2 पतरस 1:19 - सिरमौरी नौवाँ नियम

¹⁹ आमै जाणुए कै मसीह कै बारै मुंजी पौरमेशवर कै बातौ बौताणौवाल़ै जू वचन लैख राए थिए, सै बिल्कुल साची औसौ। औरौ तैसकै पाछु आणौ कै बारै मुंजी तिनु वचन पांदी आमु पूरा भरोसा औसौ जू आमुए तुऔं शिखाए राए थिए। तुऔं तिनु वचनो खै आछी तरह शै शुण्णै चैंई, जिथुकै जैशैखै इनारै दा दिवा लोगौ खै सोही बाट दिखाणौ दै मौदद कौरौ, तैशैखैई ऐजै वचन तुऔं ऐजौ जाणणौ दै मौदद कौरौ कै साचौ का औसौ। अमारै प्रभु यीशु मसीह कै पाछु आणौ तौड़ी तुऔं तिनु वचनो खै आछै शै शुण्णै चैंई। तैसकौ आणौ ऐक नौवें दूस कै झीशो कै जैशणौ पेयाशो लांदौ, औरौ सै झीशो कै तारै कै जैशणौ हौन्दौ। तैसी सौमय तैसकौ पेयाशो तोंवारै दिलो दो चौमकदौ, औरौ पौरमेशवर कै साफ रुप शै तुऔं प्रगट कौरदौ।

Sirmouri

¹⁹ आँमों कैई जू ऋषी का बचन आया, से ईयों घट्णाँ शा पाक्का हुआ। तुँऐं ऐजो आछो करह्, जू ऐजो सम्झियों ईदा ध्याँन दियों, के ऐक ही दिवा असो, जू ईनाँरे जागा दा ताँव-तोड़ी प्रकाष देंदा रंह, जाँव तोड़ी धुरो ने ऊँक्क्षो; अरह् झ़ीषकी चिल्की ने लागो, अरह् झ़ीषका तारा बियाँणू तुवाँरे सासो दा ने चम्मकी ज़ाँव।

2 पतरस 1:19 Iomraidhean Croise

प्रकाशितवाक्य 22:16

मोऐं, यीशुए आपणै स्‍वर्गदूत खै तोंवारै धोरे इनु बातौ कै घोषणा कौरणौ कारिए भैजै राए जू पौरमेशवर कै लोगौ कै समूह मुंजी औसौ। हांव राजा दाऊद का वंशज औसौ; हांव ही औसौ, जू तैसी तारै साए औसौ जू सुरज निकल़णौ कै सौमय बै दैखियौं औरौ मुखै बियाणु का तारा बौल़ौ।

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

प्रकाशितवाक्य 2:28

हांव तैसी आपणै जीत खै दिखाणौ कारिए बियाणौ का तारा दैंदा।

यूहन्ना 5:35

यूहन्ना तौ जोल़दै औरौ चोमकैयौंदे दिवे कै साए थिया, औरौ तुऔं कै किछै सौमय तौड़ी तैसकै पेयाशै दो मगन हौणौ आछौ लागौ।

मत्ती 4:16

तुऐं बैगानै यहूदी लोग जू पौरमेशवर कै जाणै बिना इनारै दै ज़ी रौवै चोमकैयौंदे पेयाशै कै दैखलै, औरौ सैजौ पेयाशो तुऔं कै उध्दार कै बाट दिखालो जू लोग पौरमेशवर कै जाणै बिना ज़ी रौवै औरौ जू सौदा कै जिन्दगी कारिए मौत कै बाटो दै औसौ।”

यूहन्ना 8:12

तोबै यीशुए हौजौ लोगौ खै बौल़ौ, “दुनिया को पेयाशो हांव औसौ; जू कुणिए मैरै पाछैदा हांडला, सै इनारै दा ना हांडदा, पौरौ तिथु पेयाशै कै पाला जू सौदा कै जिन्दगी दैंव।”

1 यूहन्ना 5:10

जू पौरमेशवर कै बैटै पांदी बिशवाश कौरौए सै आपणै भीतरै गवाही राखौए; पौरौ जैणै पौरमेशवर पांदी बिशवाश ना कौरी तैणै पौरमेशवर कै झूठा बाणै राए; जिथुकै तैणै तियौं गवाही पांदी बिशवाश ना कौरी जू पौरमेशवरे आपणै बैटै कै बारै मुंजी दैय राए।

1 पतरस 1:10

ऐजी मोक्ति ऐशणै थै जिथकै बारै मुंजी पौरमेशवर कै बातौ बौताणौवाल़ै हौजौ जादा जाणणौ चांव थिए। तिनुऐ बौतौऊं कै कैशै पौरमेशवर तुऔं बौचाणौ कारिए तोंवारै खातिर दयालु तरीको शै काम कौरदा जिथकै तुऐं लायक ना आथी। तिनुऐ जोवाब खै जूणौ कारिए सावधानी शै जांच कौरे औरौ शिखाणौ कै बैजाए कौचिश कौरे।

याकूब 2:8

जै तुऐं पवित्र शास्त्र कै खास नियम कै मानौए, जू बौल़ौए, “आपणै पड़ोसी आरी तैशणा प्यार कौरेया,” तौ तुऐं सोही कौरौ।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 15:29

कै तुऐं सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया औरौ गोरु को लोऊ नै पैया औरौ गौलत सौमबंध शै दूर रौया। इनु दै दूर रौया तौ तोंवारा भला हौंदा। हौजौ कै शुभकामना।”

3 यूहन्ना 1:6

तिनुमुंजी दै किछै लोग इथै कै कलीसिया कै बिशवाशियौं कै साथै तैरै प्यार कै बारै मुंजी बौताए राए जू तू आपणै मसीहियों शै कौरे। ऐबै हांव तांव कैई बुलू कै ताखै ऐशणै लोगौ कै मौदद कौरणी चैंई जू ऐक जौगैह शै ओकी जौगैह दै सफर कौरौ जिथुकै ऐशै कौरणौ पौरमेशवर कै आछौ लागौ।

इब्रानियों 2:2

जिथुकै पौरमेशवर का कानून जू स्‍वर्गदूतौ कै दवारा दैय राए थिया, सौदा साचा साबित हौए रौआ औरौ लोगौ खै मूसा कै कानून कै कुणजै बै आज्ञा टाल़नो पांदी सौजा भैटौ थै।