2 पतरस 2:3 - सिरमौरी नौवाँ नियम

³ ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

Sirmouri

³ जू लाल़्च की मंन घड़त बातो लई, तुँओं कैई शो धन कमाँव। तिनखे पंण्मिश्वर आगे ही सजा तियार करी थऐ, अरह् तिनका नाँष हंदा, जिन्देखे से तियार असो।

2 पतरस 2:3 Iomraidhean Croise

मत्ती 23:14

ओए रै शास्त्रीयों औरौ फरीसी लोगौ तुऔं पांदी हाय, तुऐं विधवाओं कै घोरो कै लुटो औरौ धरमी बोणणौ कारिए बौड़ी बार तौड़ी प्रार्थना कौरदै रौंव: इथकारिए तुऔं कड़ी सौजा भैटदै।”

लूका 18:8

हांव तुऔं खै बुलू, सै तावल़ा तिनका न्याय चुकांदा; पौरौ जौल़ौ हांव आदमी का बैटा पाछु ओऊंबा, तौ मुखै धोरती पांदी कैतरै लोग भैटदै जिनुदा बिशवाश हौला?”

लूका 20:20

औरौ सै तैसकै ताको दै रौवै औरौ आपणै भेदिए छाड़ै, कै सै धरम का भैष बौदल़ैयो तैसकी कुणजै ना कुणजै बात पाकड़ो, ताकि तैसी राज्यपाल कै हाथौ औरौ औधिकार दा सौंपै दैंव।

लूका 22:47

यीशुए ऐजौ बौल़ै ही लौ थियु, कै दैखौ ऐक भीड़ आए, औरौ तिनु बारौ मुंजी ऐक जैसकौ नांव यहूदा इस्‍करियोती थियु, जू तिनकै औगौड़ियौ-औगौड़ियौ आए रौआ थिया। सै यीशु कै धोरे ओऊवा कै यीशु खै खौपटेयांव।

यूहन्ना 2:16

औरौ कबूतर बिकणौवाल़ै खै बौल़ौ, “इनु इथदै लोए जाव मैरै पिता पौरमेशवर कै घोरो खै व्यापार का घोर नी बाणौ।”

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

1 थिस्सलुनीकियों 2:5

तुऐं जाणौए कै आमै ना तौ कौलोंई चापलूसी की बातौ कौरेया कौरु थिए, औरौ आमुए ऐशणै मकसद लैई काम ना कौरी जू लालची औसौ, पौरमेशवर गवाही दैंव कै आमु ऐशणै ना थी।

1 थिस्सलुनीकियों 5:3

जोबै लोग बौलदै हौलै, “ठीक ठाक औसौ, औरौ किछै बै डौर ना आथी,” तैसी सौमय, एकदम ही लोग बौड़ै कौल़ेश खै महसूस कौरलै। तिनु पांदी ऐक-ऐक कौरेयौ मुसीबत आन्दै, जैशैखै होल़किणु वाल़ी बैटमाणिशौ कै पीड़ो लागौ; औरौ सै तैसी बौड़ै कौल़ेश शै बौचै ना सौकौ।

1 तीमुथियुस 3:3

तैसी सूरवाए औरौ झौगड़वाए नी हौणौ चैंई; पौरौ दयालु औरौ सौब्री औरौ शान्त स्‍वभाव का आदमी हौणौ चैंई, औरौ तैसी धन का लालच ना हौणा चैंई।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

1 तीमुथियुस 6:5

ऐशणै लोगौ कै बीच मुंजी झोगड़े पौयदा हौं, जिनकै बुध्दि खत्म हौए गौए औरौ सै सौचाई खै ना सौमझै पांव, औरौ सै सुंचौए कै पौरमेशवर कै सेवा कौरणै अमीर हौणौ का तरीका औसौ।

तीतुस 1:11

इनु लोगौ की शिक्षा का विरोध कौरणा चैंई: जिथुकै सै गौलत शिक्षाओं कै शिखायौ पूरै परिवार का नाश कौरे दैंव। इथकारिए सै ऐशै कौरेयौ धन कमाणा चांव।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

1 पतरस 2:8

औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।

2 पतरस 1:16

जिथुकै जोबै आमै चोणेयौंदे चैलै तुऔं अमारै प्रभु यीशु मसीह कै अनौखी शौकतै औरौ पाछु आणौ कै बारै मुंजी बौतौऊं, तौ आमै तुऔं चलाकी शै किछै बाणैयौंदी कहाणी ना बौताए रैई। पौरौ, आमुए मसीह कै महिमा आपणै आखी लैई दैख राए थै।

2 पतरस 2:1

जैशैखै बैजाए सौमय औगौड़ियौ इस्राएली लोगौ मुंजी झूठै पौरमेशवर कै बातौ बौताणौवाल़ै दैखियौं थिए, तैशैखैई तुऔं मुंजी झूठै शिक्षक दैखिंदे। सै झूठी शिक्षाओं खै चुपी शै फोयला दैंदै, जू लोगौ खै मसीह पांदी बिशवाश कौरणौ शै रौकै दैंव। ऐजै झूठै शिक्षक मसीह खै आपणा प्रभु मानणौ शै बै मोना कौरे दैंदै, जैणै तिनु पाप कै शौकतै शै आज़ाद कौरे राए। ऐशैखैई सै आपी खै एकदम नाश कौरवाए दैंदै।

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।

यहूदा 1:11

तिनु पांदी हाय! तिनुऐ आदम कै बैटै कैन कै जैशणै दुष्टता शै बर्ताव कौरा, जैणै आपणै भाई खै मारै दिया। तिनुऐ काल़ैयौ सैजै गौलती कौरे जू बिलामै ओकी लोगौ खै पाप कै ढौबौ लोए जाणौ शै कौरे राए थै ताकि पौयसै पाए सौकौ। जैशैखै मूसा कै खिलाफ आपणै लौड़ाई की बौजैह शै कौरह का नाश हौए गौआ, तैशैखैई ऐजै लोग बै नाश हौए जांदै जिथुकै ऐजै बै प्रभु कै खिलाफ लौड़ाए कौरौ।

यहूदा 1:15

सौबी लोगौ कै न्याय कौरणौ कारिए, औरौ तिनु सौबै बुरै कामौ कारिए जू लोगै कोरी राए औरौ तिनु पांदी दोष लाणौ कारिए जू तिनुऐ पौरमेशवर कै खिलाफ कौरे राए औरौ तिनु सौबी गौंदी बातौ कारिए जू तिनुऐ तैसकै खिलाफ बौल़ै रैई।”

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।

यहूदा 1:7

इनु इस्राएली लोगौ औरौ स्‍वर्गदूतौ कै जैशणै, तिनु लोगौ खै याद राखौ जू सदोम औरौ अमोरा औरौ तिनकै आंडे-पांडे कै शहरो दै रौंव थिए कै तिनकै साथै का हौए रौ थियु। सैजै लोग गौलत सौमबंध बाणणौवाल़ै हौए रौवै थिए औरौ कैई भान्त कै गौलत काम लैई भोरै रौवै थिए। इथकारिए पौरमेशवरे तिनु आग शै नाश कौरे राए। तिनकै साथै जू हौ सैजौ झूठै शिक्षको कारिए ऐक चैतावणी बौणै गौए कै तिनु बै सौदा कै आग शै सौजा भैटदै।