2 तीमुथियुस 2:8 - सिरमौरी नौवाँ नियम

⁸ लगातार यीशु मसीह कै बारै मुंजी सुंचदै रौव। सै राजा दाऊद कै पीढ़ी शै औसौ, औरौ पौरमेशवरे तैसी मौरेयौंदे मुंजीदा जियुंदी कौरा; औरौ ऐजा सैजाई सुसमाचार औसौ जू हांव लोगौ कै शिखोऊं।

Sirmouri

⁸ प्रभू यीशू मसीया चींत्ते थुऐ, जू दाऊद के वंष दे पय्दा हुऐ, अरह् मँरे अँदे मुँझ्शे ऊबे जीऐ; अरह् ऐजो मेरी खुषख्बरी के मुँताबिक असो।

2 तीमुथियुस 2:8 Iomraidhean Croise

मत्ती 1:1

ऐजी यीशु मसीह कै बुड़ेईको कै नांव कै सूची औसौ। सै राजा दाऊद कै पीढ़ी का थिया, जू अब्राहम का वंश का थिया।

लूका 24:46

औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा,

प्रेरितो कै काम 13:23

तैसकै वंश मुंजीदा पौरमेशवरे आपणै वादै कै हिसाब शै इस्राएल देश कै धोरे ऐक उध्दार कौरणौवाल़ा, यानी यीशु कै भैजा।

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 2:30

सै पौरमेशवर कै बातौ बौताणौवाल़ा थिया, सै जाणौ थिया कै पौरमेशवरे शौं खायौ तैसीआरी वादा कौरा कै, “हांव तैरै वंश पौरैशा ऐक आदमी कै तैरै सिंहासन पांदी बौठाल़दा।”

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

1 कुरिन्थियों 15:1

ओए रै बिशवाशी भाईयों, हांव तुऔं सैजाई सुसमाचार याद दियोऊं, जू आगै शुणाए राए, जू तुऐं अपनाए राए थिया, औरौ जिथमुंजी तुऐं भोरोशा कौरणा जारी राखा।

1 कुरिन्थियों 15:4

सै धोरती दा दफनाए गौआ; पवित्र शास्त्र कै हिसाब शै तिजै दूसै सै मौरेयौंदे मुंजीदा जियुंदी हौआ।

2 थिस्सलुनीकियों 2:14

जैसी सुसमाचार का आमुए तुऔं प्रचार कौरे राए तिथकै दवारा पौरमेशवरे तुऔं बौचाणौ कारिए बौएदै राए ताकि तुऐं अमारै प्रभु यीशु मसीह कै महिमा दै शामिल हौए सौकौ।

1 तीमुथियुस 1:11

ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

1 तीमुथियुस 2:7

इयौं बौजैह शै, पौरमेशवरे मुखै सुसमाचार का प्रचारक औरौ ऐक चोणेयौंदा चैला हौणौ कारिए चोणे राए। तैणै मुखै बैगानै जाति कै लोगौ कै बिशवाश का साचा सौंदेश शिखाणौ कारिए चोणे राए। मोऐं झूठु ना बौल़ै लैई; पौरौ मोऐं साचौ लो बौल़ै।

2 तीमुथियुस 1:8

इथकारिए ओकी लोगौ कै अमारै प्रभु यीशु मसीह कै बारै मुंजी बौताणौ कारिए आमु शर्माणो नी चैंई औरौ ना ताखै इयौं बातौ शै शर्माणो चैंई कै हांव मसीह की सेवा कौरणौ कै बौजैह शै कोयदी दा औसौ बल्कि ताखै तियौं अनौखी शौकतै का इस्तैमाल कौरणा चैंई जू पौरमेशवर ताखै दैंव औरौ सुसमाचार कारिए मैरै दुखो दा मैरा साथ दै।

2 तीमुथियुस 2:7

सुंच कै ऐजै उदारण का शिखांव, औरौ प्रभु तुऔं कै इनु सौबी बातौ कै सौमझणौ दै मौदद कौरदा।

प्रकाशितवाक्य 5:5

इथपांदी तिनु पुराणिया मुंजीदौ ऐकीए मुंकैई बौल़ौ, “रौया नी; दैख, सैजा जू यहूदा कै गोत्र का शेर बुला जांव। राजा दाऊद कै महान पीढ़ी का मूल विजैई हौए रोआ, कै सैजाई इनु साती मुहरो खै तौड़ौ। सैजाई इनु किताबो खै खौलणौ दा शौकतीशाली औसौ।”