प्रेरितो कै काम 2:3 - सिरमौरी नौवाँ नियम

³ औरौ तिनकै सामणै ऐक ऐशणै आग दैखी जिथका रुप जीभ कै जैशणा थिया जू जौई हौयौ तिनुमुंजी हरेक आदमी पांदी रौकै गौए।

Sirmouri

³ तिनके ऐक आगी का जिया घीयाँना देखाई पड़ा, जिन्दें शी जींभों जेऐ नींक्ल़ियों तिनू सोभी आदमी के मुँढों गाशी आऐयों ठहरी गंई।

प्रेरितो कै काम 2:3 Iomraidhean Croise

मत्ती 3:11

“हांव तुऔं पाणी लैई बपतिस्मा दैंदा, जिनुवै आपणै पाप छोड़ेयौ पौरमेशवर कै ढौबौ मन राए लाए, पौरौ जू मैरै बाद आणौवाल़ा औसौ, सै मुं दा शौकतीशाली औसौ; हांव तौ तैसकै जूते कै तशमै खौलणौ कै लायक बै ना आथी, सै तुऔं खै पवित्र आत्मा औरौ आगै लैई बपतिस्मा दैंदा।

मत्ती 3:15

पौरौ यीशुए तैसीखै ऐजा जोवाब दिया, “ऐबै तू ऐशैखैई हौणौ दै, जिथुखै आमुखै ऐशैखैई सैजौ सौबै पूरु कौरणौ जू पौरमेशवर कारिए जौरुरी औसौ।” औरौ तोबै यूहन्नाए तैसकै बात मानै पाए।

लूका 24:32

तिनुऐ आपी मुंजी बौल़ौ, “जोबै सै बाटो पुंडा आमुआरी बातौ कौरौ थिया औरौ पवित्र शास्त्र का मतलब आमु सौमझांव थिया, तौ इथकारिए अमारै मन रिजै रौवै थिए।”

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 2:11

यानी का यहूदी, औरौ का बैगानै यहूदी जिनुवै यहूदी विचार अपनाए राए औरौ क्रेती द्वीप कै लोग औरौ अरब देश कै लोग बै औसौ। पौरौ आपणी-आपणी भाषा दै तिनु कैईंदै पौरमेशवर कै बौड़ै-बौड़ै चौमत्कार कै कामौ खै शुणदै लागै रौवै।”

प्रेरितो कै काम 2:2

औरौ एकदम गौयणै पौरैशै बौड़ै तूफानों जैशणै शणशणाहट कै आवाज़ शौणै, औरौ तिथलैई सारा घोर जिथै सैजै बौठै रौवै थिए गुंजै गौ।

प्रेरितो कै काम 2:4

औरौ सैजै सौबै पवित्र आत्मा लैई भोरै गौवै, औरौ जैशैकै आत्माए तिनुकै बौलणौ कै शौकतै दै, औरौ सै ओकी-ओकी भाषा दै बौलांदै लागै।

1 कुरिन्थियों 12:10

आत्मा ऐक आदमी खै चौमत्कार कौरणौ का वरदान दैंव; ओकी कै, पौरमेशवर कि बातौ बोताणौ का वरदान; औरौ कोसी खै आछी औरौ बुरी आत्माओं कै पौछेयाण कौरणौ का वरदान दैंव। कोसी आदमी खै सै कैई भाषाओं दै बात कौरणौ का वरदान दैंव जू तिनुऐ ना शिख रैई, औरौ ओकी खै कैई भाषाओं कै मतलब बौताणौ का वरदान दैंव जू तिनुऐ शिख ना रैई।

याकूब 3:6

जीभ बै ऐक आग कै जैशणै औसौ; औरौ ऐजा शोरीर का सैजा हिस्सा औसौ जू बैजाए दुष्ट औसौ औरौ सारै शोरीर पांदी कलंक लांव, औरौ जीवन कै नाश कौरे सौकौ। ऐजै ऐक ऐशणै आग औसौ जू नरक शै आंव।

प्रकाशितवाक्य 11:3

तैसी सौमय, “हांव आपणै दो आदमी खै भैजदा जू मैरै साची सौंदेश कै घोषणा कौरदै। सै टाट वाल़ै लुस्कै बाम्बदै औरौ सै ऐक हजार दो सौ साठ दूसौ तौड़ी मैरै सौंदेश कै घोषणा कौरदै।”

प्रकाशितवाक्य 14:6

औरौ मोऐं ऐक ओकी स्‍वर्गदूतौ कै गौयणी दा ऊंचे पांदी उड़दै बैई दैखा। तैसी स्‍वर्गदूतै तैसी सुसमाचार खै कौरे राए थिया जू कौलोंई ना बौदलौ, तैणै दुनिया दै रौणौवाल़ै लोगौ दै, सौब देशो कै, सौबी गोत्र औरौ सौबी भांत कै भाषा दै सुसमाचार कै घोषणा कौरे।