2 तीमुथियुस 2:19 - सिरमौरी नौवाँ नियम

¹⁹ पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

Sirmouri

¹⁹ तबे भे पंण्मिश्वर कि पाक्की पह्-नींव अट्ल़ असो, जिन्दें गाशी ऐजी मुँहर-छ़ाप लागीं रंऐ; के “प्रभू तिनू जाँणों ऐं, जुण्जें प्रभू के असो,” अरह् जुण्जा कुँऐं प्रभू का नाँम लों, से अपराध के शा बंचा अंदा रंह्।

2 तीमुथियुस 2:19 Iomraidhean Croise

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

मत्ती 7:23

तोबै हांव तिनुखै निशोंक हौयौ बौल़ै दैंदा, ‘मोऐं तुऔं खै ना जाणी, ओए रै कुकर्म कौरणौवाल़ै, मैरै धोरे दै आगु जाव।’”

मत्ती 7:25

औरौ बोरखा लागै, औरौ खाल़ै-नाल़ै आए, औरौ ढौंड बौऊं, औरौ तिथु घोरो दै फशाटे लागै, पौरौ सै ढौल़ी ना, जिथुकै तिथकी नीयुं चट्टान पांदी पाए राए थी।

मरकुस 12:16

तिनुऐ चांदी का सिका यीशु कै धोरे लियोऊवा, औरौ यीशुए तिनुखै बौल़ौ, “इथपांदी छाप औरौ नांव कोसको औसौ?” तिनुऐ बौल़ौ, “रोम देश कै महाराजा (कैसर) कै छाप औरौ नांव औसौ।”

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

लूका 13:27

पौरौ सै बौलदा, हांव तुऔं खै बुलू, ‘हांव ना जाणु कै तुऐं कुकै दै आए रौवै। ओए रै कुकर्म कौरणौवाल़ै, तुऐं सौबै मैरै सामणै दै दूर हौए जाव।’

लूका 6:48

सै तैसी आदमी कै साए औसौ, जैणै घोर बाणदै बैई जमीन डुंगै खुणियों कै चट्टान पांदी नीयुं पाए, औरौ जोबै बाढ़ आए तौ फालो तैसी घोरो पांदी लागी पौरौ तिथु हिंजाल़ी ना सोकी, जिथुकै सै पाको बाणैयौंदो थियु।

यूहन्ना 10:14

आछा चौराईया हांव औसौ, जैशैखै पिता पौरमेशवर मुखै जाणौ औरौ ऐशैखैई हांव पिता पौरमेशवर कै जाणुए, तैशैकैई, हांव आपणी भेड़ो कै जाणु औरौ मैरी आपणी भेड़े मुखै जाणौए। औरौ हांव आपणी भेड़ो कारिए मौरणौ कारिए बै तैयार औसौ।

यूहन्ना 13:18

हांव तोंवारै बारै मुंजी किछै ना बुलू: जिनु मोऐं चोणे राए, तिनु हांव जाणुए। पौरौ ऐजौ इथकारिए हौंव ताकि पवित्र शास्त्र दो जू लैखै राए सैजौ पूरु हौंव, ‘जियौं थाली दो खाणौ खोऊ तियौं थाली कै बीनै।’

यूहन्ना 3:33

पौरौ जैणै तैसकै गवाही ग्रहण कौरे पाए, तैणै इयौं बातौ पांदी छाप लाए दै कै पौरमेशवर साचा औसौ।

प्रेरितो कै काम 11:26

औरौ जोबै तिनुआरी भैटिया तौ तैसी अन्‍ताकिया शहर दा लोऊवा, औरौ ऐशैखै हौं कै शाऊल औरौ बरनबास ऐकी सालो तौड़ी कलीसिया कै साथी भैटिंदा औरौ बौहितै लोगौ खै प्रभु यीशु कै बारै मुंजी बौतांदा रौआ, औरौ चैलै सौबी दै आगै अन्‍ताकिया शहर दै ही मसीह जाणै गौवै।

प्रेरितो कै काम 15:17

इथकारिए कै औकै सौबै लोग यानी सौबै बैगानै यहूदी लोगौ समैंत जिनु मोऐं आपणै लोग हौणौ कारिए बोईदै,

प्रेरितो कै काम 9:14

औरौ इथै बै ऐसीकै मुख्य यहूदी पुरोहितो कै ढौबौशा औधिकार भैटी रौआ कै जू लोग तांव पांदी बिशवाश कौरौ, तिनु सौबी खै बांनैयौ यरूशलेम शहर दै लोए जांव।”

रोमियों 11:2

पौरमेशवरे आपणै लोगौ खै ना छुड़ी; जिनु तैणै आगै दै ही चोणे राए: तुऐं जाणौए कै पवित्र शास्त्र पौरमेशवर कै बातौ बौताणौवाल़ै एलिय्याह कै कहाणी दु का बौल़ौ; कै सै इस्राएल देश कै लोगौ कै खिलाफ पौरमेशवर शै शिकायत कौरौ?

रोमियों 12:9

औरौ ओकीआरी प्यार कौरणौ का दिखावा ना कौरौ; बुराई शै नफरत कौरौ; औरौ जू आछौ औसौ सैजौ हमैशा कौरदै रौव।

रोमियों 15:20

पौरौ मैरै मन कै चाहत ऐजी औसौ, सुसमाचार का प्रचार तिनु प्रदेशो दा हौंव, जिथै यीशु मसीह कै बारै मुंजी इबी तौड़ी ना शुणाए रैई, हांव तैसी घोर बाणणौवाल़ै मिस्‍त्री कै जैशणा औसौ, जू कोसी ओकी कै नीयुं पांदी ना चिणो।

रोमियों 15:9

औरौ बैगानै यहूदी लोग बै पौरमेशवर कै दया कै बौजैह शै पौरमेशवर कै स्तुति कौरौ, जैशैखै पवित्र शास्त्र बौल़ौ, “इथकारिए हांव बैगानै यहूदी लोगौ मुंजी तैरै स्तुति कौरदा, औरौ तैरै नांव का भजन गांदा।”

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

रोमियों 9:11

तिनकै पौयदा हौणौ शै आगैई तिनुऐ ना तौ आछौ औरौ ना बुरु कौरे रैई थी पौरौ पौरमेशवरे रिबका कै आगैई बौल़ै राए थियु कै तैरा बौड़ा बैटा नानड़ै कै सेवा कौरदा। प्रभुए ऐजौ दिखाणौ कारिए बौल़ौ कै सै आपणी पसंद खुद बाणौ औरौ ऐजौ कोसी बै काम की बौजैह शै ना थी जू तिनुऐ कौरौ।

1 कुरिन्थियों 1:2

मोऐं ऐजै चिट्ठी कुरिन्‍थुस शहर दै प्रभु कै कलीसिया कै लैखै लौए, जिनुखै पौरमेशवर आपणै लोगौ कै रुपो दै यीशु मसीह कै साथै एकजुट कौरे राए, तैणै तुऔं आपणै पवित्र लोग हौणौ कारिए बौएदै राए; जैशै तैणै तिनु सौबी लोगौ कै चोणे राए जू अमारै प्रभु यीशु मसीह कै सेवा कौरौ जिथुकै सै आमु सौबिका प्रभु औसौ।

1 कुरिन्थियों 8:3

पौरौ जै कुणिए पौरमेशवर शै प्यार राखौ, तौ पौरमेशवर तैसी आदमी खै जाणौए।

2 कुरिन्थियों 7:1

ओए रै प्यारो, जोबै पौरमेशवरे आमुआरी नानड़िया जैशणा अपनाणौ का वादा कौरे राए, तौ आव, आमै आपणै शोरीरो औरौ आत्मा कै सौबै गंदगी कै बुरी चीज़ौ कै कौरणी बंद कौरौ, औरौ पौरमेशवर कै डौर मानैयौ औरौ आदर कौरेयौ आमु पूरी तरह शै शुध्द जीवन जिणौ कारिए मैहनत कौरौ।

गलातियौं 4:9

पौरौ ऐबै तौ तुऐं पौरमेशवर कै जाणौए, यानी पौरमेशवर तुऔं खै जाणौए, तौ तोबै तुऐं कमजोर औरौ निकमी आदि शिक्षाओं कै दास बौणणौ कारिए किथु पाछु जांदै लागै रौवै, का तुऔं औटेयौ तिनका ही दास बौणणौ कै लालसा औसौ?

इफिसियों 2:20

ऐक साथै आमै तैसकै घोरो कै जैशणै औसौ, जू कै चोणेयौंदे चैलै औरौ पौरमेशवर कै बातौ बौताणौवाल़ै की नीयुं पांदी बौणैयौंदो औसौ, जिथकै कुणै का पाथर मसीह यीशु आपी औसौ।

इफिसियों 3:15

सै सैजाई औसौ जू बिशवाशियौं कै पूरै परिवार का पिता औसौ जू स्वर्ग दा औसौ औरौ जू धोरती पांदी औसौ।

इफिसियों 4:30

पौरमेशवर कै पवित्र आत्मा खै आपणै जीवन जिणौ कै तरीकै शै दुखी ना कौरौ। पवित्र आत्मा ऐक छाप कै जैशणी औसौ, जू ऐजौ दिखांव कै तुऐं पौरमेशवर कै औसौ।

1 तीमुथियुस 3:15

कै जै मैरै आणौ दै देर हौलै, तौ तू जाणै पाया कै, पौरमेशवर कै परिवार कै सदस्यों कै रुप दै जू कै जियुंदै पौरमेशवर कै कलीसिया औसौ, आमु आपणा जीवन कैशणा जिणा चैंई। ऐजै बिशवाशी तैशैखैई साची शिक्षाओं का साथ दैंदै औरौ तिनु बाणैयौ राखलै जैशै नियुं औरौ खोम्बा घोरो कै सहारा दैयौ कै तिथु मजबूत कौरौ।

1 तीमुथियुस 6:19

जै अमीर लोग ऐशै कौरौ, तौ तिनुऐ स्वर्ग दा आपी कारिए सौदा का धन जमा कौरे लौआ। जू कौलोंई हाँईची ना सौकौ औरौ तिनुकै सौदा कै जिन्दगी भैटदी।

इब्रानियों 11:10

जिथुकै तैणै तैसी ऐशणै शहर दै रौणौ का जू सौदा बौणेयौंदा रौंदा, तिथका इंतजार कौरे लौआ थिया, जिथका रोचणौवाल़ा औरौ बाणणौवाल़ा पौरमेशवर औसौ।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

1 यूहन्ना 2:19

सैजै लोग जू मसीह कै दुशमन औसौ अमारा साथ छोड़ेयौ हौटै गौवै जिथुकै सै अमारै आपणै ना थी, जै सै अमारै आपणै हौंदै, तौ सै अमारै साथै ही रौंदै पौरौ सै हौटै गौवै, जिथलैई ऐजा पौता लागै गौआ कै तिनुमुंजी दै कुणिए बै अमारै आपणै ना आथी।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 21:14

तिनुऐ शहर कै दीवार बारौ बौड़ै-बौड़ै पाथरो पांदी बाणै राए थी, औरौ हरेक पाथर पांदी मेम्ने कै बारौ चोणेयौंदे चैलै मुंजीदै ऐक-ऐक कौ नांव लैखयौंदा थियु।

प्रकाशितवाक्य 22:4

सै पौरमेशवर कै आमणै-सामणै दैखदै, औरौ पौरमेशवर कौ नांव तिनकै माथै पांदी लैखयौंदो हौन्दौ।

प्रकाशितवाक्य 3:8

हांव तैरै कामौ खै जाणुए, हांव जाणुए कै तू ताकतवाल़ा ना आथी। पौरौ जू मोऐं ताखै बौल़ौ सैजी बात तुऐं मानै। तुऐं मुं पांदी बिशवाश कौरे राए। इथकारिए, मोऐं ताखै ऐक दरवाज़ा खोले राए, जिथु कुणिए बंद ना कौरे सौकौ।