2 तीमुथियुस 4:7 - सिरमौरी नौवाँ नियम

⁷ जैशै ऐक आछा योध्दा लोड़ाए दै हार ना मानौ तैशैखैई मोऐं बै प्रभु कारिए कड़ी मैहनत कौरणै ना छुड़ी। मोऐं मसीह का दैएयौंदा काम पूरा कौरे राए, हांव प्रभु दा आखरी तौड़ी बिशवाश लायक रौए रौआ।

Sirmouri

⁷ मुँऐ आच्छ़ी कुष्ती लड़ी थऐ, मुँऐं आप्णी दौड़ पुरी करी पाऐ, मुँऐ बिश्वाष की देख-भाल़ करी थऐ।

2 तीमुथियुस 4:7 Iomraidhean Croise

लूका 11:28

तैणै बौल़ौ, “हां पौरौ धन्‍य औसौ सैजै जू पौरमेशवर का वचन शुणौ औरौ मानौए।”

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

यूहन्ना 17:6

“मोऐं तैरै बारै मुंजी तिनु चैलै कै बौताए राए, जिनु तुऐं दुनिया पौरैशै चोणैयो मुखै दैय राए। सै तैरै थिए औरौ तुऐं तिनु मुखै दैय राए औरौ तिनुऐ तैरै वचन कै मानै पाए।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

प्रेरितो कै काम 13:25

औरौ जोबै यूहन्ना आपणै सेवा पोरे कौरणौ पांदी थिया, तौ तैणै बौल़ौ, तुऐं मुखै का सौमझौ? हांव मसीह ना आथी! पौरौ दैखौ, मैरै बाद ऐक आणौवाल़ा औसौ, सै मुं दा बै जादा महान औसौ, हांव इथ लायक बै ना आथी कै तैसकै जूते कै तशमै खोले सौकु।”

प्रेरितो कै काम 20:24

पौरौ हांव आपणै प्राणो खै किछै ना सौमझु कै आपी आरी प्यार कौरु, पौरौ ऐजौ कै हांव आपणै दौड़ खै, औरौ तियौं सेवा खै पूरी कौरु, जू मोऐं पौरमेशवर कै अनुग्रह कै सुसमाचार पांदी गवाही दैणौ कारिए प्रभु यीशु कैईंदै पाए राए।

गलातियौं 2:2

औरौ हांव तिथै हौटा जिथुकै पौरमेशवरे मुखै जाणौ खै बौल़ौ, औरौ जोबै हांव तिथै थिया तौ अगुवो आरी ऐक-ऐक कौरेयौ भैटिया औरौ तिनु तैसी सुसमाचार कै बारै मुंजी बौतौऊ जू मोऐं बैगानै यहूदी लोगौ कै बीच मुंजी प्रचार कौरे राए थिया तिथै मोऐं एकान्त दै जायौ अगुवो खै सौमझाए दियै, ताकि ऐशै ना हौंव, कै जू मोऐं पाछै कौरे राए थियु तिथका किछै नतीजा निकल़ौ।

फिलिप्पियों 1:30

औरौ तुऔं तैशैखैई पौरेशानियाँ सैहन कौरणी पौड़दी, जैशै तुऐं मुखै कौरदै बैई दैखै राए, जोबै हांव तोंवारै साथै फिलिप्पी शहर दा थिया औरौ जिनु पौरेशानियो कै बारै मुंजी तुऐं शुणौए जू मौखै कोयदै दी इबी बै औसौए।

1 तीमुथियुस 1:18

ओए रै बैटा तीमुथियुस ऐजै सैजै नियम औसौ जू मोऐं ताखै दैय लौवै हांव ताखै तिनु बातौ खै याद कौरणौ कारिए बुलू जू पाछलै सौमय दै पौरमेशवर कै बातौ बौताणौवाल़ै बौल़ै रैई थी कै तैरै साथै हौंदी। ताखै सुसमाचार कै सौचाई कारिए ठीक ढंग शै लौड़णौ कारिए तिनु शब्दो का इस्तैमाल ऐक हथियार कै जैशणा कौरणा चैंई।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

1 तीमुथियुस 6:20

ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।

2 तीमुथियुस 1:14

यीशु मसीह कै बारै मुंजी सुसमाचार कै रक्षा कौरौ जू पौरमेशवरे तुऔं दैय राए थिया, पवित्र आत्मा कै मौदद लैई जू आमुदा रौंव।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।

प्रकाशितवाक्य 3:8

हांव तैरै कामौ खै जाणुए, हांव जाणुए कै तू ताकतवाल़ा ना आथी। पौरौ जू मोऐं ताखै बौल़ौ सैजी बात तुऐं मानै। तुऐं मुं पांदी बिशवाश कौरे राए। इथकारिए, मोऐं ताखै ऐक दरवाज़ा खोले राए, जिथु कुणिए बंद ना कौरे सौकौ।

प्रकाशितवाक्य 6:11

तिनुमुंजी दै हरेक खै चिटै लुस्कै दैय गौवै। औरौ पौरमेशवरे तिनुखै बौल़ौ, “इबी कारिए आराम कौरौ, जिथुकै इबी बै किछै साथी सेवक औरौ तोंवारै साथी बिशवाशी औसौ जिनु तोंवारै जैशणै ही मारै जांदै। जोबै मौरे जाणौ वाल़ौ कै गिनतै पोरे हौए जालै, तोबै ही हांव बौदला लोन्दा।”