2 पतरस 2:1 - सिरमौरी नौवाँ नियम

¹ जैशैखै बैजाए सौमय औगौड़ियौ इस्राएली लोगौ मुंजी झूठै पौरमेशवर कै बातौ बौताणौवाल़ै दैखियौं थिए, तैशैखैई तुऔं मुंजी झूठै शिक्षक दैखिंदे। सै झूठी शिक्षाओं खै चुपी शै फोयला दैंदै, जू लोगौ खै मसीह पांदी बिशवाश कौरणौ शै रौकै दैंव। ऐजै झूठै शिक्षक मसीह खै आपणा प्रभु मानणौ शै बै मोना कौरे दैंदै, जैणै तिनु पाप कै शौकतै शै आज़ाद कौरे राए। ऐशैखैई सै आपी खै एकदम नाश कौरवाए दैंदै।

Sirmouri

¹ जैष्णें तिनू लोगो मुझी झूठे ऋषी थिऐ, तैष्णें ही तुँओं मुँझी भे झूठे प्रचारक हले, जू नाँष कर्णो वाल़े पारखंन्ड का उदघाटण चुप्पी चुरियों कर्ले, अरह् तेसी स्वामी का जिन्ऐं तिनू मोल लऐयों खर्दी थुऐ, तिनू शे से अ-जाँण्दें बंण्दे, अरह् शिघो से आपु आप्णों छ़तियानाँष कर्दे।

2 पतरस 2:1 Iomraidhean Croise

मत्ती 10:33

पौरौ जै कुणिए ओकी आदमी कै सामणै ऐजौ बौलणौ शै डौरौए कै ऐजै मैरै चैलै औसौ, तौ हांव आपणै पिता शै जू स्वर्ग दा औसौ, बौलदा कै ऐजै मैरै चैलै ना आथी।”

मत्ती 24:11

बौहितै झूठै पौरमेशवर कै बातौ बौताणौवाल़ै आलै, औरौ बौहितै लोगौ खै धौखा दैलै।

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 24:5

जिथुखै बौहितै लोग ऐशणै हौंदै जू मैरै औधिकार का दावा कौरदै औरौ बौलदै कै, ‘हांव ही मसीहा औसौ,’ औरौ बौहितै खै भोरमाए दैंदै।

मत्ती 7:15

“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

लूका 12:9

पौरौ जू आदमियों कै सामणै ऐजौ बौलणौ शै डौरले, कै हांव तैसका चैला औसौ तैसीकै हांव बै पौरमेशवर कै स्‍वर्गदूतौ कै सामणै बौलदा कै ऐजा मैरा चैला ना आथी।

लूका 21:8

यीशुए बौल़ौ, “चौकश रौया, कै भोरमाए नै जांव, जिथुखै बौहितै लोग मैरै औधिकार का दावा कौरदै औरौ बौलदै, कै हांव ही मसीहा औसौ, औरौ ऐजौ बै कै सौमय नेड़िक आए गौआ, तुऐं तिनकै पौछौड़ियौ नी हौए जाया।

लूका 6:26

“हाय तुऔं पांदी; जोबै सौबै आदमी तुंआरी तारीफ कौरौ, जिथुकै तोंवारै पुराणिया बै पौरमेशवर कै झूठै बातौ बौताणौवाल़ै कै साथै बै ऐशैखैई कौरौ थिए।”

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

1 कुरिन्थियों 11:19

पौरौ निशोंक हौयौ तुऔं मुंजी बंटवारा हौणा चैंई, ताकि तुऔं लोगौ मुंजी जू पौरमेशवर कै चोणेयौंदे औसौ, तिनकी पौछेयाण हौए जांव।

1 कुरिन्थियों 6:20

पौरमेशवरे यीशु मसीह का जीवन दैयौ तुऔं छुटकारा दैय राए इथकारिए आपणै शोरीर कै दवारा पौरमेशवर कै महिमा कौरौ।

1 कुरिन्थियों 7:23

पौरमेशवरे तोंवारै खातिर ऐक बौड़ै कीमत चुकायो तुऔं कै बौचाए राए इथकारिए आदमी कै दास नी बौणैया पौरौ पौरमेशवर कै दास बौणैया।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

गलातियौं 4:17

झूठै शिक्षक तुऔं आपणै ढौबौ कौरणौ कै खुशी थिए। तिनका मकसद तोंवारै भोलाए का ना आथी तिनका मतलब तौ तुऔं मुंवादा जौई कौरणा औसौ ताकि तुऐं तिनकै चैलै बौणै जांव।

गलातियौं 5:20

मूर्तिपूजा, जादू टोना, बैर झोगड़ा, तिनु चीज़ौ खै पाणौ कै लालसा जू ओकी लोगौ कैंई औसौ, गुस्सा, विरोध, फूट, गुटबाजी,

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

फिलिप्पियों 3:19

तिनका अन्त नाश औसौ औरौ तिनकी शारीरिक इछाएं तिनका ईशवर औसौ, सैजै शर्मनाक काम कौरणौ कै बारै दा घमण्‍ड कौरौ औरौ सौदा धोरती कै चीज़ौ कै बारै मुंजी सुंचदै रौंव।

कुलुस्सियों 2:18

सै शोरीर का मुंड औसौ। ऐजौ तैसकै दवारा हौंव कै शोरीर कै सौबी अंगो कै दैखभाल हौंव औरौ तिनु ऐक साथै राखी। तौ ऐजौ तैशैखै बौढ़ौ जैशै पौरमेशवर चांव कै ऐजौ बौढ़ौ। कोसी लैई बै आपणै बैज्जती नै कौरांव औरौ स्‍वर्गदूतौ कै आराधना कौरेयौ बैकार नै बौणौ। ऐशणै लोग दर्शनों दै शामिल हौंव, जू तिनु तिनकै मानसिक सोंच की बौजैह शै मूर्ख तरीकै शै घमण्‍ड शै भोरै दैंव। तिनुऐ मसीह कै छोड़े दिया।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

1 तीमुथियुस 5:8

पौरौ जै कुणिए आपणै रिशतेदारौ कै, खास कौरेयौ आपणै परिवार कै मौदद ना कौरौ, तौ सै बिशवाश शै मुकरे गौआ, औरौ अबिशवाशी शै बै बुरा बौणै गौआ

2 तीमुथियुस 4:3

जिथुकै ऐशणा सौमय आन्दा, जोबै लोग खरा उपदैश ना शौणै पांदै पौरौ लोग आपणी ही अभिलाषाओं पाछी चालदै औरौ सै ऐशणै बौहितै शिक्षक कै जौले जू तिनकै अभिलाषाओं कै हिसाब शै प्रचार कौरलै।

तीतुस 1:11

इनु लोगौ की शिक्षा का विरोध कौरणा चैंई: जिथुकै सै गौलत शिक्षाओं कै शिखायौ पूरै परिवार का नाश कौरे दैंव। इथकारिए सै ऐशै कौरेयौ धन कमाणा चांव।

तीतुस 3:10

ताखै कम सै कम दो बैई तिनु लोगौ कै चैतावणी दैणी चैंई जू कलीसिया दै फूट पौड़ांव, कै सै ऐशै कौरणौ बंद कौरे दैंव। इथकै बाद, तिनुवांदो दूर रौणौ चैंई।

इब्रानियों 10:29

जै मूसा कै कानून कै हिसाब शै ऐशणै सौजा थै, तौ तैसी आदमी कै सौजा बैजाए बौड़ै हौंदै जू पौरमेशवर कै बैटै कै ना अपनांव। तैणै पौरमेशवर कै बैटै खै आपणै लातो तौड़ी कौरे दिया, जिथुखै तैणै तैसका आदर ना कौरी। तैणै मसीह कै तैसी लोऊ कै पवित्र ना मानी जिथलैई पौरमेशवरे तैसी पवित्र बाणणौ कारिए नोऐं कौरार शुरु कौरे। तैणै पवित्र आत्मा का आदर ना कौरी जिथलैई तैणै अनुग्रह पौऊवा।

1 पतरस 1:8

तुऐं यीशु खै कौलोंई ना दैखै रैई, पौरौ तोबै बै तुऐं तैसीआरी प्यार कौरौ। तुऐं तैसी इबी ना दैखौ, पौरौ तुऐं तैसी पांदी बिशवाश कौरौ। इथकारिए, तुऐं आनन्द औरौ महिमा शै बैजाए खुशी हौं जिथु शोब्दो लैई ब्यान ना कौरियौ।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

1 यूहन्ना 2:26

मोऐं तुऔं तिनु लोगौ कै बारै मुंजी चैतावणी दैय लौए जिनुऐ झूठी शिक्षा कै दवारा तुऔं धौखा दैणौ कै कौचिश कौरे लौए।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।

यहूदा 1:18

सै तुऔं बौलेया कौरौ थिए, “अमारै प्रभु यीशु मसीह कै आणौ दै आगै, ऐशणै लोग हौंदै जू प्रभु औरौ तैसकै लोगौ का मजाक कौरदै। ऐजैई सैजै लोग औसौ जिनकै जीवन बुरी इछाओं कै काबू दै औसौ।”

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।

प्रकाशितवाक्य 13:14

बैजाए सारै लोग औकै राकस कै तिनु अनौखै कामौ शै चकित हौयौ धौखा खाया जू सै आगलै राकस कै शौकतै शै दिखांव थिया। दूजै राकसै लोगौ खै बौल़ौ कै सै तैसी आगलै राकस कै पूजा कौरणौ कारिए मूर्ति बाणौ, जू हथियार शै घायल हौए गौआ थिया, पौरौ औटेयौ ठीक हौए गौआ थिया।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।

प्रकाशितवाक्य 3:8

हांव तैरै कामौ खै जाणुए, हांव जाणुए कै तू ताकतवाल़ा ना आथी। पौरौ जू मोऐं ताखै बौल़ौ सैजी बात तुऐं मानै। तुऐं मुं पांदी बिशवाश कौरे राए। इथकारिए, मोऐं ताखै ऐक दरवाज़ा खोले राए, जिथु कुणिए बंद ना कौरे सौकौ।

प्रकाशितवाक्य 5:9

तिनिए ऐजौ गीत मेम्ने यानी यीशु मसीह कै बारै मुंजी गाए लो थियु, “तू इयौं किताब कै मोहरो खै तौड़णौ औरौ इयौं खौलणौ का औधिकार राखै।” तिनुऐ ताखै बलिदान कौरे राए थिया औरौ तैरै लोऊए जू क्रूसो पांदी बौवाए राए, लोगौ खै छुड़ाए दियै ताकि सै पौरमेशवर शै सौमबंधित लोग बौणै जांव। ऐजै लोग सौब गोत्रो, सौब भाषाओं, सौब ठाँव औरौ सौब राज्यो शै औसौ।

प्रकाशितवाक्य 6:10

औरौ तिनुऐ बौड़ै शब्द लैई पुकारेयौ पौरमेशवर शै बौल़ौ, “ओए रै पवित्र, औरौ साची प्रभु; तू धोरती पांदी रौणौवाल़ै तिनु बुरै लोगौ खै तावल़ै सौजा किथु ना दैय? आमै बिन्ती कौरु कै तू तिनु लोगौ कै बर्ताव का बौदला लौ जिनुवै आमु मारै दियै।”