2 तीमुथियुस 2:16 - सिरमौरी नौवाँ नियम

¹⁶ पौरौ दुनिया कै औरौ बैकार बातौ शै बौचेयौंदे रौव, जिथुकै जू लोग ऐशणी बातौ दै हिस्सा लोंव, सै हौजौ बै जादा पौरमेशवर शै दूर हौए जांव।

Sirmouri

¹⁶ परह् गाँदे-बुरे बक्बास शा दुरका बंचियों रूऐ; किन्देंखे के ऐशे दाँई लोग बैभगत्ति दे बढ़्दे ज़ाँव,

2 तीमुथियुस 2:16 Iomraidhean Croise

1 कुरिन्थियों 15:33

जू लोग ऐशणी बातौ कौरौ तिनकै दवारा मूर्ख ना बौणौ बुरी संगति आछै चरित्र खै बिगाड़ै दैंव।

1 कुरिन्थियों 5:6

तोंवारा घमण्डी हौणा आछा ना आथी; का तुऐं ना जाणौ, कै दैणिक खमीर पूरै बाटैयौंदो आटै मुंजी फोयलै जांव, तैशैखैई, जै ऐकी आदमी कै पाप कौरदै रौणौ कारिए छोड़े दीं, तौ तावल़ो ही सौबी लोगौ मुंजी सैजौ पाप फोयलैयौ सौब लोग सैजौई पाप कौरदै लागदै।

1 तीमुथियुस 1:9

आमै जाणुए कै मूसा कै कानून धरमी लोगौ कारिए नी पौरौ तिनु कारिए औसौ जू पौरमेशवर कै कानून कै अणदैखा कौरौ औरौ ना आज्ञा का पालन कौरौ। औरौ सैजै औकै लोग बै जू पौरमेशवर कै आराधना ना कौरौ बल्कि लगातार पाप कौरौ। औरौ सैजै बै जू भोक्‍ती ना कौरौ औरौ पौरमेशवर का आदर ना कौरौ औरौ अपवित्र औरौ अशुध्द जीवन जियौं, औरौ माँ-बापू औरौ ओकी कै हथयारै,

1 तीमुथियुस 4:7

पौरौ तिनु झूठी कहाणी औरौ जू बातौ पौरमेशवर कै आदर ना दैंव तिनुदै दूर रौया। औरौ तुऔं पौरमेशवर कै आदर दैणा वाल़ा जीवन जिणौ कारिए आपी कै लगातार शिखांदै रौणौ चैंई।

1 तीमुथियुस 6:20

ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।

2 तीमुथियुस 2:14

आपणै लोगौ मुंजी कोसी खै बै इनु बातौ कै बिसरणो नै दै जू मोऐं ताखै बौताए रैई। औरौ पौरमेशवर कै ऐक गवाह कै रुप दी राखैयौ, ताखै तिनु चैतावणी दैणी चैंई कै सै शोब्दो पांदी बैहसबाजी नै कौरौ। ऐशणै बैहसबाजी कोसी कै मौदद ना कौरौ बल्कि तिनु लोगौ कै बिशवाश कै नुकसान पोऊंचाव जू तिनु शुणौए।

2 तीमुथियुस 2:21

इथकारिए, जू बिशवाशी आपी कै तिनु सौबी बुरै कामौ शै जौई कौरदा, औरौ जैसका जीवन पवित्र हौला सै ऐक कीमती बासणौ कै जैशणा हौंदा जू खास मोके पांदी इस्तैमाल हौं, औरौ इथकारिए तैसका मालिक तैसका इस्तैमाल कौरे सौकदा औरौ सै सौबै भान्त कै आछै काम कौरे सौकौ।

2 तीमुथियुस 3:13

पौरौ बुरै औरौ धोकैबाज लोग, जादा बुरै काम कौरदै। सै लोगौ कै धौखा दैलै औरौ आपी बै लोगौ शै धौखा खालै।

तीतुस 1:11

इनु लोगौ की शिक्षा का विरोध कौरणा चैंई: जिथुकै सै गौलत शिक्षाओं कै शिखायौ पूरै परिवार का नाश कौरे दैंव। इथकारिए सै ऐशै कौरेयौ धन कमाणा चांव।

तीतुस 1:14

यहूदी लोगौ कै झूठी कहाणियो औरौ तिनु झूठै आदमियों की आज्ञाओं पांदी मन नै लाव, जू सौचाई शै भौटकाए दैंव।

तीतुस 3:9

पौरौ मूर्खता खै बैहस-बाजी, औरौ पुराणिया कै पीढ़ी की लाम्बी चौड़ी सूची औरौ विरोध कौरणौवाल़ै औरौ झोगड़े शै दूर रौव जू मूसा कै कानून कै बारै मुंजी औसौ। जिथुकै ऐजी बातौ कोसी की मौदद ना कौरौ औरौ ना तिनका किछै बै फायदा आथी।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

2 पतरस 2:2

पौरमेशवर कै बौहितै लोग इनु शिक्षको कै बुरै कामौ कै नकल कौरदै, औरौ जू किछै बै सै कौरौए तिथकै बौजैह शै लोग सौचाई कै बाटौ कै बारै मुंजी बुरी-बुरी बातौ कौरदै।

प्रकाशितवाक्य 13:14

बैजाए सारै लोग औकै राकस कै तिनु अनौखै कामौ शै चकित हौयौ धौखा खाया जू सै आगलै राकस कै शौकतै शै दिखांव थिया। दूजै राकसै लोगौ खै बौल़ौ कै सै तैसी आगलै राकस कै पूजा कौरणौ कारिए मूर्ति बाणौ, जू हथियार शै घायल हौए गौआ थिया, पौरौ औटेयौ ठीक हौए गौआ थिया।

प्रकाशितवाक्य 13:3

तैसी राकस कै मुंडौ पांदी ऐकी घाव का निशान थिया जू तैसकै मौत कै बौजैह बौणै सौकौ थै। पौरौ घाव ठीक हौए गौआ थिया। इथकारिए धोरती कै सौबै लोग हैरान हौए गौवै औरौ राकस कै चैलै बौणै गौवै।