2 तीमुथियुस 4:10 - सिरमौरी नौवाँ नियम

¹⁰ जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

Sirmouri

¹⁰ किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

2 तीमुथियुस 4:10 Iomraidhean Croise

मत्ती 12:32

जू कुणिए आदमी कै बैटै कै खिलाफ दै कुणजै बात कौरला, तैसका ऐजा अपराध माफ हौए जांदा, पौरौ जू कुणिए पवित्र आत्मा कै खिलाफ दो किछै बै बौलला, तैसका अपराध ना तौ ऐसी लोक दा औरौ ना ही परलोक दा माफ हौंदा।”

मत्ती 26:56

पौरौ ऐजौ इथकारिए हौं कै पौरमेशवर कै बातौ बौताणौवाल़ै कै वचन की बातौ पूरी हौंव।” तोबै सौबै चैलै तैसीखै छोड़ेयौ भागै गौवै।

लूका 14:33

ऐशैखैई तुऔं मुंजीदा जू कुणिए आपणा सौबै ठुँ त्‍याग दैला, सैजाई मैरा चैला बौण सौकौ।”

लूका 16:13

“कुणिए बै आदमी दौ स्‍वामियो कै सेवा ना कौर सौकौ, जिथुकै सै ऐकी आरी दुशमनी औरौ ओकी आरी प्यार कौरदा या ऐकी का आदर कौरला औरौ दूजै कै सै बैकार जाणदा: ऐशैखैई तुऐं ऐकी सौमय पांदी पौरमेशवर औरौ धन दु कै सेवा ना कौर सौकौ।”

लूका 17:32

अमारै पुराणिया लूत कै घोरवाल़ी खै याद राखौ कै तियौंकै साथै का हौं।

प्रेरितो कै काम 13:13

पौलुस औरौ तैसकै साथीए पाफुस शहर शै समुन्द्री यात्रा शुरु कौरे औरौ सै पंफूलिया प्रदेश कै पिरगा शहर दै पौंचै गौवै, औरौ यहून्ना जैसीखै मरकुस बै बौल़ौ तिनु छोड़ेयौ यरूशलेम शहर कै हौटै गौआ।

प्रेरितो कै काम 15:38

पौरौ पौलुसे यहून्ना (मरकुस) कै जू पंफूलिया प्रदेश दा तिनुदा जौई हौए गौआ थिया, औरौ कामौ पांदी तिनकै साथी ना हुटी, साथ निणा आछौ ना सौमझी।

प्रेरितो कै काम 16:6

औरौ सै फ्रूगिया प्रदेश औरौ गलातिया प्रदेशो दै हौयौ कै हौटै, जिथुकै तिनु पवित्र आत्माए एशिया प्रदेश दा वचन शुणाणौ शै मोना कौरा।

प्रेरितो कै काम 17:1

तोबै पौलुस औरौ सीलास अम्‍फिपुलिस नोगर औरौ अपुल्‍लोनिया नोगर दै औटेयौ कै थिस्सलुनीके शहर दै ओऊवे, जिथै यहूदी लोगौ का ऐक यहूदी सभा-घोर थिया।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 17:13

पौरौ जोबै थिस्सलुनीके शहर कै यहूदी लोग जाणै गौवै कै पौलुस बिरीया नोगरो दा बै पौरमेशवर का वचन शुणांवए, तौ सैजै तिथै आयौ बै लोगौ खै भड़काणे औरौ हलचल मौचांदै लागै।

प्रेरितो कै काम 18:23

तोबै किछै दूसौ तौड़ी रौयौ अन्‍ताकिया शहर पौरैशा आगु हौटा, औरौ हर तरफ शै गलातिया औरौ फ्रूगिया प्रदेश दा सौबी चैलो खै मोजबूत कौरेयौ फिरदा रौआ।

2 कुरिन्थियों 2:13

बिशवाशी भाई तीतुस कि औरौ शै तोंवारै ढौबौशा कुणजाई समाचार ना पोऊंची, जिथुकै आमै इबी तौड़ी भैटी ना रोई, इथकारिए त्रोआस शहर कै बिशवाशियौं शै बिदा हौयौ हांव तीतुस कै जूणौ कारिए मकिदुनिया शहर खै हौटै गौआ।

2 कुरिन्थियों 7:6

तोबै बै उदास लोगौ खै हौंसला दैणौवाल़ै पौरमेशवरे तीतुस कै आणौ शै आमुखै शान्तै दी।

2 कुरिन्थियों 8:16

पौरमेशवर का धन्यवाद हौं, जू फिकर मुखै तोंवारै खातिर औसौ सैजी खुशी तीतुस कै मन दै पाए राए।

2 कुरिन्थियों 8:23

जै कुणिए तीतुस कै बारै मुंजी पूछौ, तौ सै मैरा साथै औरौ तुऔं कारिए मैरा मौददगार औसौ, औरौ बिशवाश कौरणौवाल़ै भाईयों कै बारै मुंजी पूछौ, तौ सै कलीसियाओं कै भैजैयौंदे औरौ सै मसीह कै आदर दैंव।

2 कुरिन्थियों 8:6

इथकारिए आमुए तीतुस खै सौमझौऊवा, कै जैशै तैणै आगै शुरु कौरे राए थियु, तैशैखैई तोंवारै बीच मुंजी ऐजा दान कै काम खै पूरा बै कौरौ।

गलातियौं 1:2

हांव औरौ मैरै साथै इथै जिशैक बिशवाशी भाईटु औसौ, गलातिया प्रदेश कै सौबी कलीसियाओं खै बिशवाशियौं कै नमशकार बुलू।

फिलिप्पियों 2:21

सौबै आपणै ही मतलब खै खोज़ दै रौंव, सै यीशु मसीह शै जोड़ेयौंदे बातौ कै बारै मुंजी फिकर ना कौरौ।

1 तीमुथियुस 6:10

जिथुकै पौयसै का लोभ सौब भान्त कै बुराई कै बौजैह औसौ। किछै लोगै सुलै-सुलै मसीह की शिक्षाओं पांदी बिशवाश कौरणा बंद कौरे दिया जिथुकै सै धन कै बैजाए चांव थिए, औरौ सै कैई तरह शै दुखी औसौ, ऐक ऐशणै आदमी कै जैशणै जैणै आपी कै ऐकी हथियार लैई नुकसान कौरे राए।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

2 तीमुथियुस 1:15

तू जाणैए कै एशिया प्रदेश दै रौणौवाल़ै कैई बिशवाशीए मुखै छोड़े दिया, जिनुमुंजी फूगिलुस औरौ हिरमुगिनेस औसौ।

2 तीमुथियुस 4:16

आगली बैई जोबै हांव रोम शहर कै अदालत दा आपणी बेगुनाई साबित कौरणौ कै हौटा, तोबै मैरै तरफ शै बौलणौ वाल़ा कुणिए बै ना थी, औरौ सौबीए मैरा साथ छोड़े दिया। हांव प्रार्थना कौरु कै पौरमेशवर इयौं बातौ कारिए तिनु माफ कौरौ।

तीतुस 1:4

मोऐं ऐजै चिट्ठी तीतुस कै लैखै लोए। तू मैरै बैटै कै जैशणा औसौ जिथुकै तू बै मसीह दा बिशवाश कौरे जैशै हांव कौरु: हांव प्रार्थना कौरु कै पिता पौरमेशवर औरौ अमारै उध्दारकर्ता मसीह यीशु तुऔं अनुग्रह औरौ शान्तै दैंदा रौंव।

फिलेमोन 1:24

मरकुस, औरौ अरिस्‍तर्खुस औरौ देमास औरौ लूका जू मैरै साथै प्रभु का काम कौरौ, इनका ताखै नमशकार।

2 पतरस 2:15

तिनुऐ सैजौ कौरणौ बंद कौरे दियु जू सोही औसौ, औरौ तिनुऐ तैशणैई बुरै काम कौरणै शुरु कौरे दियै, जू कै बओर कै बैटै बिलामै बैजाए सौमय आगै कौरे राए थिया। तैणै गौलत काम कौरेयौ पौयसा कमाणा पसंद कौरा।