2 थिस्सलुनीकियों 1:3 - सिरमौरी नौवाँ नियम

³ ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

Sirmouri

³ हे भाऐ-बंईणों, तुवाँरे बारे दा आँमों हर बख्ते पंण्मिश्वर का धन्यबाद करणा पड़ो, अरह् ऐजो ठीक असो, ईन्देंखे के तुवाँरा बिश्वाष बैजाऐ बढ़दा ज़ाँव, अरह् तुँओं सोभी को प्यार आपु मुझी बैजाऐ बढ़दो लागो।

2 थिस्सलुनीकियों 1:3 Iomraidhean Croise

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

लूका 17:5

तोबै चोणेयौंदे चैलै प्रभु यीशु कै बौल़ौ, “अमारै बिशवाश कै हौजौ मजबूत कौर।”

यूहन्ना 15:2

सौबै शाई जू मुंदी जूड़ेयोंदी औसौ, औरौ ना फोल़ो, तौ तिनु सै काटै दैंव, औरौ जू शाई फोल़ोए, तिनु सै हौजौ छांटौ ताकि सै हौजौ बै जादा फोल़ो।

रोमियों 1:8

आगै हांव तुऔं सौबी कै यीशु मसीह दवारा आपणै पौरमेशवर का धन्यवाद कौरु, जिथुकै यीशु मसीह पांदी तोंवारै बिशवाश कै चौर्चा बौहितै ठाँव दै हौए रौए।

1 कुरिन्थियों 1:4

हांव तोंवारै बारै मुंजी आपणै पौरमेशवर का धन्यवाद सौदा कौरदा रोऊं, इथकारिए कै पौरमेशवरे मसीह यीशु कै साथै एकजुट हौयौ खै आमुखै बैजाए आछी आशीषै दैय रैई।

2 कुरिन्थियों 10:15

औरौ आमै हद शै बायरै ओकी कै मैहनत पांदी घमण्‍ड ना कौरु; पौरौ आमुखै आशा औसौ कै जियुं-जियुं तोंवारा बिशवाश बौढ़दा जाला तियुं-तियुं आमै आपणी हद कै हिसाब शै तोंवारै बौजैह शै हौजौ बै जादा तोंवारै बीच काम कौरणौ दै मोजबूत हौंदै।

इफिसियों 5:20

औरौ जू किछै अमारै प्रभु यीशु मसीहे कौरे राए तिथकै बौजैह शै सौदा अमारै पौरमेशवर पिता कै सौबै बातौ कारिए धन्यवाद कौरदै रौव।

फिलिप्पियों 1:7

तुऔं सौबी कै बारै मुंजी ऐशणा विचार कौरणा मुं कारिए ठीक औसौ, जिथुकै हांव तुऔंआरी बैजाए प्यार कौरु। जौबेकै हांव इबी ज़ेलो दा औसौ तोबै बै हांव सुसमाचार का बौचाव कौरु औरौ ऐजौ साबित कौरु कै सुसमाचार साचा औसौ। इनु सौबी बातौ मुंजी तुऐं सौबै मैरै साथै पौरमेशवर कै अनुग्रह दै शामिल औसौ।

फिलिप्पियों 1:9

हांव ऐजै प्रार्थना कौरु कै तुऐं ऐकी दुजैआरी हौजौ जादा प्यार कौरदै रौ, औरौ सौचाई कै ज्ञान औरौ सौबी भान्त कै विचारो कै साथै लगातार बौढ़दै जाव।

1 थिस्सलुनीकियों 3:12

आमै ऐजै प्रार्थना कौरु कै प्रभु ऐशै कौरौ कै, जैशैखै आमै तुऔंआरी प्यार कौरु, तैशैखैई तुऐं बै ऐकी दुजैआरी प्यार कौरौ, औरौ सौबी लोगौ कै साथै तोंवारा प्यार हौजौ बै बौढ़ौ, औरौ हमैशा बौढ़दा जांव।

1 थिस्सलुनीकियों 3:6

पौरौ इबी तीमुथियुसे जू तोंवारै धोरे पौरैशा अमारै इथै आयौ, तोंवारै बिशवाश औरौ प्यार का सुसमाचार शुणौऊवा। इयौं बातौ खै बै शुणाए, कै तुऐं सौदा प्यार कै साथै आमुखै याद कौरौ, औरौ आमुखै दैखणौ कै लालसा बै राखौए, जैशैखै आमै बै तुऔं दैखणौ कै राखुए।

1 थिस्सलुनीकियों 3:9

औरौ जैशणै खुशी आमु तोंवारै बौजैह शै आपणै पौरमेशवर कै सामणै औसौ, तिथकै बौदलै आमु तोंवारै बारै मुंजी दिल शै पौरमेशवर का धन्यवाद कौरु।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

2 थिस्सलुनीकियों 2:1

ओए रै बिशवाशी भाईयों, अमारै आपणै प्रभु यीशु मसीह कै पाछु आणौ कै बारै मुंजी औरौ तैसी सौमय कै बारै मुंजी किछै बौताणौए, जोबै आमै प्रभु आरी ऐकी साथै भैटिंदै।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

2 पतरस 1:13

अमारै प्रभु यीशु मसीहे मुखै स्पष्ट हौयौ बौताए दियु कै हांव तावल़ा ही मौरे जांदा। इथकारिए मैरै जाणियौए कै मैरै खातिर ऐजौ सोही औसौ जोबै कै हांव इबी जियुंदी औसौ तौ हांव तुऔं इनु चीज़ौ कै याद दियांदा रोऊं।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।