2 तीमुथियुस 2:3 - सिरमौरी नौवाँ नियम

³ मसीह यीशु कै ऐक आछै सैनिक कै जैशणै मैरै साथै दुखो कै सैहन कौर।

Sirmouri

³ मसीया यीशू के आछे ज़ूद्धै के जेष्णाँ मेरी गईलो दु:ख्ह भोग।

2 तीमुथियुस 2:3 Iomraidhean Croise

प्रेरितो कै काम 23:31

तियौंई राती सैनिके दैयौंदै आदैशो कै पूरै कौरे: सै पौलुसो खै यरूशलेम शहर शै लोए गौवै औरौ तैसी अन्तिपत्रिस शहर दा लियोऊवा।

1 कुरिन्थियों 13:7

सै सौबै ठुँ सैय पांव, प्यार आमु हर हालत दै बिशवाश राखणौ कारिए काबिल बाणौ, प्यार आमु पौरमेशवर दै आपणै आशा बाणैयौंदे राखणौ दै मौदद कौरौ, ऐजौ पौरैशानी औरौ पीड़ो कै सौमय सब्र राखणा शिखांव।

1 कुरिन्थियों 9:7

ऐक सैनिक खै कौलोंई बै आपणा खर्चा खुद ना दैणा पौड़ौ। ऐक आदमै जू अंगूरो का बगीचा लांव, सै तिथकै किछै फोल़ खाणौ कै उमीद कौरौ। औरौ ऐक भेड़वाल़ा आपणी भेड़ो कैईंदु दूध पिणौ कै उमीद कौरौ।

2 कुरिन्थियों 1:6

जै आमै कौल़ेश पोऊँ, तौ ऐजौ तोंवारै शान्तै औरौ मोक्ति कारिए औसौ, औरौ जै आमु शान्तै पोऊँ, तौ ऐजौ तोंवारै शान्तै कारिए औसौ, जिथकी बौजैह शै तुऐं धीरज कै साथै तिनु कौल़ेशौ खै सैय पांव जिनुखै आमु बै सौऊवै।

1 तीमुथियुस 1:18

ओए रै बैटा तीमुथियुस ऐजै सैजै नियम औसौ जू मोऐं ताखै दैय लौवै हांव ताखै तिनु बातौ खै याद कौरणौ कारिए बुलू जू पाछलै सौमय दै पौरमेशवर कै बातौ बौताणौवाल़ै बौल़ै रैई थी कै तैरै साथै हौंदी। ताखै सुसमाचार कै सौचाई कारिए ठीक ढंग शै लौड़णौ कारिए तिनु शब्दो का इस्तैमाल ऐक हथियार कै जैशणा कौरणा चैंई।

2 तीमुथियुस 1:1

मोऐं पौलुसे ऐजै चिट्ठी लिखै लोए। पौरमेशवरे मुखै इथकारिए चोणे राए की हांव मसीह यीशु का चोणेयौंदा चैला बौणु ताकि हांव लोगौ खै बौताए सौकु कै तैणै मसीह यीशु दै बिशवाश कौरणौवाल़ौ खै ऐजै सौदा कै जिन्दगी दैणौ का वादा कौरे राए।

2 तीमुथियुस 1:8

इथकारिए ओकी लोगौ कै अमारै प्रभु यीशु मसीह कै बारै मुंजी बौताणौ कारिए आमु शर्माणो नी चैंई औरौ ना ताखै इयौं बातौ शै शर्माणो चैंई कै हांव मसीह की सेवा कौरणौ कै बौजैह शै कोयदी दा औसौ बल्कि ताखै तियौं अनौखी शौकतै का इस्तैमाल कौरणा चैंई जू पौरमेशवर ताखै दैंव औरौ सुसमाचार कारिए मैरै दुखो दा मैरा साथ दै।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

2 तीमुथियुस 2:9

मोऐं कोयदखाने दा ऐक अपराधी कै जैशणा दुख सौयन कौरे लौआ जिथुकै हांव सुसमाचार का प्रचार कौरु। पौरौ कुणिए बै लोग पौरमेशवर कै वचन कै प्रचार कौरणौ शै रौकै ना सौकौ।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

फिलेमोन 1:2

मोऐं ऐजै चिट्ठी अमारै बिशवाशी बोईण अफफिया, औरौ बिशवाशी भाई अरखिप्पुस कै, जू ऐक योध्दा कै जैशणा पौरमेशवर कै सेवा कौरौ औरौ जू कलीसिया तोंवारै घोरे कौठै हौंव तिनु कारिए लैखै लोए।

इब्रानियों 10:32

तिनु पाछलै दूसौ कै बारै मुंजी सुंचौ जोबै तुऐं आगलै बैई मसीह कै बारै मुंजी जाणै राए थियु। याद कौरौ कै तुऐं कैशै बिशवाश लायक बौणैयौंदे रौवै चाए इथकारिए तुऔं बैजाए दुख सैहणा पौड़ौ।

इब्रानियों 11:27

बिशवाश लैई राजा कै गुस्से दा ना डौरेयौ तैणै मिस्र देश खै छोड़ दियु, जिथुकै सै सौमझै गौआ थिया कै ऐजौ मानणौ तैशणौ थियु जैशै तैणै पौरमेशवर खै दैखै राए थिया, जू दैखियौं ना।

इब्रानियों 6:15

अब्राहमै सब्र राखैयौ लाम्बै सौमय तौड़ी इंतजार कौरा। तोबै तैसी सैजौ भैटौ जिथका वादा पौरमेशवरे कौरे राए थिया।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।