2 तीमुथियुस 3:8 - सिरमौरी नौवाँ नियम

⁸ ऐजै झूठै शिक्षक साची सौंदेश का विरोध कौरौ जैशै यन्रेस औरौ यम्‍ब्रेसे मूसा कै खिलाफ हौए रौवै थिए। इनकै दिमाक भ्रष्ट औसौ सोही मायनै दै ऐजै मसीह पांदी बिशवाश ना कौरौ।

Sirmouri

⁸ जेष्णें ताँत्रिक यन्नैस अरह् यम्ब्रेस जुण्जे ऋषी-मूसा का बिरोध करह् थिऐ, तैष्णाँ ही ऐजे लोग भे संच्चाई का बिरोध करो; किन्देंखे के ऐष्णें लोगों के बुद्धी भर्ष्ट हंऐ ज़ाँव, अरह् तिनका बिश्वाष सिर्फ़ देखाँवे का हों,

2 तीमुथियुस 3:8 Iomraidhean Croise

प्रेरितो कै काम 15:24

आमुए शौणै राए कै आमु मुंजीदै कुणिए तिथै जायौ तुऔं आपणै बातौ लैई डोराए दिए; औरौ तोंवारै मन बौदलै दिए पौरौ आमुए तिनुखै ऐशै कौरणौ कै आज्ञा ना दैय रैई थी।

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

1 तीमुथियुस 1:19

औरौ ताखै यीशु मसीह पांदी बिशवाश दो बौणैयौंदो रौणौ चैंई औरौ तू सैजौई कौर जू तू जाणैए कै सै ठीक औसौ, किछै लोगै इथपांदी ध्यान ना दी, जिथका नतीजा ऐजा हौआ कै तिनुऐ मसीह पांदी बिशवाश कौरणौ कै आपणै योग्यता खै नाश कौरे दै, ठीक तैशैखैई जैशै ऐक समुन्द्री जहाज चट्टान शै टौकराएयौ नाश हौए जांव।

1 तीमुथियुस 4:2

गौलत शिक्षा दैणौवाल़ै झूठै औसौ। सै तिनु बातौ कै ना जाणै सौकौ कै तिनुऐ सोही लो कौरे कै गौलत, जैशै तिथु मांस कै किछै बै महसूस ना हौंव, जिथु ताते लोहे लैई फोकै दैंव।

1 तीमुथियुस 6:5

ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

2 तीमुथियुस 4:15

ताखै तैसी शै आपणै रक्षा कौरणी चैंई, जिथुकै तैणै मसीह कै बारै मुंजी अमारी शिक्षाओं का विरोध कौरे राए।

तीतुस 1:10

मोऐं ऐशै इथकारिए बौल़ै लो जिथुकै बौहितै यहूदी बिशवाशी औरौ बकवादी औरौ धौखा दैणौवाल़ै लोग साची शिक्षा का विरोध कौरदै। ऐजै लोग चांव कै सारै मसीही लोग यहूदियों कै नियमौ का पालन कौरौ, खास कौरेयौ खतने कै नियम का पालन कौरौ

तीतुस 1:16

ऐजै झूठै शिक्षक बौल़ौ, कै आमै पौरमेशवर खै जाणुए, पौरौ तिनकै बर्ताव साफ रुप शै दिखांव कै सै तैसीकै ना जाणौ, जिथुकै सै नफरत शै भोरेयौंदे औरौ आज्ञा ना मानणोवाल़ै औसौ, औरौ सै किछै बै आछै काम कौरणौ कै लायक ना आथी।

2 पतरस 2:14

सैजै सौबी बैटमाणिश कै साथै गौलत सौमबंध बाणणा चांव, जिनु सै दैखौए। सैजै पाप कौरणौ कै मौकै तलाशणौ शै कौलोंई ना चुकौ। सै तिनु लोगौ खै धौखा दैंव जू मन शै मसीह पांदी मोजबूती शै भोरोशा ना कौरौ, औरौ सै तिनु पाप कै ढौबौ लौए जांव। तिनकै मन जादा शै जादा चीज़ौ खै पाणौ कै इछा कै बौजैह शै पौरमेशवर तिनु सौजा दैंदा।

1 यूहन्ना 2:18

ओए रै नानड़िया, ऐजा आखरी सौमय औसौ जोबै मसीह औटेयौ पाछु आन्दा, औरौ जैशैखै तुऐं शौणै राए कै मसीह कै दुशमन आए गौवै, औरौ तैसकै हिसाब शै ऐबै बै बौहितै मसीह कै दुशमन ऊबै बिजै रौवै; इथलैई आमै जाणुए कै ऐजा आखरी सौमय औसौ।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।

प्रकाशितवाक्य 2:20

पौरौ मुखै तुऔंआरी ऐजी शिकायत औसौ, कै तुऐं तियौं बैटमाणिश इजेबेल खै झूठी शिक्षा फोयलाणो दैंव। सै बौल़ौए कै सै ऐक पौरमेशवर कै बातौ बौताणौवाल़ी औसौ, पौरौ आपणी शिक्षाओं लैई सै मैरै लोगौ खै गौलत सौमबंध कै पापौ दै शामिल हौणौ कारिए औरौ मूर्ति खै चौढ़ाए जाणौवाल़ै खाणौं खाणौ कारिए भरमांव।”

प्रकाशितवाक्य 2:6

पौरौ ऐक आछै बात औसौ जू तू कौरे। सैजी ऐजै औसौ कै तू नीकुलइयों कै दवारा शिखाए जाणौवाल़ै बुरै कामौ शै नफरत कौरे, ठीक तैशैखैई जैशै हांव नफरत कौरु।