2 तीमुथियुस 2:15 - सिरमौरी नौवाँ नियम

¹⁵ तू जैतरै कड़ी मैहनत कौरे सौकै तेतरे कौर ताकि पौरमेशवर ताखै ऐक ऐशणै सेवक कै रुप दा पूरी तरह शै अपनाए सौकौ जू आपणै काम की बौजैह शै शर्मिंदा नी हौंव औरौ जू साची सौंदेश कै सोही रीति शै शिखांव।

Sirmouri

¹⁵ संच्चाई के बचन ठीक-ढ़ंग शे बखाँण करियों, पंण्मिश्वर के ऐशे धारण कर्णो ज़ूगै सेवक बंण्णों के कोशिष करह्; के तिनकी सहाँम्णें शोर्मिन्दो ने हंणों पड़ो।

2 तीमुथियुस 2:15 Iomraidhean Croise

मत्ती 13:52

यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

मरकुस 4:33

सै तिनु ऐशणै किसम कै बौहितै उदारण दैय देएबा तिनकी सौमझ कै जैशणै वचन शुणांव थिया।

लूका 12:42

प्रभु यीशुए बौल़ौ, “भोरोशे लायक औरौ ईमानदार भण्‍डारी सैजा औसौ, जैसका मालिक तैसीकै ओकी नोकरो कै दैखभाल कौरणौ औरौ तिनुकै खियाणौ कै जुमैवारै दैंव।

प्रेरितो कै काम 2:22

“ओए रै इस्राएल देश कै लोगौ ऐजी बात शुणौ, नासरत गांव का यीशु ऐक ऐशणा आदमी थिया, जैसीखै पौरमेशवरे तोंवारै सामणै साबित कौरे राए थिया, कै तैणै तिनु चौमत्कार कै कामौ औरौ अनौखै काम औरौ निशानो कै दवारा जू पौरमेशवरे तैसकै दवारा तोंवारै बीच मुंजी कौरेयौ दिखाए। जोबै कै ऐजै सौचाई तुऐं आपी बै जाणौए।

प्रेरितो कै काम 20:27

जिथुकै मोऐं तुऔं कै सैजौ सौबै ठुँ बौताए राए जू पौरमेशवर चांव कै तुऐं जाणौ औरौ मोऐं तुंवादौ किछै ना छुपैई।

रोमियों 14:18

जू कुणिए इयौं बौजैह शै मसीह कै सेवा कौरौ, तैसदा पौरमेशवर खुश हौंव औरौ लोग बै तैसकै बारै मुंजी आछौ बौल़ौ।

रोमियों 16:10

अपिल्लेस पौरखै जाणौ कै बाद बै जैसका बिशवाश मसीह दा जारी रौआ, नमशकार। अरिस्‍तुबुलुस कै परिवार कै नमशकार।

रोमियों 6:13

औरौ ना शोरीर कै अंगो कै बुरै मकसदो कारिए सौंपौ पौरौ आपी कै मौरेयौंदे मुंजीदै जियुंदी हौयौ जाणैबा, आपणै जीवन पौरमेशवर कै सौंपौ, औरौ आपणै शोरीर कै अंगो कै सोही काम कौरणौ कारिए पौरमेशवर कै सौंपौ।

1 कुरिन्थियों 2:6

तोबै बै जोबै हांव आत्मिक रुप शै मोजबूत बिशवाशियौं कै बीच मुंजी रोऊं, तोबै हांव ज्ञान कै शब्दो कै साथै बुलू। पौरौ ऐजा ज्ञान संसारिक औरौ इयौं दुनिया कै हाकिमो का ना आथी; जिनका नाश हौणौवाल़ा औसौ।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

2 कुरिन्थियों 5:9

इयौं बौजैह शै अमारै मन कै इछा ऐजै औसौ, कै चाहै आमै तैसकै साथै स्वर्ग दै रोऊं चाहै आमै इयौं धोरती पांदी रोऊं, पौरौ आमु प्रभु खै खुशी कौरदै रोऊं।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

1 थिस्सलुनीकियों 2:4

पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

2 पतरस 1:15

इथकारिए मोऐं इनु बातौ खै तुऔं ऐजौ बौताणौ कै कड़ी मैहनत कौरे लौए, ताकि मैरै मौत कै बाद तुऐं हर सौमय इनु बातौ कै याद राखै सौकौ।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।