2 पतरस 3:11 - सिरमौरी नौवाँ नियम

¹¹ ऐजौ तय औसौ कै पौरमेशवर सौबी चीज़ौ कै ऐशैकै नाश कौरे दैन्दा, तौ तुऐं पाकौ जाणौए कै तुऔं कैशैकै बर्ताव कौरणा चैंई। तोंवारा बर्ताव साचा हौणा चैंई औरौ जू किछै बै तुऐं कौरौए तिथलैई पौरमेशवर कै खुश कौरौ।

Sirmouri

¹¹ जबे के बादी चींजो ऐशी दाँई पीगल़्णों वाल़ी तअ तुऐ पबित्र चाल-चलण, अरह् भग्त्ति दे कैशे आदमी हुऐ चैई,

2 पतरस 3:11 Iomraidhean Croise

मत्ती 8:27

औरौ लोग हैरान हौयौ बौलदै लागै कै, “ऐजा कैशणा आदमी औसौ? कै हवा औरौ फालो बै काबू दी कौरे सौकौ!”

रोमियों 13:11

तुऔं कै ऐकी दुजैआरी प्यार कौरदै रौणौ चैंई जिथुकै सैजा सौमय नेड़िक औसौ जोबै पौरमेशवर आमु इयौं बुरै दुनिया शै बौचांदा। जोबै आमु आगली बैई मसीह पांदी बिशवाश कौरु थिए, तैसी दूसौ कै हिसाब शै ऐबै मसीह आमु बौचाणौ कारिए औटेयौ पाछु आणौ कु दूस नेड़िक औसौ।

रोमियों 13:12

इयौं बुरै दुनिया दा रौणौ का अमारा सौमय ऐकी राती कै खत्म हौए जाणौ कै जैशणा लमसम खत्म हौए गौआ, औरौ सैजा सौमय बै नेड़िक औसौ जोबै मसीह पाछु आन्दा। आमु तिनु बुरी चीज़ौ कै बंद कौरे दैणै चैंई जू लोग इनारै दै कौरौ। आमु तिनु हथियारों कै इस्तैमाल कौरणै चैंई जू इनारै दै इस्तैमाल कौरे जांव।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

फिलिप्पियों 3:20

पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

1 तीमुथियुस 6:3

जै कुणिए झूठी शिक्षा दैंव औरौ अमारै प्रभु यीशु मसीह कै सोही सौंदेश औरौ पौरमेशवर कै भोक्‍ती कै शिक्षा शै राजी ना हौंव, औरौ तैसी आदैश कै साथै जू पौरमेशवर कै आदर दैंव।

1 तीमुथियुस 6:6

पौरौ आमु कारिए ऐजौ आछौ औसौ, कै आमै सैजौ कौरु जिथलैई पौरमेशवर कै खुशी भैटौ औरौ तिथमुंजी संतुष्ट रोऊं जू सै आमु दैंव।

इब्रानियों 13:5

आपणै जीवन कै धन कै लालच शै आज़ाद राखौ। औरौ जू तुऔं कैई औसौ, तिथमुंजी खुशी रौंव; जिथुकै पौरमेशवरे आपी बौल़ै राए, “हांव ताखै कौलोंई बै ना छोड़दा, औरौ ना कौलोंई बै ताखै त्यागदा।”

याकूब 1:24

सै आपी कै शीशै दा दैखैयो आगु जांव, औरौ तौलोंई बैसरै जांव कै सै कैशणा थिया।

याकूब 3:13

तुऔं मुंजी ज्ञानी औरौ सौमझदार कुण औसौ? जै तुऐं औसौ तौ तुऔं ऐक आछा जीवन जिणौ कै दवारा औरौ तियौं नम्रता कै साथै जू तोंवारै ज्ञान शै आंव आछै काम कौरेयौ दिखाणै चैंई।

1 पतरस 1:15

पौरौ ऐबै तुऔं हर काम मुंजी जू तुऐं कौरौए पवित्र हौणौ चैंई, जैशैकै पौरमेशवर पवित्र औसौ जैणै तुऔं आपणै संतान हौणौ कारिए चोणे राए।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

2 पतरस 1:3

पौरमेशवरे आपणै अनौखी शौकतै लैई आमु सैजौ सौब दैय राए जू आमु ऐशणा जीवन जिणौ कारिए चैंई। ऐजौ आसान औसौ जिथुकै आमै पौरमेशवर खै जाणुए औरौ सै सैजाई औसौ जैणै आमु आपणै महिमा औरौ सिध्द अच्छाई लैई आपणै लोग हौणौ कारिए चोणे राए।

2 पतरस 1:6

औरौ तुऔं ना सिरफ ऐजौ जाणणौ चैंई कै सौमझदारी शै कैशै बर्ताव कौरणा, पौरौ तुऔं आपी खै बै तिनु बुरै कामौ खै ना कौरौ जू तुऐं कौरणा चांव औरौ तुऔं ना सिरफ आपी खै काबू दै राखणै चैंई, पौरौ तुऔं मुसीबत दै बै सब्र राखणा चैंई औरौ तुऔं ना सिरफ सब्र राखणा चैंई, पौरौ तुऔं ऐशणै तरीकै शै बै जीणु चैंई जू पौरमेशवर खै खुश कौरौ।

2 पतरस 3:10

पौरौ मसीह पाका पाछु आन्‍दा। सै एकदम ही पाछु आए जांदा, जैशैकै कुणिए चोर एकदम ही आए जांव। तैसी सौमय गौयणै दा गुड़कौ का शाद हौंदा, औरौ गौयण छिपै जांदै। गौयणै दौ सौबै ठुँ, यानी सुरज, चांद औरौ तारै पूरी तरह शै जौल़ै जांदै। तैसी दूसै पौरमेशवर तिनु सौबी कामौ खै प्रगट कौरे दैन्दा जू लोगै कौरे राए ताकि तिनका न्याय कौरे सौकौ।

2 पतरस 3:12

जैशैकै तुऐं तैसी दूसौ कै ठोल़नाए कौरौ जौल़ौ पौरमेशवर दुनिया का न्याय कौरणौ कारिए पाछु आन्‍दा, तौ तैसी दूसौ कै तावल़ै आणौ कारिए आपणी औरौ शै पूरै कौचिश कौरौ। तैसी दूसै, आग भौबकी जांदै औरौ गौयणै का नाश कौरे दैंदै, औरौ तिथकी गर्मी गौयणै दौ सौबै ठुँ पिघलाए दैन्दौ।