2 तीमुथियुस 3:3 - सिरमौरी नौवाँ नियम

³ दया ना कौरणौवाल़ै, माफ नी कौरणौवाल़ै, दोष लाणोवाल़ै, औरौ जिनकी इछाएं आपणै काबू दी ना आथी औरौ ढीठ, औरौ भोलाए शै नफरत कौरणौवाल़ै हौंदै।

Sirmouri

³ बैरंय्म, माँफ़ ने कर्णो वाल़े, ओकी की बुराऐ कंर्णों वाल़े, बैसबरे, कुठोर, भलाई के बऐरी,

2 तीमुथियुस 3:3 Iomraidhean Croise

मत्ती 10:21

लोग आपणै बिशवाशी भाईयों खै मार दैणौ कारिए थोमाले। औरौ बापू बै आपणै नानड़िया आरी ऐशैखैई कौरलै, औरौ नानड़िया आपणै माँ-बापू कै खिलाफ हौए जांदै, औरौ तिनु ओकी लैई मोरवाए दैंदै।

मत्ती 4:1

तोबै तैसी सौमय पवित्र आत्मा यीशु खै उजाड़ जौगैह दा लौए गौआ कै शैतान लैई तैसकै परीक्षा हौंव।

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

लूका 16:14

जोबै फरीसी लोगै ऐजौ सौबै शुणौ, तौ सै यीशु कै ठाटै पाड़दै लागै, जिथुकै सै पोएसै आरी प्यार कौरौ थिए।

यूहन्ना 6:70

यीशुए तिनुखै जवाब दिया, “मोऐं ही तुऔं बारौ चैलै खै ना चोणे रैई। तोबै बै तुऔं मुंजीदा ऐक आदमी शैतान कै कब्जे दा औसौ।”

रोमियों 1:29

इथकारिए सैजै सौब भान्त कै अधरम, औरौ दुष्टता, औरौ लोभ, औरौ बैर-भाव लैई भोरै गौवै; औरौ डाह, औरौ हत्या, औरौ ज़लन, औरौ छल लैई भोरै गौवै, औरौ चुगलखोर,

रोमियों 1:31

नासमझ, बिशवाश तौड़णौ वाल़ै, नफरत कौरणौवाल़ै औरौ दया ना कौरणौवाल़ै हौए गौवै।

1 कुरिन्थियों 7:5

तुऐं ऐकी दूजै शै जौई ना रौया; पौरौ सिरफ किछै सौमय तौड़ी आपी मुंजी सलाह कौरेयौ प्रार्थना कौरणौ खै छूट लोणी चैंई, औरौ कुछ सौमय कै बाद तुऐं घोरवाल़ा औरौ घोरवाल़ी कै जैशै औटेयौ ऐक साथै रौया; ऐशै ना हौं कै आपणी इछाओं खै काबू दै नी राखणौ कै बौजैह शै शैतान बुरै जीवन जिणौ कारिए तोंवारै परीक्षा कौरौ।

1 कुरिन्थियों 7:9

पौरौ जै सै सब्र ना कौरे सौकौ, तौ बैयाव कौरेया, जिथुकै बैयाव कौरणा आपणी इछाओं पांदी औरौ चाहतौ खै राखणौ शै आछौ औसौ।

1 थिस्सलुनीकियों 4:8

इथकारिए जू इनु नियमौ खै ना मानौ, सै आदमी कै नी, पौरौ पौरमेशवर कै नियमौ खै ना मानौ, जैणै आपणा पवित्र आत्मा तुऔं खै दैय राए।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

तीतुस 1:8

पौरौ पौऊंणै का आदर कौरणौवाल़ा, भोलाए का चाणो वाल़ा, सौब्री, धरमी, पवित्र औरौ भावनाओं पांदी काबू राखणौ वाल़ा; हौणा चैंई।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

याकूब 2:6

पौरौ तुऐं तैसी गरीब कै बैज्जती कौरे राए। तुऐं जाणौए कै ऐजै सैठ लोग ही औसौ जू तुऔं पांदी अत्याचार कौरौ। सैजैई औसौ जू तुऔं कै जबरदस्तै अदालत दा लौए जांव।

2 पतरस 2:14

सैजै सौबी बैटमाणिश कै साथै गौलत सौमबंध बाणणा चांव, जिनु सै दैखौए। सैजै पाप कौरणौ कै मौकै तलाशणौ शै कौलोंई ना चुकौ। सै तिनु लोगौ खै धौखा दैंव जू मन शै मसीह पांदी मोजबूती शै भोरोशा ना कौरौ, औरौ सै तिनु पाप कै ढौबौ लौए जांव। तिनकै मन जादा शै जादा चीज़ौ खै पाणौ कै इछा कै बौजैह शै पौरमेशवर तिनु सौजा दैंदा।

2 पतरस 2:19

झूठै शिक्षक लोगौ खै बौतांवे कै जू किछै बै सै कौरणौ चांव तिथु कौरणौ कारिए आज़ाद औसौ, जिथुकै तिनका कुणजाई मालिक ना आथी। पौरौ सौचाई ऐजै औसौ कै सै आपी बै आपणै बुरै आदत कै गुलाम औसौ। जिथुकै जू कुणिए बै कोसी पाकी चीज़ौ का आदी हौंव, सै जू किछै कौरौए तिथी लैई गुलाम बाणै जांव।

2 पतरस 3:3

सौबी दै खास बात, तुऔं पौता हौणा चैंई कै मसीह पाछु आणौ दै आगै आखरी दूसौ दै ऐशणै लोग हौन्दै जू तोंवारा मजाक उड़ांदै जिथुकै तुऐं बिशवाश कौरौ कै मसीह औटेयौ पाछु आन्‍दा। सै आदत शै मजबूर हौयौ बुरै काम कौरदै जू तिनु खुश कौरौ।

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।

यहूदा 1:18

सै तुऔं बौलेया कौरौ थिए, “अमारै प्रभु यीशु मसीह कै आणौ दै आगै, ऐशणै लोग हौंदै जू प्रभु औरौ तैसकै लोगौ का मजाक कौरदै। ऐजैई सैजै लोग औसौ जिनकै जीवन बुरी इछाओं कै काबू दै औसौ।”

प्रकाशितवाक्य 13:15

औकै राकस खै आगलै राकस कै मूर्ति बाणैयौ तैसी जियुंदी कौरणौ का औधिकार दैय गौआ, ताकि राकस कै मूर्ति बौल बै सौकौ औरौ तिनु लोगौ खै मारै दैंव जू तैसी राकस कै मूर्ति कै पूजा ना कौरौ।

प्रकाशितवाक्य 13:17

सिरफ सैजै ही जिनुपांदी ऐजी छाप थै किछै खरीदै या बैकै सौकौ थिए। सैजी छाप आगलै राकस कौ नांव थियु या तैसकै नांव खै दिखाणौ वाल़ा ऐक नम्बर थिया।

प्रकाशितवाक्य 16:6

जिथुकै तिनुऐ तैरै लोगौ औरौ पौरमेशवर कै बातौ बौताणौवाल़ै खै मारै दियै औरौ तिनका लोऊ बौऊवा, इथकारिए ऐबै तू तिनु लोऊ पिणौ कारिए दैं। ऐजौ तिनु कारिए सोही भुगतान औसौ।”

प्रकाशितवाक्य 17:6

औरौ मोऐं दैखौ कै सैजी बैटमाणिश पौरमेशवर कै लोगौ कै लोऊ शै नोशे दै थै, यानी तिनु लोगौ कै जिनु लोगौ कै मारै दियै थिए जिथुकै सैजै यीशु कै प्रति बिशवाश लायक थिए हांव बैजाए हैरान हौआ।