1 तीमुथियुस 6:9 - सिरमौरी नौवाँ नियम

⁹ पौरौ जू अमीर हौणा चांव, सै सौबै भान्त कै पाप कौरणौ कारिए आसानी शै धौखा खांव औरौ ऐक शिकार कै जैशणै जालो दै फोशे जांव। सै तिनु चीज़ौ कै कौरणा चांव जू तिनु कारिए बैकार शी औरौ नुकसानदायक औसौ औरौ ऐजी बुरी इछाएं तिनु बर्र्बादी कै ढौबौ लौए जांव औरौ नाश कौरे दैंव।

Sirmouri

⁹ परह् जू सेठ-धंनवाँन बण्णों चहाँव, से ऐष्णी ही परख अरह् फाँदे अरह् भहिते ब-कार अरह् नुकसाँन, लाल़्च के जाल़ौ दे फषो, जिन्दे लई आदमी बिगड़ी ज़ाँव; अरह् नाँष के संमुँन्द्रो दे डूब्बी ज़ाँव।

1 तीमुथियुस 6:9 Iomraidhean Croise

मत्ती 13:22

जू झाड़ी मुंजी बोए राए, सैजै ऐजै लोग औसौ जिनुवै पौरमेशवर कै वचन कै शुणा, पौरौ आपणै जीवन कै चिन्‍ता, औरौ धन-दोलत कै धौखै कै बौजैह शै वचन कै मानणा छोड़े दैंव; औरौ सैजै बिना फोल़ कै जिन्दगी जियौं।

मत्ती 19:22

पौरौ सैजा जवान ऐजै बात शोणेयो उदास हौआ औरौ तिथैदा आगु हौटा, जिथु सै बैजाए सैठ थिया।

मत्ती 26:15

“जै हांव तैसीखै तोंवारै हाथौ थाम्बाए दियु, तौ मुखै का दैन्‍दै?” तिनुऐ तैसी तीस चांदी खै सिक्‍कै तौलैयौ दै दिए।

मत्ती 6:19

आपी कारिए धोरती पांदी धन कौठौ नै कौरेया, जिथै कीड़ा औरौ काई बिगाड़ौ, औरौ जिथै चोर डाका पांव औरौ चुरांव।

मरकुस 4:19

पौरौ आपणै जीवन कै चिन्‍ता, औरौ धन-दोलत का लालच, औरौ ओकी चीज़ौ कै इछावं की बौजैह शै पौरमेशवर कै वचन कै मानणा छोड़े दैंव; औरौ सैजै बिना फोल़ कै जिन्दगी जियौं।

लूका 12:21

ऐशैखैई तैसी आदमी कै साथै हौंदौ जू सौबै ठुँ आपी कारिए कौठौ कौरौ, पौरौ पौरमेशवर कै सेवा कौरणौ कारिए आपणै धन का इस्तैमाल ना कौरौ।”

लूका 21:35

जिथुकै सैजौ दूस सारी धोरती कै सौबै रौणौवाल़ै पांदी ऐशैखैई आए जांदो।

प्रेरितो कै काम 8:20

पतरसे तैसी बौल़ौ, तू औरौ तैरै पौयसै नाश हौंव, जिथुकै तुऐं पौरमेशवर का वरदान पौयसै लैई मोलै लोणो का विचार कौरे राए।

इफिसियों 4:22

तोंवारै शिक्षकै तुऔं तैसी तरीकै कै छौड़णौ कै शिक्षा दै, जिथकै हिसाब शै तुऐं बर्ताव कौरौ थिए। तोंवारै बुरी इछाएं तुऔं बैहकाए औरौ तोंवारै जीवन कै बौदलै दियै।

1 तीमुथियुस 1:9

आमै जाणुए कै मूसा कै कानून धरमी लोगौ कारिए नी पौरौ तिनु कारिए औसौ जू पौरमेशवर कै कानून कै अणदैखा कौरौ औरौ ना आज्ञा का पालन कौरौ। औरौ सैजै औकै लोग बै जू पौरमेशवर कै आराधना ना कौरौ बल्कि लगातार पाप कौरौ। औरौ सैजै बै जू भोक्‍ती ना कौरौ औरौ पौरमेशवर का आदर ना कौरौ औरौ अपवित्र औरौ अशुध्द जीवन जियौं, औरौ माँ-बापू औरौ ओकी कै हथयारै,

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 तीमुथियुस 6:10

जिथुकै पौयसै का लोभ सौब भान्त कै बुराई कै बौजैह औसौ। किछै लोगै सुलै-सुलै मसीह की शिक्षाओं पांदी बिशवाश कौरणा बंद कौरे दिया जिथुकै सै धन कै बैजाए चांव थिए, औरौ सै कैई तरह शै दुखी औसौ, ऐक ऐशणै आदमी कै जैशणै जैणै आपी कै ऐकी हथियार लैई नुकसान कौरे राए।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

तीतुस 2:12

आपणै अनुग्रह शै पौरमेशवर आमु शिखांव कै तैशैखै बर्ताव कौरणा बंद कौरौ, जू तैसी खुश ना कौरौ, तिनु चीज़ौ की लालसा कौरणै बंद कौरौ जिनकै इछा अबिशवाशी कौरौ, औरौ जौबेकै आमै इबी इयौं दुनिया पांदी ही औसौ तौ बुध्दिमानी शै औरौ धार्मिकता कै साथै ऐशैखै काम कौरु जिथलैई पौरमेशवर खै खुशी भैटौ।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

यहूदा 1:11

तिनु पांदी हाय! तिनुऐ आदम कै बैटै कैन कै जैशणै दुष्टता शै बर्ताव कौरा, जैणै आपणै भाई खै मारै दिया। तिनुऐ काल़ैयौ सैजै गौलती कौरे जू बिलामै ओकी लोगौ खै पाप कै ढौबौ लोए जाणौ शै कौरे राए थै ताकि पौयसै पाए सौकौ। जैशैखै मूसा कै खिलाफ आपणै लौड़ाई की बौजैह शै कौरह का नाश हौए गौआ, तैशैखैई ऐजै लोग बै नाश हौए जांदै जिथुकै ऐजै बै प्रभु कै खिलाफ लौड़ाए कौरौ।