, आँमें आप्णें पाप के कारण मँरी गुऐ थिऐ; परह् तिन्ऐं आँमों आरी ऐत्रों प्यार कोरो, के आँमों खे मसीया आरी जीवन दिता; अरह् तिनकी कृपा ऐ तुओं लोगों का छुट्कारा करा;

इफिसियों 2:4 Iomraidhean Croise

लूका 1:78

ऐजौ अमारै पौरमेशवर की तियौं बौड़ी दया शै हौंदौ; औरौ जैशैकै सुरज आमु पेयाशो दैणौ कारिए चौमकौ तैशैकैई मसीह बै अमारै धोरे स्वर्ग शै आन्दा।

रोमियों 10:12

यहूदी औरौ बैगानै यहूदी लोगौ मुंजी किछै भैद ना आथी, इथकारिए कै पौरमेशवर सौबी का प्रभु औसौ औरौ सै आपणै सौबी लोगौ खै बौचांव, जू तैसीकै मौदद कारिए पुकारौ।

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

रोमियों 5:8

पौरौ पौरमेशवर आमु पांदी आपणै प्यार कै भोलाए इयौं तरीकै लैई प्रगट कौरौ, कै जोबै आमु पापी ही थिए तौलोंई मसीह आमु कारिए मौरा।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।