इफिसियों 2:10 - सिरमौरी नौवाँ नियम

¹⁰ जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

Sirmouri

¹⁰ किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

इफिसियों 2:10 Iomraidhean Croise

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

यूहन्ना 3:21

पौरौ जू सौचाई पांदी चालौ, सै पेयाशो कै नेड़िक आंव, ताकि तैसकै काम प्रगट हौए जांव कै जू पौरमेशवर चांव सैजौ कौरौ।”

प्रेरितो कै काम 9:31

ऐशैकैई सारै यहूदिया प्रदेश औरौ गलील जिले औरौ सामरिया प्रदेश दा कलीसिया कै लोगौ कै चैन भैटा औरौ तिनकी बोढ़ोतरी हौंदै लागै; औरौ सै प्रभु कै डौर औरौ पवित्र आत्मा कै मौदद लैई बौहितै लोगै प्रभु यीशु पांदी बिशवाश कौरा।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

रोमियों 8:29

जिथुकै जिनु तैणै आगै दै उंडै चोणे राए औरौ तिनुकै आगै ही दै उंडै ठोहराए राए ताकि सै आपणै बैटै कै जैशणा हौए जाला औरौ तैसका बैटा सौबी भाईयों मुंजीदा जैठा हौंदा।

1 कुरिन्थियों 3:9

आमै पौरमेशवर कै साथै काम कौरणौवाल़ै औसौ; औरौ तुऐं कुरिन्थुस शहर कै बिशवाशी ऐकी बागड़ी साए औसौ जू पौरमेशवर कै औसौ। औरौ इथकै साथै, हांव तुंआरी तुलना ऐकी घौरौ शै कौरे सौकु जिथुखै पौरमेशवरे बाणै लौ।

2 कुरिन्थियों 5:17

इथकारिए जै कुणिए मसीह दा बिशवाश कौरौ तौ तैणै मसीह दा नौवाँ स्‍वभाव पाए राए: पुराणा स्‍वभाव बीती गौआ; औरौ दैखौ, सैजौ सौबै नौंओ हौए गौ।

2 कुरिन्थियों 5:5

पौरमेशवरे आमु नौवें शोरीर कारिए तैयार कौरे राए, तैणै आमु बयाने दै पवित्र आत्मा बै दैय राए। ऐजा बयाना सैजा वादा औसौ, जैसीखै पौरमेशवर बाद मै आमु कारिए पूरा बै कौरदा।

2 कुरिन्थियों 9:8

पौरमेशवर सौब भान्त का अनुग्रह तुऔं तोंवारै जौरुरत शै जादा दैणौ दा शौकतीशाली औसौ जिथलैई हर बात दै औरौ हर सौमय, सौब किछै, जू तुऔं जौरुरी हौंव, तुऔं कैई रौंव ताकि तुऔं कैई भौलै काम कौरणौ कारिए जौरुरत सै जादा हौं।

गलातियौं 6:15

जिथुकै ना खतना औरौ ना खतनारहित किछै माइनै ना राखौ, पौरौ पौरमेशवर कै दवारा ऐक नौवाँ आदमी बाणै जाणा ही माइनै राखौ।

इफिसियों 1:1

मोऐं पौलुसे इयौं चिट्ठी कै लैखै लोए। हांव पौरमेशवर कै इछा कै हिसाब शै यीशु मसीह का चोणेयौंदा चैला औसौ। मोऐं ऐजै चिट्ठी इफिसुस शहर दै रौणौवाल़ै पौरमेशवर कै लोगौ कै लैखै लौए, जू मसीह यीशु कै प्रति वफादार औसौ।

इफिसियों 1:4

पौरमेशवरे दुनिया कै बाणणौ दै औगौड़ियौ ही आमु आपणै पवित्र लोग हौणौ कारिए चोणे राए जिथुकै आमै मसीह कै साथै ऐक औसौ; ताकि आमै तैसकै सामणै पवित्र औरौ निर्दोष बौणै सौकु।

इफिसियों 2:13

ऐक सौमय थिया जोबै तुऐं पौरमेशवर शै दूर थिए, पौरौ ऐबै मसीह यीशु दै तुऐं तैसकै लोऊ कै दवारा नेड़िक लाए गौवै।

इफिसियों 2:15

आपणै मौत कै दवारा, तैणै मूसा कै कानून कै ऐजै सौबै नियम औरौ विधियों कै खत्म कौरे राए, ताकि सै यहूदी लोगौ औरौ बैगानै यहूदी लोगौ कै जौड़ेयौ तिनुमुंजी शान्तै बाणै सौकौ औरौ ऐशैखै ऐक नौवाँ झुंड बौण सौकौ।

इफिसियों 2:2

तैसी सौमय तुऐं इयौं दुनिया कै लोगौ कै तरीको कै पौछौड़ियौ चालौ थिए औरौ तुऐं शैतान कै आज्ञा कै मानौ थिए यानी तैसी प्रधान का जू आकाश दा दुष्टआत्माओं पांदी राज कौरौ, जू ऐबै बै तिनु लोगौ कै मनो दा काम कौरौ जू पौरमेशवर कै आज्ञा ना मानौ।

इफिसियों 2:6

जिथुकै तैणै आमु मसीह यीशु कै साथै मौरेयौंदे मुंजीदै जियुंदी कौरे राए, तैणै मसीह कै साथै अमारै सौमबंध की बौजैह शै स्‍वर्ग दा आमु मसीह कै साथै ऐक ठाँव दैय राए।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 4:24

औरौ पौरमेशवरे तुऔं ऐक नौवाँ चरित्र दैय राए जू तैसकै आपणै चरित्र कै जैशणा औसौ। इथकारिए ऐसी नौवें चरित्र कै हिसाब शै बर्ताव कौरौ। सौथी कै धरमी औरौ पवित्र बौणौ।

फिलिप्पियों 1:6

मुखै इयौं बातौ का भोरोशा औसौ कै पौरमेशवरे तुऔं मुंजी किछै आछा काम कौरणा शुरु कौरे राए, सैजाई तैसी यीशु मसीह खै पाछु आणौ कै दूसौ तौड़ी पूरा कौरदा।

फिलिप्पियों 2:13

जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।

2 थिस्सलुनीकियों 2:17

हांव ऐजै बै प्रार्थना कौरु कै सै तुऔं हौंसला दैंव औरौ मोजबूत कौरौ ताकि तुऐं सैजौ सौबै जू आछौ औसौ तिथु कौरणौ औरौ बौताणौ जारी राखौ औरौ तुऔं सौबै आछै काम, औरौ वचन दै मोजबूत कौरौ।

1 तीमुथियुस 2:10

इथकै बजाय, तिनु ओकी लोगौ कारिए भले काम कौरेयौ आपी कै सुन्दर बौणणौ चैंई। जिथुकै पौरमेशवर कै भोक्‍ती कौरणौवाल़ी बैटमाणिशौ कै ऐजौई कौरणौ ठीक औसौ।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 5:25

तैशैखैई, जोबै लोग आछै काम कौरौ, तौ ऐजौ ओकी बिशवाशियौं कै दवारा साफ-साफ दैखियौं। औरौ जै सै तिनु ऐक बार बै साफ-साफ ना दैख सौकौ, तौ बाद दै सै तिनु जाणै ही पांदै।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

2 तीमुथियुस 2:21

इथकारिए, जू बिशवाशी आपी कै तिनु सौबी बुरै कामौ शै जौई कौरदा, औरौ जैसका जीवन पवित्र हौला सै ऐक कीमती बासणौ कै जैशणा हौंदा जू खास मोके पांदी इस्तैमाल हौं, औरौ इथकारिए तैसका मालिक तैसका इस्तैमाल कौरे सौकदा औरौ सै सौबै भान्त कै आछै काम कौरे सौकौ।

2 तीमुथियुस 3:17

ताकि पौरमेशवर कै सेवा कौरणौवाल़ा आदमी सिध्द बौणौ औरौ सौब भान्त कै भले काम कौरणौ कारिए तैयार औरौ काबिल हौं।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 3:1

बिशवाशी लोगौ खै याद दिया, कै राज्यपाल औरौ औधिकारियो का आदर कौरौ, औरौ तिनकी आज्ञा मानौ, औरौ तिनुखै औकै सौबै आछै काम कौरणै चैंई।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 10:24

आव आमै ऐकी-दुजैआरी प्यार औरौ आछी चीज़ौ कै कामौ खै कौरणौ कारिए ऐकी-दूजै खै हिम्मत दैया कौरौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 यूहन्ना 1:7

पौरौ जै आमै सैजौई कौरु जू सोही औसौ जैशैखै पौरमेशवर सिध्द औसौ औरौ पेयाशै कै जैशणा औसौ, तैशैखैई अमारा बर्ताव बै पेयाशै कै जैशणा सोही हौंव, तौ आमु ऐकी दूजै कै साथै रोऊं, औरौ तैसकै बैटै यीशु मसीह का लोऊ आमु सौबी पापौ शै शुध्द कौरौ।

1 यूहन्ना 2:6

जू कुणिए ऐजौ बौल़ौ कै हांव पौरमेशवर कै साथै बौणेयौंदा औसौ तौ सै आपी बै तैशैखै ही जियौं जैशै यीशु मसीह जियौं थिया।