2 थिस्सलुनीकियों 2:12 - सिरमौरी नौवाँ नियम

¹² औरौ पौरमेशवर तिनु सौबी लोगौ का न्यांव कौरदा, जू यीशु मसीह कै बारै मुंजी साची सौंदेश पांदी बिशवाश ना कौरौ, औरौ दुष्ट तरीकै शै प्यार कौरौ।

Sirmouri

¹² जै-तोड़े लोग सच्चाई का बिश्वाष ने कर्दे, परह् से अनियाँई शे खुशी हों, से बादे सजा पाँदे।

2 थिस्सलुनीकियों 2:12 Iomraidhean Croise

मरकुस 14:11

सैजै ऐजौ शौणैबा खुशी होवे, औरौ तैसीखै पोएसै दैणौ खै राजी होवे, औरौ सै धौखै शै यीशु कै थोम्बाणो कै ताको दा थिया।

मरकुस 16:16

जू मुं पांदी बिशवाश कौरलै औरौ ऐक निशान कै तौर पांदी बपतिस्मा लोले। तिनु पौरमेशवर तिनकै पापौ कै सौजा शै बौचाल़ा, पौरौ जू कुणिए मुं पांदी बिशवाश नी कौरला, तिनुखै तिनकै पापौ कै सौजा दैला।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

रोमियों 1:32

सै तौ पौरमेशवर कै ऐजै नियमौ कै जाणौए कै ऐशणै-ऐशणै काम कौरणौवाल़ै मौत कै सौजा कै लायक औसौ, तौ बै ना सिरफ आपी ही ऐशणै काम कौरौ पौरौ ऐशणै काम कौरणौवाल़ै शै खुशी बै हौंव।

रोमियों 12:9

औरौ ओकीआरी प्यार कौरणौ का दिखावा ना कौरौ; बुराई शै नफरत कौरौ; औरौ जू आछौ औसौ सैजौ हमैशा कौरदै रौव।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

1 कुरिन्थियों 13:6

जोबै लोग गौलत कामौ खै कौरौ तौ सै खुशी ना हौंव, पौरौ जोबै लोग सोही औरौ साची काम कौरौ तौ सै खुशी हौंव।

1 थिस्सलुनीकियों 5:9

जिथुकै पौरमेशवरे आमु इथकारिए ना चोणे रैई कै आपणै गुस्से शै आमुखै सौजा दैंव पौरौ आमु प्रभु यीशु मसीह कै दवारा मोक्ति पाणौ कारिए ठोहराए राए।

2 थिस्सलुनीकियों 2:10

औरौ सै हर तरह कै बुरै काम औरौ तिनु लोगौ खै धौखा दैंदा जू पौरमेशवर कै दवारा नाश हौंदै जिथुकै सै तैसी सौचाई पांदी बिशवाश कौरणौ शै इन्कार कौरौ जू तिनु बौचाए सौकौ।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।