2 थिस्सलुनीकियों 1:5 - सिरमौरी नौवाँ नियम

⁵ औरौ पौरमेशवर ऐसी सताव का इस्तैमाल आपणै न्याय खै दिखाणौ कारिए औरौ तुऔं आपणै राज्य कै लायक बाणणौ कारिए कौरदा, जैसी कारिए तुऐं दुख बै उठाए राए।

Sirmouri

⁵ ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

2 थिस्सलुनीकियों 1:5 Iomraidhean Croise

लूका 20:35

पौरौ जू लोग ऐसी लायक हौंदै, कै सै ऐसी जमाने दै औरौ मौरेयौंदे मुंजीदै जियुंदी हौए जालै, तौ तिनुमुंजी बैयाव ना हौंदै।

लूका 21:36

इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

प्रेरितो कै काम 13:46

तोबै पौलुस औरौ बरनबासे निडर हौयौ बौल़ौ, “जौरुरी थियु, कै पौरमेशवर का वचन औगौड़ियौ तुऔं शुणाया जांदा; पौरौ जोबै तुऐं तैसी नकारै दिया, औरौ आपी खै सौदा कै जिन्दगी कै लायक ना ठोहरांव, तौ ऐबै, आमु बैगानै यहूदी कै धोरे जांदै।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

रोमियों 2:5

पौरौ जिथुकै तुऐं जिद्दी औसौ औरौ पश्‍चाताप कौरणौ शै मना कौरौ, इथकारिए पौरमेशवर तुऔं कड़ी सौजा दैन्दा। जिथुकै सैजौ दूस आन्दौ लागै रौ, जौल़ौ पौरमेशवर आपणा गुस्सा दिखाला औरौ आपणा साचा न्याय प्रगट कौरला।

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

फिलिप्पियों 1:28

औरौ कियौंई बै बातौ दै दुशमन दै ना डौरौ। तोंवारै हिम्मत तिनु कारिए नाश का साफ निशान औसौ, पौरौ तुऔं कारिए उध्दार का, औरौ ऐजौ पौरमेशवर कै ढौबौशौ औसौ।

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

1 थिस्सलुनीकियों 2:14

इथकारिए, ओए रै बिशवाशी भाईयों, तुऐं तैशैखैई सताव झैला जैशै पौरमेशवर कै कलीसियाएं झैला जू यहूदिया प्रदेश दी मसीह यीशु दी औसौ जिथुकै तुऐं बै आपणै लोगौ शै तैशणाई दुख पौऊवा, जैशै तिनुऐ यहूदियों कैईंदा पाए राए थिया।

2 थिस्सलुनीकियों 1:11

आमै लगातार तुऔं कारिए प्रार्थना बै कौरु, ताकि पौरमेशवर तुऔं तैसी जीवन कै लायक बाणै दैंव जिथु जिणौ कारिए तैणै तुऔं बौएदै राए। औरौ पौरमेशवर तुऔं खै सौबै भोलाए कै काम कौरणौ कै इछा औरौ बिशवाश शै सौबी कामौ खै आपणै अनौखी शौकतै शै पूरु कौरौ।

2 तीमुथियुस 2:12

जै आमु मसीह कारिए दुख सैहन कौरु, तौ आमै तैसकै साथै राज्य बै कौरदै; पौरौ जै आमै बुलू कै आमै मसीह कै ना जाणु तौ सै बै बौलदा कै आमै तैसकै ना आथी।

प्रकाशितवाक्य 15:4

“ओए रै प्रभु, सौबी लोगौ कै दवारा तैरा आदर कौरा जांव, औरौ सै सौबै जोणे तैरै नांव कै इज्जत कौरौ, जिथुकै सिरफ तू ही पवित्र पौरमेशवर औसौ। हरेक राज्य कै सौबै लोग तैरै धोरे आंव, औरौ सै तैरी आराधना कौरौ, जिथुकै तैरै धरम कै काम सौबै जोणे आछी तरह शै जाणौ।”

प्रकाशितवाक्य 16:7

मोऐं औटेयौ कोसी खै बैदी पौरैशा बौलदै बैई शुणा, “ओए रै सौबिदा बौड़ा शौकतीशाली प्रभु पौरमेशवर, हौर ऐजौ साचौ औसौ जैशैखै तू लोगौ खै सौजा दैय सैजौ ठीक औरौ साचौ औसौ।”

प्रकाशितवाक्य 19:2

तैसकै स्तुति कौरौ जिथुकै तैसकै सौबै फोयसलै सोही औरौ साची औसौ। तैणै मशहूर वेश्या का न्याय कौरा जिथुकै तियैं दुनिया कै लोगौ कै पाप कौरणौ कारिए ऊकसाए। पौरमेशवरे वेश्या का न्याय कौरा जिथुकै पौरमेशवर कै सेवक वेश्या कै दवारा मारै गौवै थिए।”

प्रकाशितवाक्य 3:4

पौरौ सरदीस शहर दै तोंवारै बीच किछै ही लोग औसौ, जू पाप शै अशुध्द ना हौए रैई, सै शुध्द चिटै लुस्कै बाम्बैयौ मैरै साथै चालदै, जिथुकै सै इथ लायक औसौ।