2 थिस्सलुनीकियों 2:10 - सिरमौरी नौवाँ नियम

¹⁰ औरौ सै हर तरह कै बुरै काम औरौ तिनु लोगौ खै धौखा दैंदा जू पौरमेशवर कै दवारा नाश हौंदै जिथुकै सै तैसी सौचाई पांदी बिशवाश कौरणौ शै इन्कार कौरौ जू तिनु बौचाए सौकौ।

Sirmouri

¹⁰ अरह् नाँष हंणों वाल़े खे अधर्म के साँत-भाँते, छल़-कप्ट आरी हंदा; किन्देंखे के तिन्ऐ संच्चाई शो प्यार ने करी, जिन्दें लंई तिन खे छुट्कारा भेंट्दा।

2 थिस्सलुनीकियों 2:10 Iomraidhean Croise

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

यूहन्ना 3:17

जिथुकै पौरमेशवरे दुनिया कै लोगौ खै सौजा दैणौ कारिए आपणै बैटै कै दुनिया दा ना छाड़ी, पौरौ इथकारिए कै दुनिया कै लोग तैसकै दवारा मोक्ति पांव।

यूहन्ना 5:34

पौरौ हांव आपणै बारै मुंजी आदमी खै गवाही ना चोऊं, हौजौ बै मोऐं तुऔं तियौं गवाही कै बारै मुंजी बौताए राए जू यूहन्नाए दैय राए थै ताकि तुऐं उध्दार पाए सौकौ।

रोमियों 10:1

ओए रै बिशवाशी भाईयों, मैरै मन कै इछा औरौ पौरमेशवर शै मैरै प्रार्थना औसौ कै इस्राएल कै लोगौ खै पौरमेशवर बौचांव।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

रोमियों 6:17

तुऐं पाप कै गुलाम थिए, पौरौ ऐबै तुऐं तिनु शिक्षाओं का पालन कौरे राए, जू तुऔं भैटी रोई। इयौं बौजैह शै हांव पौरमेशवर का धन्यवाद कौरु, कै तुऐं जू पाप कै गुलाम थिए ऐबै मन शै तैसी उपदैश कै मानणोवाल़ै हौए गौवै, जू शिक्षा तुऔं दैय राए थी,

1 कुरिन्थियों 1:18

जोबै लोग ऐजा सौंदेश शुणौए कै मसीह क्रूसो पांदी मौरे गौआ, तौ तिनुमुंजी दै किछै सुंचौए कै ऐजा सौंदेश बकवास औसौ। ऐशैखै सुंचणौ वाल़ै लोग सैजै औसौ जू नरक कै ढौबौ जांदै लागै रौवै। पौरौ अमारै खातिर जू तैसी सौंदेश पांदी बिशवाश कौरौ, अमारा बौचाया जाणा पौरमेशवर कै अनौखी शौकतै का सबूत औसौ।

1 कुरिन्थियों 16:22

ओए रै अमारै प्रभु, आए जा!

2 कुरिन्थियों 11:13

जिथुकै ऐशणै लोग झूठै चोणेयौंदे चैलै, औरौ छल लैई काम कौरणौवाल़ै, औरौ सै मसीह कै चोणेयौंदे चैलै हौणौ का दावा कौरौ।

2 कुरिन्थियों 11:15

इथकारिए जै तैसकै सेवक बै धार्मिकता कै सेवको जैशणा रुप का दिखावा कौरौ, तौ कुणजै बौड़ै बात ना आथी, पौरौ तिनका अन्त तिनकै कामौ कै हिसाब शै हौंदा।

2 कुरिन्थियों 2:15

जिथुकै आमै पौरमेशवर कारिए मसीह दवारा जोल़ाए गौए धूप कै जैशणै औसौ। अमारै दवारा प्रचार कौरेयौंदा सौंदेश सौबी लोगौ दै फौएलीयौंदे खुशबू कै जैशणा औसौ, जू उध्दार पाणौ वाल़ै औरौ जू नाश हौणौवाल़ै लोगौ कै बीच बिखरोए।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

1 थिस्सलुनीकियों 2:16

औरौ ऐशै कौरेयौ तिनिए आमु बैगानै यहूदी लोगौ खै ऐजौ बौताणौ शै रौकणौ कै कौचिश कौरे लोए थै, कै पौरमेशवर तिनु कैशै बौचाए सौकदा।

2 थिस्सलुनीकियों 2:12

औरौ पौरमेशवर तिनु सौबी लोगौ का न्यांव कौरदा, जू यीशु मसीह कै बारै मुंजी साची सौंदेश पांदी बिशवाश ना कौरौ, औरौ दुष्ट तरीकै शै प्यार कौरौ।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

1 तीमुथियुस 2:4

सै चांव कै सौबै बौचै जांव औरौ सच कै ज्ञान खै जाणौ।

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।