2 तीमुथियुस 1:13 - सिरमौरी नौवाँ नियम

¹³ मैरै दवारा शोणेयौंदी साची शिक्षा खै आदर्श बाणैयो पालन कौर। बिशवाश औरौ प्यार कै साथै ऐशै कौर जिथुकै तू मसीह यीशु कै साथै एकजुट औसौ।

Sirmouri

¹³ जुण्जी आच्छ़ी बातो तुँऐं मुँह कैई शी शुँणी थई, तिनू तेसी बिश्वाष अरह् प्यार आरी, जू मसीया यीशू दा असो; तिनू आप्णीं ताँईऐ ऐक नंमुँने के तोर दे च़ींत्ते थुऐ।

2 तीमुथियुस 1:13 Iomraidhean Croise

रोमियों 2:20

नासमझ कै शिखाणौ वाल़ै औसौ, औरौ नानड़िया कै उपदैशक औसौ। जिथुकै तुऔं कैई मूसा कै कानून औसौ तुऐं सौमझौ कै तुऐं सौबै ठुँ पूरु-पूरु जाणौए औरौ जू किछै तुऐं बौल़ौए सै एकदम साचौ औसौ।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

फिलिप्पियों 4:9

जू बातौ तुऐं मुंवादी शैखै रैई, औरौ पाए रैई औरौ शौणै रैई, औरौ मुं दी दैखै रैई, तिनका पालन कौरेया कौरौ, तोबै शान्तै का पौरमेशवर तोंवारै लोगौ कै साथै रौन्दा।

कुलुस्सियों 1:4

जिथुकै आमुए शौणै राए कै तुऐं लोग मसीह यीशु पांदी बिशवाश कौरौए, औरौ सौबी पवित्र लोगौ आरी प्यार राखौ।

1 थिस्सलुनीकियों 5:21

पौरौ हरेक सौंदेश कै जांच पड़ताल कौरौ कै सै पौरमेशवर कै ढौबौशौ औसौए कै आथी ना, जू आछै सौंदेश खै स्वीकार कौरौ औरौ तिनका पालन कौरौ।

1 तीमुथियुस 1:10

गौलत सौमबंध राखणौवाल़ै, मर्द का मर्द कै साथै औरौ बैटमाणिश का बैटमाणिश कै साथै, औरौ आदमी कै गुलामी दै बिकणौवाल़ै औरौ झूठु बौलणौ वाल़ै, औरौ झूठी शौं खाणौवाल़ै, औरौ सैजै लोग जू सैजौ सौब ठुँ कौरौ, जिथु कौरणौ कारिए आमु कै सोही शिक्षा मौना कौरौ।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।

1 तीमुथियुस 6:3

जै कुणिए झूठी शिक्षा दैंव औरौ अमारै प्रभु यीशु मसीह कै सोही सौंदेश औरौ पौरमेशवर कै भोक्‍ती कै शिक्षा शै राजी ना हौंव, औरौ तैसी आदैश कै साथै जू पौरमेशवर कै आदर दैंव।

2 तीमुथियुस 1:1

मोऐं पौलुसे ऐजै चिट्ठी लिखै लोए। पौरमेशवरे मुखै इथकारिए चोणे राए की हांव मसीह यीशु का चोणेयौंदा चैला बौणु ताकि हांव लोगौ खै बौताए सौकु कै तैणै मसीह यीशु दै बिशवाश कौरणौवाल़ौ खै ऐजै सौदा कै जिन्दगी दैणौ का वादा कौरे राए।

2 तीमुथियुस 1:14

यीशु मसीह कै बारै मुंजी सुसमाचार कै रक्षा कौरौ जू पौरमेशवरे तुऔं दैय राए थिया, पवित्र आत्मा कै मौदद लैई जू आमुदा रौंव।

2 तीमुथियुस 2:2

तुऐं मुखै बौहितै लोगौ कै सामणै मसीह कै बारै मुंजी सौंदेश कै शिखांदै बैई शौणै राए। इथकारिए, हांव चोऊं कै तू बै ओकी बिशवाशियौं कै ऐजा ही सौंदेश शिखा जू बिशवाश लायक लोग औसौ, औरौ जू ओकी खै बै ऐजौई शिखाणौ कै लायक हौंदै।

2 तीमुथियुस 3:14

ओए रै तीमुथियुस, तिनु बातौ कै जू तुऐं मुंकैई दी शिखै रैई औरौ जिथपांदी तुऐं बिशवाश कौरे राए। तिनु तू लगातार बिशवाश कै साथै मानदा रौव। आखिरकार, तू जाणै कै ताखै ऐजै सौचाई कुणै शिखाए राए।

2 तीमुथियुस 4:3

जिथुकै ऐशणा सौमय आन्दा, जोबै लोग खरा उपदैश ना शौणै पांदै पौरौ लोग आपणी ही अभिलाषाओं पाछी चालदै औरौ सै ऐशणै बौहितै शिक्षक कै जौले जू तिनकै अभिलाषाओं कै हिसाब शै प्रचार कौरलै।

तीतुस 1:9

तैसी यीशु मसीह कै बारै मुंजी साची सौंदेश पांदी पाका बिशवाश हौणा चैंई जू सौंदेश आमुए तैसी शिखाए राए थिया ताकि सै ओकी लोगौ कै सोही शिक्षा मानणौ कारिए हौंसला दैय सौकौ औरौ साथ कै साथ लोगौ कै सामणै विरोधियों कै पौल खोले सौकौ।

तीतुस 2:1

पौरौ तीतुस ताखै ऐजौ जौरुरी औसौ कै ताखै बिशवाशियौं कै सिरफ सैजौई शिखाणौ चैंई जू यीशु मसीह कै बारै मुंजी साची शिक्षाओं कै हिसाब शै औसौ।

तीतुस 2:8

औरौ सैजौ शिखा जू साचौ औसौ औरौ जिथकै लोग काट ना कौर सौकौ, ताकि तैरै दुशमन शरमाए जांव जिथुकै किछै बै ऐशणौ बुरु ना हौंदौ जू सै अमारै खिलाफ बौल़ै सौकौ।

इब्रानियों 10:23

ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

यहूदा 1:3

ओए रै मैरै साथी बिशवाशियौं, भलैई हांव तुऔं पौरमेशवर कै मोक्ति कै बारै मुंजी बैजाए लिखणु चोऊं थिया, जिथमुंजी आमै सौबै शामिल औसौ, हांव जरुरत महसूस कौरु कै हांव तुऔं कै हिम्मत दैणौ कारिए लिखु कै जैसी सौचाई पांदी आमै बिशवाश कौरु। पौरमेशवरे आपणै पवित्र लोगौ खै ऐजै सौचाई ऐक बैई हमैशा कारिए दैय राए जू कौलोंई ना बौदलौ।

प्रकाशितवाक्य 3:11

हांव तावल़ा ही आणौवाल़ा औसौ; इथकारिए आपणै बिशवाश दा मोजबूत बौणेयौंदा रौ ताकि कुणिए बै तैरा इनाम छीणै ना सौकौ।

प्रकाशितवाक्य 3:3

तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।