1 तीमुथियुस 6:4 - सिरमौरी नौवाँ नियम

⁴ तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

Sirmouri

⁴ तअ सेजा घमंडी हऐ रूआ, अरह् से किऐ ने जाँण्दा; परह् तेसी बाद-बिबाद शब्दो गाशी जीदिणों की बीमारी असो, जिन्दे लई डाह्, झगड़े, नीदया की बातो, अरह् बुरे-बुरे शक,

1 तीमुथियुस 6:4 Iomraidhean Croise

प्रेरितो कै काम 15:2

जोबै पौलुस औरौ बरनबास का तिनुआरी मनमुटाव औरौ बैहसबाजी हौए तौ ऐजा फौयसल़ा हौआ कै पौलुस औरौ बरनबास औरौ तिनुमुंजी दै किछै आदमी इयौं बातौ कै बारै मुंजी चौर्चा कौरणौ कारिए चोणेयौंदे चैलै औरौ अगुवो कै धोरे यरूशलेम शहर खै भैजै जांव।

प्रेरितो कै काम 18:15

पौरौ जै ऐजै बात बैहस-बाजी शब्दो, औरौ नामो, औरौ तुंआरै इथै कै मूसा कै कानून कै बारै मुंजी औसौ, तौ तुऐं ही जाणौ; जिथुकै हांव इनु बातौ का न्यायी ना बोणणा चोऊं।”

प्रेरितो कै काम 8:9

तैसी शहर दा शमौन नांव का ऐक आदमी थिया, जू जादू टोना कौरेयौ सामरिया प्रदेश कै लोगौ कै हैरान कौरो थिया औरौ आपी कै ऐक बौड़ा आदमी बौतांव थिया।

रोमियों 12:16

ऐकी दूजै का तैतरा ध्यान राखौ जैतरा कै आपणा राखौ; घमण्‍ड ना कौरौ, पौरौ शोरीफो कै साथै संगति राखौ, आपणै नज़र दै बुध्दिमान नी बौणैया।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

रोमियों 14:1

जू बिशवाशी भाई बिशवाश दा कमजोर औसौ तैसीखै कमजोर बिशवाश कै साथै बिना कोसी शक कै अपनांव,, तैसकै साथै बैहस नी कौरौ कै का कौरणौ चैंई या का ना कौरणौ चैंई।

रोमियों 2:8

पौरौ जू मतलबी औसौ औरौ सौचाई कै ना मानौ, यानी जू बुराई कौरणी चांव, तिनु पांदी पौरमेशवर बैजाए गुस्सा कौरदा।

1 कुरिन्थियों 11:16

पौरौ जै कुणिए मैरै बात शै सहमत ना आथी, तौ ऐजौ जाणौ कै अमारै औरौ पौरमेशवर कै कलीसियाओं मुंजी आमुकैंई इथुखै छोड़ेयौ ओका कुणजाई भोवार ना आथी।

1 कुरिन्थियों 11:18

जिथुकै सौबी दै आगलै बात ऐजै औसौ, कै मोऐं ऐजौ शौणै राव, कै जोबै तुऐं कलीसिया दै आराधना कौरणौ कारिए कौठै हौंव, तौ तोंवारै आपी मुंजी ना बौणौ, औरौ मुखै बिशवाश औसौ कै तिनकी बातौ दै किछै तौ सौचाई औसौ।

1 कुरिन्थियों 3:18

जै तुऔं मुंजीदै कुणिए बै इयौं दुनिया कै लोगौ कै राय दै सौमझदार औसौ, तौ तुऔं इयौं दुनिया कै लोगौ कै राय मुंजी आपी खै मूर्ख बाणणा पौड़दा, ताकि आमु पौरमेशवर कै राय दै सोही मायनै दै सौमझदार बौणै सौकु।

1 कुरिन्थियों 3:3

जिथुकै ऐबै बै तुऐं इयौं दुनिया कै लोगौ कै जैशणै रौंव। इथकारिए, कै जोबै तुऔं मुंजी ज़लन औरौ झोगड़े औसौ, का ऐजौ साबित ना हौंव कै तुऐं पाप वाल़ी इछा कै काबू दै औसौ? तुऐं दुनिया कै लोगौ कै जैशणै जियौं जू प्रभु कै ना आथी।

2 कुरिन्थियों 11:20

जिथुकै जोबै तुऔं कुणिए दास बाणै दैंव, या सैजौ सौबै आगु कौरौ जू तुंवागै औसौए, या तुऔं धौखा दैंव, या आपी खै तुऔं दा ऊबा राखौ, या तोंवारै मुँह पांदी पौटाका लांव, तौ तुऐं सैय सौकौ।

गलातियौं 5:15

पौरौ जै तुऐं लगातार ऐकी दुजैआरी लोड़दै रौंव औरौ ऐकी दूजै खै पौरैशान कौरदै रौंव तौ चौकश रौया, तुऐं आपी खै बोरबाद कौरे दैंदै।

गलातियौं 5:26

आमु घमण्‍ड नै कौरणा चैंई, आमु ऐकी दूजै शै पौरैशान नी हौणौ चैंई, औरौ आमु ऐकी दूजै शै ज़लन नै राखणै चैंई।

गलातियौं 6:3

जै कुणिए सुंचौए कै सै ऐक बौड़ा अगुवा औसौ, जोबै कै सै सौथीखै ना आथी, तौ सै आपी धौखै दा रौंव।

फिलिप्पियों 1:15

किछै लोग तौ ज़लन औरौ झगड़ालु हौणौ की बौजैह शै मसीह कै बारै मुंजी सुसमाचार का प्रचार कौरौ, पौरौ किछै लोग आछै इरादै शै प्रचार कौरौ।

फिलिप्पियों 2:14

सौबै काम बिना कुड़कुड़ाए औरौ बिना बैहस कै कौरेया कौरौ।

फिलिप्पियों 2:3

स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

कुलुस्सियों 2:18

सै शोरीर का मुंड औसौ। ऐजौ तैसकै दवारा हौंव कै शोरीर कै सौबी अंगो कै दैखभाल हौंव औरौ तिनु ऐक साथै राखी। तौ ऐजौ तैशैखै बौढ़ौ जैशै पौरमेशवर चांव कै ऐजौ बौढ़ौ। कोसी लैई बै आपणै बैज्जती नै कौरांव औरौ स्‍वर्गदूतौ कै आराधना कौरेयौ बैकार नै बौणौ। ऐशणै लोग दर्शनों दै शामिल हौंव, जू तिनु तिनकै मानसिक सोंच की बौजैह शै मूर्ख तरीकै शै घमण्‍ड शै भोरै दैंव। तिनुऐ मसीह कै छोड़े दिया।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

1 तीमुथियुस 1:7

ऐजै गौलत शिक्षा दैणौवाल़ै, तिनु मूसा कै कानून औरौ नियमौ कै शिखाणौ वाल़ै हौणा चांव, पौरौ असल दौ किछै बै ना जाणौए कै का शिखाणौ कै कौचिश कौरे लोए औरौ मोजबूत भरोशै कै साथै औड़ेयौंदे रौंव।

1 तीमुथियुस 3:6

तैसीकै बिशवाश दै मोजबूत हौणौ चैंई, नही तौ हौए सौकौ कै सै घमण्डी हौए जांव औरौ तैसी सैजै सौजा भैटलै जू पौरमेशवरे शैतान कै दैय राखै।

2 तीमुथियुस 2:14

आपणै लोगौ मुंजी कोसी खै बै इनु बातौ कै बिसरणो नै दै जू मोऐं ताखै बौताए रैई। औरौ पौरमेशवर कै ऐक गवाह कै रुप दी राखैयौ, ताखै तिनु चैतावणी दैणी चैंई कै सै शोब्दो पांदी बैहसबाजी नै कौरौ। ऐशणै बैहसबाजी कोसी कै मौदद ना कौरौ बल्कि तिनु लोगौ कै बिशवाश कै नुकसान पोऊंचाव जू तिनु शुणौए।

2 तीमुथियुस 2:23

पौरौ मूर्खता, औरौ अनजानी शिक्षा शै दूर रौव, जिथुकै तू जाणैए, कै इथलैई झोगड़े हौंव।

2 तीमुथियुस 3:4

औरौ धौखा दैणौवाल़ै, जिद्दी, घमण्डी औरौ पौरमेशवर कै नी पौरौ सुख विलास कै चाणो वाल़ै हौन्दै।

तीतुस 3:9

पौरौ मूर्खता खै बैहस-बाजी, औरौ पुराणिया कै पीढ़ी की लाम्बी चौड़ी सूची औरौ विरोध कौरणौवाल़ै औरौ झोगड़े शै दूर रौव जू मूसा कै कानून कै बारै मुंजी औसौ। जिथुकै ऐजी बातौ कोसी की मौदद ना कौरौ औरौ ना तिनका किछै बै फायदा आथी।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

यहूदा 1:10

सैजै लोग जू पौरमेशवर कै आराधना ना कौरौ औरौ तिनु बातौ कै खिलाफ बुरै शब्दो का इस्तैमाल कौरौ जू तिनकै सौमझ दी ना आंव; औरौ जोबै सै जोंगली जानवरो कै जैशणै बर्ताव कौरौ औरौ जिनु कामौ खै सै जाणौए तिनु सै बिना सौंचै-सौमझै कौरौ, तौ सै पौरमेशवर कै ढौबौशै सौजा भुकतदै।

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।

प्रकाशितवाक्य 3:17

तू सुंचै कै तू सैठ औसौ औरौ तांव कैई सैजौ सौब औसौ जिथकै ताखै जौरुरत औसौ, पौरौ तू ना जाणै कै इथकै सौचाई ऐजी औसौ कै तांव पांदी तरस आणा चैंई। जिथुकै सौचाई ऐजी औसौ कै तू गरीब औसौ, तांव कैई लुस्कै ना आथी, औरौ तू आन्धा औसौ।