इफिसियों 1:1 - सिरमौरी नौवाँ नियम

¹ मोऐं पौलुसे इयौं चिट्ठी कै लैखै लोए। हांव पौरमेशवर कै इछा कै हिसाब शै यीशु मसीह का चोणेयौंदा चैला औसौ। मोऐं ऐजै चिट्ठी इफिसुस शहर दै रौणौवाल़ै पौरमेशवर कै लोगौ कै लैखै लौए, जू मसीह यीशु कै प्रति वफादार औसौ।

Sirmouri

¹ इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

इफिसियों 1:1 Iomraidhean Croise

लूका 16:10

जू नानड़ी शै नानड़ी बातौ दै ईमानदार औसौ सै बौड़ी शै बौड़ी बातौ दै बै ईमानदार औसौ। जू नानड़ी शै नानड़ी बातौ दै बेईमान औसौ सै बौड़ी शै बौड़ी बातौ दै बै बेईमान औसौ।

प्रेरितो कै काम 16:15

औरौ जोबै तियैं आपणै कुड़बे समैंत बपतिस्मा लौआ, तौ तियैं बिन्ती कौरे, “जै तुऐं मुखै सौथीखै प्रभु कै बिश‍वाशनी सौमझौ, तौ चालैयौ मैरै घोरे रौव, औरौ सै आमु कै मौनायो कै लोय गौए।”

प्रेरितो कै काम 18:19

तैणै इफिसुस शहर दै पौंचेयौ प्रिस्किल्ला औरौ अक्विला खै तिथै छोड़े औरौ आपी यहूदी सभा-घोरो दा जायौ यहूदी लोगौआरी बैहस कौरदा लागा।

प्रेरितो कै काम 18:21

पौरौ ऐजौ बौलेयौ तिनु कैईंदा आगु हौटा, “जै पौरमेशवरे चोऊ तौ हांव तोंवारै धोरे हौजौ आन्दा।” तोबै सै इफिसुस शहर शै जहाज खोल़ेयो चाल पौड़ा;

प्रेरितो कै काम 9:13

हनन्‍याहए जोवाब दिया, “ओए रै प्रभु मोऐं ऐसी आदमी कै बारै मुंजी बौहितै लोगौ शै शौणै राए कै ऐणै यरूशलेम शहर दै तैरै पवित्र लोगौ कै साथै बैजाए बुरु कौरे राए।

रोमियों 1:1

हांव पौलुस ऐजै चिट्ठी लिखु, जू यीशु मसीह का सेवक औसौ, पौरमेशवरे मुखै चोणेयौंदा चैला हौणौ कारिए चोणे राए औरौ पौरमेशवर कै ढौबौशा तैसी सुसमाचार का प्रचार कौरणौ कारिए जौई कौरे राए।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 8:1

इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

1 कुरिन्थियों 4:12

औरौ आपणै ही हाथौ कै काम कौरेयौ मैहनत कौरु। लोग आमु बुरु बौल़ौ, आमु तिनु आशीष दियु; सै सतांव औरौ आमु सैहन कौरु।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

2 कुरिन्थियों 1:1

मोऐं पौलुसे, तुऔं ऐजी चिट्ठी लैखै लौए। हांव पौरमेशवर कै इछा शै मसीह यीशु का चोणेयौंदा चैला औसौ, औरौ अमारा साथी बिशवाशी भाई तीमुथियुस कै ढौबौशै कुरिन्‍थुस शहर कै कलीसिया कै औरौ अखाया प्रदेश कै सौबै पवित्र लोगौ कारिए ऐजै चिट्ठी लैखै लौए।

गलातियौं 1:1

मोऐं पौलुसे, तुऔं ऐजै चिट्ठी लैखै लौए। हांव ऐक चोणेयौंदा चैला औसौ। मुखै ना आदमी कै ढौबौशा, औरौ ना कोसी आदमीए चोणे राए, पौरौ मुखै यीशु मसीह औरौ पौरमेशवर पिता कै दवारा चोणे राए, जैणै यीशु मसीह खै मौरेयौंदे मुंजीदा जियुंदी कौरा।

गलातियौं 3:26

जोबै तुऐं मसीह कै नांव लैई बपतिस्मा लौआ, तौ तुऐं मसीह कै स्‍वभाव कै मानौ बाम्बै पाए। इथकारिए, जोबै तुऐं यीशु मसीह पांदी बिशवाश कौरा, तोबै तुऐं सौबै पौरमेशवर कै ओलाद बौणै गौवै।

गलातियौं 3:28

मसीह दै ऐक यहूदी या बैगानै यहूदी लोग या ऐक दास या ऐक आज़ाद आदमी कै बीच मुंजी कुणजाई अंतर ना आथी। इथमुंजी कुणजाई भैदभाव ना आथी कै तुऐं ऐक मर्द औसौ या बैटमाणिश औसौ। आमै सौबै मसीह यीशु दै ऐक जैशणै औसौ।

गलातियौं 3:9

पौरमेशवर तिनु सौबी खै आशीष दैंदा जू तैसी पांदी बिशवाश कौरौ, तैशैखैई जैशै तैणै अब्राहम खै आशीष दै।

इफिसियों 1:15

पौरमेशवरे जू किछै कौरे राए तिथकी बौजैह शै, हांव बै प्रभु यीशु पांदी तोंवारै बिशवाश औरौ पौरमेशवर कै पवित्र लोगौ कै प्रति तोंवारै प्यार कै बारै मुंजी शोणेयो,

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

इफिसियों 2:13

ऐक सौमय थिया जोबै तुऐं पौरमेशवर शै दूर थिए, पौरौ ऐबै मसीह यीशु दै तुऐं तैसकै लोऊ कै दवारा नेड़िक लाए गौवै।

इफिसियों 2:6

जिथुकै तैणै आमु मसीह यीशु कै साथै मौरेयौंदे मुंजीदै जियुंदी कौरे राए, तैणै मसीह कै साथै अमारै सौमबंध की बौजैह शै स्‍वर्ग दा आमु मसीह कै साथै ऐक ठाँव दैय राए।

इफिसियों 6:21

प्रभु कै संगति दा प्यारा साथी औरौ बिशवाश लायक सेवक तुखिकुस तुऔं लोगौ कै ऐजौ सौबै बौताए दैंदा, ताकि तुऐं बै जाणै पाव कै हांव कैशणा औसौ औरौ मोऐं का कौरे लो।

कुलुस्सियों 1:2

ऐजै चिट्टी मसीह दै तिनु पवित्र औरौ भोरोशे लायक भाईयों खै नांव औसौ जू कुलुस्‍से शहर दै रौंव। अमारा पिता पौरमेशवर तुऔं अनुग्रह औरौ शान्तै दैंदा रौंव।

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।