2 तीमुथियुस 1:9 - सिरमौरी नौवाँ नियम

⁹ जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

Sirmouri

⁹ जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

2 तीमुथियुस 1:9 Iomraidhean Croise

मत्ती 1:21

सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”

लूका 10:21

तैसी सौमय यीशु पवित्र आत्मा दा हौयौ खुशी शै भोरै गौआ, औरौ बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी, हौर बै, ओए रै पिता पौरमेशवर जिथुखै ताखै ऐजौ आछौ लागौ।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 17:9

हांव तिनु कारिए बिन्ती ना कौरु, जू दुनिया शै सौमबंध राखौ, पौरौ तिनु कारिए बिन्ती कौरु, जिनु तुऐं मुखै दैय राए, जिथुकै सै तैरै औसौ।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

प्रेरितो कै काम 15:18

ऐजा सैजाई प्रभु बौल़ौ जू दुनिया कै बाणणौ शै आगै इनु बातौ का समाचार दैंदा आए रौआ।

प्रेरितो कै काम 2:47

औरौ पौरमेशवर कै बौड़ाए कौरदै रौंव थिए, औरौ सौबै लोग तिनुदै खुशी थिए। औरौ जू उध्दार पांव थिए, तिनुखै प्रभु हर दूसै तिनकै बिशवाशी गुट मुंजी मिलाए दैंव थिया।

रोमियों 11:14

ताकि कोसी रीति शै हांव आपणै लोगौ मुंजी ज़लन पौयदा कौरे सौकु तिनुमुंजी दै कैईंयौं कै मोक्ति कौरौऊं।

रोमियों 11:29

जिथुकै पौरमेशवर आपणै अनुग्रह शै, औरौ बुलाहट शै कौलोंई बै आपणा मन ना बौदलौ।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

रोमियों 9:11

तिनकै पौयदा हौणौ शै आगैई तिनुऐ ना तौ आछौ औरौ ना बुरु कौरे रैई थी पौरौ पौरमेशवरे रिबका कै आगैई बौल़ै राए थियु कै तैरा बौड़ा बैटा नानड़ै कै सेवा कौरदा। प्रभुए ऐजौ दिखाणौ कारिए बौल़ौ कै सै आपणी पसंद खुद बाणौ औरौ ऐजौ कोसी बै काम की बौजैह शै ना थी जू तिनुऐ कौरौ।

रोमियों 9:24

चाहै यहूदी लोग हौंव या बैगानै यहूदी लोग हौंव, आमु सैजै चोणेयौंदे लोग औसौ जिनु पौरमेशवरे चोणे राए।

1 कुरिन्थियों 1:18

जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 2:5

जोबै आमै पापौ की बौजैह शै मौरेयौंदे कै जैशणै थिए, तौ तैणै आमु सौदा कै जिन्दगी दैय राए औरौ तैणै मसीह कै मौरेयौंदे मुंजीदा जियुंदी कौरा; औरौ पौरमेशवर कै अनुग्रह लैई अमारा उध्दार हौए रौआ,

इफिसियों 3:11

पौरमेशवरे दुनिया बाणणौ दै आगै इथकै योजना बाणै, जियौं तैणै अमारै प्रभु मसीह यीशु कै दवारा पोरे कौरे।

फिलिप्पियों 3:14

हांव बौड़ी खुशी शै आपणै मकसद कै ढौबौ दौडु़, ताकि हांव स्वर्ग दा सैजा इनाम पाए सौकु जिथकारिए पौरमेशवरे आमु यीशु मसीह दै बौएदै राए।

1 थिस्सलुनीकियों 4:7

जिथुकै पौरमेशवरे आमुखै अशुध्द जीवन जिणौ कारिए नी, पौरौ पवित्र जीवन जिणौ कारिए बौएदै राए।

1 तीमुथियुस 1:1

मोऐं पौलुसे ऐजी चिट्ठी लैखै लोए। हांव अमारै उध्दारकर्ता पौरमेशवर औरौ अमारै प्रभु यीशु मसीह, जैसीदै आमै आशा राखु, तैसकै औधिकार शै यीशु मसीह का ऐक चोणेयौंदा चैला औसौ।

2 तीमुथियुस 1:1

मोऐं पौलुसे ऐजै चिट्ठी लिखै लोए। पौरमेशवरे मुखै इथकारिए चोणे राए की हांव मसीह यीशु का चोणेयौंदा चैला बौणु ताकि हांव लोगौ खै बौताए सौकु कै तैणै मसीह यीशु दै बिशवाश कौरणौवाल़ौ खै ऐजै सौदा कै जिन्दगी दैणौ का वादा कौरे राए।

तीतुस 1:2

इथका नतीजा ऐजा औसौ, कै लोग पौरमेशवर कै साथै हमैशा रौणौ कै आशा कौरौ, जिथुकै पौरमेशवर कौलोंई झूठु ना बौल़ौ, तैणै दुनिया कै बाणणौ दा आगै वादा कौरे राए थिया कै तैसकै लोग सौदा कारिए जियुंदी रौंदै।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

प्रकाशितवाक्य 13:8

धोरती पांदी रौणौवाल़ै सौबै लोग तैसकै पूजा कौरदै लागै। सिरफ तिनु लोगै तैसकै पूजा ना कौरी जिनकै नांव दुनिया कै बाणै जाणै शै आगै ही जीवन कै किताब दै लिखै राए थै। ऐजी जीवन कै किताब तैसी मेम्ने कै किताब औसौ जैसी बलिदान कै रुप दै मारै गौआ थिया।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।