2 पतरस 1:16 - सिरमौरी नौवाँ नियम

¹⁶ जिथुकै जोबै आमै चोणेयौंदे चैलै तुऔं अमारै प्रभु यीशु मसीह कै अनौखी शौकतै औरौ पाछु आणौ कै बारै मुंजी बौतौऊं, तौ आमै तुऔं चलाकी शै किछै बाणैयौंदी कहाणी ना बौताए रैई। पौरौ, आमुए मसीह कै महिमा आपणै आखी लैई दैख राए थै।

Sirmouri

¹⁶ किन्देंखे के जबे आँमें तुँओं खे आप्णे प्रभू यीशू मसीया की शक्त्ति का अरह् आँणों का समाँचार देऐ थुवा, तअ से चलाकी की कथा का ने थी, परह् आँमें आप्णी आ:खिऐं तिनकी बड़ियाऐ दे:खी थऐ।

2 पतरस 1:16 Iomraidhean Croise

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 17:1

छोई दूसौ कै बाद यीशुए पतरस औरौ याकूब औरौ तैसकै भाई यूहन्ना खै आपणै साथै ऐक ऊंचे धारो पांदी शान्त जौगैह दै नियै।

मत्ती 24:27

“जिथुकै जैशै बिजली पूरब शै निकल़ैयो पशिचमो तौड़ी चौमकैयो जांव, तैशैकैई मुं आदमी कै बैटै का बै आणा हौंदा।

मत्ती 24:3

जोबै सै जैतून धारो पांदी बौठै रौआ थिया, तोबै चैलै एकान्त जौगैह दै तैसकै धोरे आयौ बौल़ौ, “आमुखै बौताए दै ऐजी बातौ कोलो हौंदी? तैरै आणा का औरौ दुनिया कै अन्त का कुणजा निशान हौंदा?”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मरकुस 13:26

तोबै लोग मुखै आदमी कै बैटै कै अनौखी शौकतै औरौ महिमा कै साथै बादल़ौ दै आन्दै बैई दैखलै।

मरकुस 14:62

यीशुए बौल़ौ, “हौर हांव औसौए: तुऐं मुखै, आदमी कै बैटै खै सौबिदा शौकतीशाली पौरमेशवर कै सोऐं ढौबौ बौठेयौंदा राज कौरदै दैखलै, औरौ तुऐं मुखै स्वर्गो शा गौयणी कै बादल़ौ पांदी आन्दै बैई दैखलै।”

लूका 1:2

तिनुऐ सैजौ लिखु जू आमुखै तिनु लोगै बौताए राए थियु, जिनुवै यीशु कै सेवा कै शुरुआत शै दैख राए थिया औरौ जू बाद मै पौरमेशवर कै वचन कै सेवक बौणै गौवै।

लूका 9:43

तोबै सौबै लोग पौरमेशवर की बौड़ै शौकतै सै हैरान हौए गौवै। पौरौ जोबै सोबै लोग तिनु सौबै कामौ शै जू सै कौरौ थिया, हैरानी कौरे लोए थी, तौ तैणै आपणै चैलै खै बौल़ौ,

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

रोमियों 1:4

औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

1 कुरिन्थियों 1:17

जिथुकै मसीहे मुखै बपतिस्मा दैणौ खै नी, पौरौ सुसमाचार शुणाणौ खै भैजै राए, औरौ जोबै हांव लोगौ खै पौरमेशवर का सौंदेश शुणौऊं, तौ हांव आदमी कै चलाक विचारो का इस्तैमाल ना कौरु, ना लोगौ खै मोनोऊ कै जू किछै हांव बुलू तिथपांदी बिशवाश कौरौ। जै ऐशैखै कौरदा, तौ लोग सिरफ इथकारिए बिशवाश कौरदै कै मोऐं बौड़ै चालाकी लैई बातो कौरी पोरौ तोबै क्रूसो पांदी मौरणौ वाल़ै मसीह का सौंदेश लोगौ कै जीवन दा शौकतीशाली तरीकै शै काम ना कौरदा।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

1 कुरिन्थियों 2:1

ओए रै बिशवाशी भाईयों, हांव तोंवारै इथै ना तौ बातौ कै चतुराए का इस्तैमाल कौरदा ओऊवा औरौ ना ही उतम ज्ञान कै बौताणौ कारिए, पौरौ हांव तोंवारै इथै पौरमेशवर कै भैद कै बारै मुंजी बौताणौ कारिए ओऊवा।

1 कुरिन्थियों 2:4

औरौ मैरी शिक्षा औरौ मैरा प्रचार आदमी कै ज्ञान कै चलाकी औरौ शिखाणौ वाल़ै बातौ कै साथै ना आथी, पौरौ पवित्र आत्माए तुऔं ऐक शौकतीशाली तरीकै लैई दिखोऊ कै जू सौंदेश मोऐं तुऔं बौतौऊवा सैजा साचा थिया।

1 कुरिन्थियों 5:4

ऐजौ सैजौ औसौ जू तुऔं कौरणौ जौरुरी औसौ। बिशवाशियौं कै जैशणै कौठै हौए जांव, ऐजौ जाणैयौ कै तुऔं कैई सौथीखै अमारै प्रभु यीशु मसीह का औधिकार औसौ औरौ ऐजौ ऐशैखै औसौ कै हांव बै तैसी जौगैह पांदी मौजूद औसौ। औरौ तोबै बै प्रभु यीशु कै औधिकार कै दवारा,

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

फिलिप्पियों 3:21

सै आपणै शौकतै कै तैसी प्रभाव कै हिसाब शै जिथकै दवारा सै सौबै चीज़ौ कै आपणै काबू दी कौरे सौकौ, औरौ अमारै कमजोर शोरीर का रुप बौदलैयौ आपणै महिमामय शोरीर कै जैशणा बाणै दैन्‍दा।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

2 थिस्सलुनीकियों 2:9

दुष्ट शैतान आपी तैसी दुष्ट आदमी कै आपणै शौकतै दैंदा। औरौ सै सौब भान्त कै झूठै चौमत्कार, निशान औरौ अनौखै काम कौरदा जिथलैई लोग ऐजौ सुंचदै लागदै कै ऐजै काम पौरमेशवरे कौरे लौवै।

1 तीमुथियुस 4:7

पौरौ तिनु झूठी कहाणी औरौ जू बातौ पौरमेशवर कै आदर ना दैंव तिनुदै दूर रौया। औरौ तुऔं पौरमेशवर कै आदर दैणा वाल़ा जीवन जिणौ कारिए आपी कै लगातार शिखांदै रौणौ चैंई।

तीतुस 1:14

यहूदी लोगौ कै झूठी कहाणियो औरौ तिनु झूठै आदमियों की आज्ञाओं पांदी मन नै लाव, जू सौचाई शै भौटकाए दैंव।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

1 यूहन्ना 4:14

औरौ आमुए बैटै कै दैखै बै पाया औरौ तैसकै गवाही दैंव कै पिता पौरमेशवरे बैटै कै दुनिया कै लोगौ का उध्दार कौरणौ कारिए भैजै राए।

यहूदा 1:14

हनोकै जू आदम शै सातवें पीढ़ी दा पौयदा हौए रौआ थिया, इनु अधरमी लोगौ कै बारै मुंजी हौणौवाल़ी बातौ बौताए रैई थी। तैणै बौल़ौ, “शुणौ! पौरमेशवर निशोंक हौयौ आपणै अणगिणत पवित्र स्‍वर्गदूतौ खै साथै आन्दा।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।