2 तीमुथियुस 4:1 - सिरमौरी नौवाँ नियम

¹ जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।

Sirmouri

¹ पंण्मिश्वर अरह् मसीया यीशू हाजीर जाँणियों, जुण्जे जीऊँदे अरह् मँरे अँदे का नियाँव कर्ले; अरह् तिनके हजो पर्गट् हंणों गाशी तिनको राज नंजीक असो, ऐजो जाणियों हाँव ताँव खे ऐजी ऐक खास अज्ञाँ देंऊँ।

2 तीमुथियुस 4:1 Iomraidhean Croise

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

लूका 19:12

यीशुए बौल़ौ, “ऐक सैठ आदमी दूर देशो कै हौटा, ताकि राजा का ठाँव लोयो पाछु आंव।

लूका 19:15

“जोबै सै राजा का ठाँव पायौ पाछु ओऊवा, तौ ऐशै हौं कै तैणै आपणै नोकरो कै जिनु पोएसै दैय राए थिए, आपणै धोरे बौईदै ताकि पौता कौरौ तिनुऐ लैण देण लैई का का कमौऊं।

लूका 23:42

तोबै तैणै बौल़ौ, “ओए रै यीशु जोबै तू ऐक राजा कै साए आपणै राज्य दा आए तौ मुखै बै याद राखैया।”

प्रेरितो कै काम 10:42

औरौ तैणै आमु आज्ञा दै कै सौबी लोगौ मुंजी प्रचार कौरेया औरौ गवाही दैया कै यीशु सैजाई औसौ जैसी पौरमेशवरे जियुंदै औरौ मौरेयौंदे का न्यायी बाणै राए।

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

कुलुस्सियों 3:4

मसीह जू तुऔं नोऐं जिन्दगी दैंव, जोबै सै इयौं धोरती पांदी औटेयौ पाछु आन्दा, तोबै तुऐं बै तैसकै साथै आन्दै औरौ तैसकै महिमा दै शामिल हौए जांदै।

2 थिस्सलुनीकियों 2:8

तोबै सैजा दुष्ट प्रगट हौंदा, पौरौ बाद मै जोबै प्रभु यीशु आला, तौ सै ऐक आदैश कै दवारा औरौ आपणै हौणौवाल़ी महिमा शै तैसी दुष्ट कै मारै दैंदा।

1 तीमुथियुस 5:21

पौरमेशवर, औरौ मसीह यीशु, औरौ चोणेयौंदे स्‍वर्गदूतौ कै उपस्‍थित जाणैयौ हांव ताखै आदैश दियु कै जू किछै बै तू कौरे, तिथमुंजी कोसी आदमी कै प्रति बिना भैदभाव कै काम कौर।

2 तीमुथियुस 1:10

पौरौ ऐबै अमारा उध्दारकर्ता यीशु मसीह आए गौआ, औरौ आमु पांदी आपणा अनुग्रह कौरा तैणै मौत की शौकतै कै हराए दै, औरौ आमु कै दिखोऊ कै सुसमाचार कै जरिए सौदा कै जिन्दगी कारिए ऐक बाट दिखाए राए।

2 तीमुथियुस 2:14

आपणै लोगौ मुंजी कोसी खै बै इनु बातौ कै बिसरणो नै दै जू मोऐं ताखै बौताए रैई। औरौ पौरमेशवर कै ऐक गवाह कै रुप दी राखैयौ, ताखै तिनु चैतावणी दैणी चैंई कै सै शोब्दो पांदी बैहसबाजी नै कौरौ। ऐशणै बैहसबाजी कोसी कै मौदद ना कौरौ बल्कि तिनु लोगौ कै बिशवाश कै नुकसान पोऊंचाव जू तिनु शुणौए।

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 पतरस 4:5

पौरौ ऐक दूसै सै निशोंक हौयौ पौरमेशवर कै सामणै न्याय कारिए खौड़ै हौंदै, औरौ पौरमेशवर तिनुमुंजी दौ सौबीआदो तिनकै दवारा धोरती पांदी कौरेयौंदे कामौ कै बारै मुंजी पूछदा। पौरमेशवर जियुंदी औरौ मौरेयौंदे लोगौ का न्याय कौरदा।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।

2 पतरस 1:17

आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”

1 यूहन्ना 2:28

ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।