इफिसियों 2:12 - सिरमौरी नौवाँ नियम

¹² तुऐं लोग तैसी सौमय मसीह कै ना जाणौ थिए औरौ तुऐं पौरमेशवर कै चोणेयौंदे लोग इस्राएल देश कै जैशणै नागरिक कै रुप दै शामिल नै थी, पौरमेशवरे आपणै वायदै कै हिसाब शै जू कौरार यदूदी लोगौ आरी कौरे राए थै, तुऐं तिथकै बै भागीदार नै थी। औरौ तुऐं ऐसी दुनिया दै बिना आशा कै औरौ बिना ईशवर कै रौंव थिए।

Sirmouri

¹² ऐजो चीत्तें थुऐं! के तेसी बख्ते तुँऐं ईयों संईसारी दे मसीया शे ज़ोई थिऐ, अरह् इस्राएल की परजा मंडल़ी शे भे ज़ोई थिऐ; अरह् तुँऐं पंण्मिश्वर के जाँणें कंरे अंदे बाय्दे कंरार शे अंणजाँण थिऐ; जिन कैई ईयों संईसारी दे किऐ भे आशा-भरोषा ने थी, अरह् बिना पंण्मिश्वर के थिऐ।

इफिसियों 2:12 Iomraidhean Croise

लूका 1:72

सै आपणी पवित्र कौरार कै याद कौरेयौ अमारै पुराणिया पांदी दया कौरदा।

यूहन्ना 10:16

मैरी ओकी बै भेड़ो औसौ, जू ऐसी बाडे़ की ना आथी मुखै तिनुकै लाणी बै जौरुरी औसौ, सै मैरी आवाज़ पोयछाणली; तोबै ऐकैई डार औरौ ऐकैई चौराईया हौंदा।

यूहन्ना 15:5

हांव बैल औसौ, तुऐं शाई औसौ। जू मुं दै बौणैयौंदे रौंव, औरौ हांव तिनुदा बोणेयोंदा रौंऊ; औरौ सै बैजाए फोल़ लांव, जिथुकै मुं दै जौई हौयौ तुऐं किछै ना कौरे सौकौ।

यूहन्ना 4:22

तुऐं सामरी लोग जैसीकै ना जाणौ तैसकै आराधना कौरौ, औरौ आमै यहूदी लोग जैसीखै जाणुए तैसकै आराधना कौरु; जिथुकै उध्दार यहूदी लोगौ मुंजी औसौ।

प्रेरितो कै काम 2:39

जिथुकै ऐजा वादा तुऔं, औरौ तोंवारै नानड़िया, औरौ तिनु दूर-दूर कै सौबी लोगौ कारिए बै औसौ जिनुखै प्रभु अमारा पौरमेशवर आपणै धोरे बौईददा।”

प्रेरितो कै काम 28:20

इथकारिए मोऐं तुऔं खै बोएदै राए, कै तुंआरी भैटिंयु औरौ बातचीत कौरु; जिथुकै इस्राएल देश कै आशा कारिए जू की मसीह औसौ इयौं शांगुल़ी लैई जोकड़ेयौंदा औसौ।”

प्रेरितो कै काम 3:25

तुऐं सौबीए पौरमेशवर कै बातौ बौताणौवाल़ै कै संतान औरौ तियौं कौरारो कै हकदार औसौ, जू पौरमेशवरे तोंवारै पुराणिया शै बानै, जोबै तैणै अब्राहम कै बौल़ौ, ‘तैरै वंश कै दवारा दुनिया कै सारै कुड़बे आर्शीवाद पांदै।’

रोमियों 9:8

यानी जू वंश कुदरत कै हिसाब शै जन्म लोंव सैजै पौरमेशवर कै संतान ना आथी, सिरफ वादै कै संतान ही अब्राहम कै संतान मानै जांदै।

गलातियौं 4:8

जोबै तुऐं पौरमेशवर खै ना जाणौ थिए, तौ तैसी सौमय तुऐं तैसकै दास थिए, जू सौथीखै ईशवर आथी ही ना।

इफिसियों 2:19

इथकारिए बैगानै यहूदी लोग ऐबै प्रदेशी औरौ मुसाफिर ना रोई, पौरौ तुऐं पौरमेशवर कै पवित्र लोगौ कै साथै स्‍वदेशी औरौ पौरमेशवर कै परिवार कै हौए गौवै।

इफिसियों 4:18

जिथुकै सै ना समझ औरौ अज्ञानी औसौ औरौ जू जीवन पौरमेशवर दैंव सै तैसी जीवन कै ना अपनांव औरौ पौरमेशवर कै बारै दो शुणणौ शै इन्कार कौरणौ कै बौजैह शै सैजा जीवन जू पौरमेशवर दैंव, तिनुमुंजी ना आथी।

कुलुस्सियों 1:21

इदै आगै तुऐं पौरमेशवर शै बैजाए दूर थिए। तुऐं पौरमेशवर कै दुशमन थिए जिथुकै तोंवारै सोंच बुरै थै।

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

1 थिस्सलुनीकियों 4:13

ओए रै बिशवाशी भाईयों, आमै चोऊं कै तुऐं ऐजौ जाणै पाव कै तिनु बिशवाशियौं कारिए ऐजौ कैशै हौंदौ जू आगै ही मौरे गौवै। ऐशै नी हौंव, कै तुऐं ओकी कै जैशणा शोक मौनांव जिथुकै तिनु आशा ना आथी कै मौरणौ कै बाद सै औटेयौ जियुंदी हौए जांदै।

1 थिस्सलुनीकियों 4:5

औरौ तुऔं ऐजा काम अभिलाषा शै नी कौरणा चैंई, औरौ ना बैगानै यहूदी लोगौ कै जैशणा, जू पौरमेशवर खै ना जाणौ।

2 थिस्सलुनीकियों 2:16

आमै आपी प्रभु यीशु मसीह शै, औरौ अमारै पिता पौरमेशवर शै प्रार्थना कौरु जू आमुआरी प्यार कौरौ औरौ जैणै आपणै अनुग्रह शै आमु सौदा हौंसला औरौ मोजबूत आश दैय राए।

1 तीमुथियुस 1:1

मोऐं पौलुसे ऐजी चिट्ठी लैखै लोए। हांव अमारै उध्दारकर्ता पौरमेशवर औरौ अमारै प्रभु यीशु मसीह, जैसीदै आमै आशा राखु, तैसकै औधिकार शै यीशु मसीह का ऐक चोणेयौंदा चैला औसौ।

इब्रानियों 11:34

आग तिनु ना जौल़ाई ना सोकी; तलवार तिनु मारी ना सोकी। ऐक बार कमजोर हौणौ कै बाद तिनु औटेयौ मोजबूत बाणै गौवै, सै लौड़ाई दै वीर साबित हौवे; तिनुऐ आपणै दुशमनो कै सैनाओं खै दूर भगाए दियै।

इब्रानियों 6:18

तौ तोबै ऐजी दौ बातौ औसौ तैसका वादा औरौ तैसकै शौं जू कौलोंई ना बौदलै सौकौ औरौ जिथकै बारै मुंजी पौरमेशवर कौलोंई झूठु ना बौल़ै सौकौ। इथकारिए आमै जू पौरमेशवर कै नेड़िक रक्षा पाणौ खै ओऊं औरौ जू आशा तैणै आमु दैय राए, तियौं थाम्बैयौ, बैजाए खुशी औसौ।

इब्रानियों 8:6

पौरौ जू पुरोहित का काम यीशु मसीह खै भैटा, सै तैसी काम दा कौथी बौढ़ेयौ औसौ जू ओकी पुरोहितो खै दैय राए थिया। जिथुकै सै सैजाई औसौ जू महान वादो कै आधार पांदी, पौरमेशवर कै सामणै अमारै खातिर ऐक बैजाए महान वादै कै बीचवैई कौरौ।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।

1 पतरस 3:15

पौरौ आपणै मनो दा मसीह कारिए डौर राखौ, औरौ प्रभु कै रुप दै तैसी इज्जत दैव औरौ जै कुणिए तियौं आशा कै बारै मुंजी पूछौ जू बिशवाशी हौणौ कै नातै आमै सौबै साझा कौरु, तौ हमैशा तैसी सौमझाणौ कारिए तैयार रौव। पौरौ नम्र औरौ आदर कै साथै कौरौ। हमैशा सैजौई कौरौ जू सोही औसौ। तोबै बै जै लोग तोंवारै खिलाफ बुरु बौल़ौ, तौ सैजै ही शर्मिंदा हौंदै जोबै सै मसीह कै साथै तोंवारै आछै सौमबंध कै बौजैह शै तोंवारै आछै बर्ताव खै दैखलै।

1 यूहन्ना 3:3

औरौ जू कुणिए मसीह पांदी आशा राखौ, सै आपणै आपी खै तैशैखैई पवित्र कौरौ जैशैखै सै पवित्र औसौ।